1 Korin 7:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sabana na, kainagon ku mimon kalallahan meꞌ aku du kaladjikian tanam san yaꞌ ndahan. Sugaꞌ kaniya-kaniya baw situ kitabi ka ladjikiꞌ ma bay sinukuꞌ meꞌ Tuhan ningkitabi. Kasohean kaladjikian luu soheꞌ da sitampu, kasohean kaladjikian tanam san yaꞌ luu soheꞌ da sitampu.

1 Korin 7:7 ပူးပေါင်းရင်းမြစ်များ

Panagnaan 30:34

Tampung si Laban, “Bilang mahap sina. Magsulut kita bong meꞌ naa.”

Salsila siga Rasul 26:29

Tampung si Pol, “Deꞌ-dēꞌ atawa niyaꞌ, paku ku baw duwaa pa Tuhan, kamura-murahan Ampun Sultan, labba man kau sampay na mimon ma pakale ntuu sumibuꞌ na niyaku mmeꞌ ni si Isa. Sugaꞌ kamura-murahan yaꞌ du kam mintu sumibuꞌ niyaku pinusas ka karina meꞌ tuu.”

Suwat si Pol pa mman Baanan Sukuꞌ si Isa ndooy ni Rom 12:6

Man sabapan aseꞌ Tuhan njataꞌ tabi, lay na kitabi binuwanan jinisan kapandoyan bilang ladjikiꞌ ningkitabi. Dari subay situ tabi saliꞌ-saliꞌ makoy ladjikiꞌ ma bay sinukuꞌ ningkitabi para kaayaran ni pagkahi tabi sukuꞌ si Isa. Bong disu bay kaladjikian masampay siga umanat ma bay pinalahil meꞌ Tuhan niiya, subay du pasampay na umanat ma kinapitsayaan meꞌ na bay pinalahil niiya.

1 Korin 12:11

Mimon siga ladjikiꞌ tuu siꞌ, saliꞌ-saliꞌ disu du poonan da, yana Rū Sutsiꞌ ma muwanan kitabi kaniya-kaniya ka gantaan na.

1 Korin 12:4

Na balik ta pa hāl kapandoyan bilang ladjikiꞌ ma ndean sukuꞌ si Isa, meka sina jinisan na, sugaꞌ disu du poonan da, yana Rū Sutsiꞌ.

1 Korin 7:8

Na kuwan kaam ma yaꞌ gi bay pingkaꞌ sitampu atawa ma bawu, ituu bāꞌ ku ningkaam: Luu du sina kaayaran ningkaam bong kam meꞌ aku du yaꞌ luu soheꞌ ku sitampu.

1 Korin 9:15

Sugaꞌ san meꞌ looy, yaꞌ du ku bay makoy kapatut ku nohoꞌ ginastusan ningkaam. Boꞌ na, yaꞌ du situ luu maksud ku njawom suwat tuu nagid-nagid kaam supaya ku kabuwanan. Gam na ku matoy kabobowan, basta yaꞌ baw situ ku maku hasil ningkaam. Batan inaa kabantugan ma yaꞌ ku doman maglumba njawom atay ku.

1 Korin 9:5

Maka saꞌ ba, luu du kapatut kami handa ni danda ma pitsayaꞌ ni si Isa sampay moo nda kami padisu-padisu lahat? San baw ga si Pitel ka siga rasul si Isa kasohean sampay siga danganakan si Isa moo nda da du. Boꞌ na, sapatut na, siga nda da pun subay du binalanjaan meꞌ siga jamaa.