1 Korin 7:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Sugaꞌ bong baw yaꞌ tasaggaꞌ bi, mahap gi kam handa atawa halla man bi nnaa tiksaꞌ wā naggaan dawom bi.

1 Korin 7:9 ပူးပေါင်းရင်းမြစ်များ

Salsila siga Rasul 19:36

Na bitsala ku ilay siꞌ tud bana. Yaꞌ na tapakilubaan. Sangkon njawom iman kam. Daa kam os-os madara kahandak bi.

1 Korin 7:2

Sugaꞌ pagka meka kajinahan, gam na kalallahan handa. Damikiyan, gam na karandahan halla.

1 Korin 7:28

Na bong baw luu doman handa atawa halla, yaꞌ du baw na luu laat na. Sat na jaꞌ, bong kam handa atawa halla ni timpu batnaa, nammu na baw sina kam jinisan kasusahan. Boꞌ yaꞌ ku doman bong kam nammu lagi kasusahan.

1 Korin 7:36

Sugaꞌ bong sawpama disu lalla luu na danda karomanan na, bong gantaꞌ yaꞌ na tasaggaꞌ na napsu na, subay ya handa na. Yaꞌ du lay luu laat na kinawin.

1 Korin 7:39

Na ni kapasal danda llahan, taingkot gi sina ya halloman lla na llum. Sugaꞌ sawpama lay na matoy lla na, sumunsayaꞌ na ya halla pabalik ni soysoy karomanan na basta mmeꞌ du lla na ni Papuꞌ Isa.

1 Tesaloneka 4:4

Subay kam saliꞌ-saliꞌ njawom iman ka ngilagan hāl meꞌ naa. Subay bogbogan tabi kasutsian tabi. Maka daa kitabi buwat oy maka oy na ma kadiyoꞌ ni awon tabi.

1 Timuti 5:11

Na bong luu ni baanan bi siga bawu danda ma yaꞌ gi toa, daa patabeun bi ni listahan. Batan bong ina sila bay nganjanjiꞌ ni Almasi yaꞌ na halla pabalik, taggahaꞌ baluba da na baw mintu bay janjiꞌ da pag taabut basag na dawom da halla.

1 Timuti 5:14

Sangkon, meꞌ tuu situ palbiatan ku ni siga bawu danda ma yaꞌ gi umuhan: Gam na sila halla pabalik boꞌ da hanak sampay ngintu jama lumaꞌ da. Meꞌ looy ilay, yaꞌ na luu lawang man da tabitsala pa kalaatan meꞌ sagannap ma doman nulang kitabi.