1 Korin 7:38 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁸ Dari hantak bitsala ku ilay siꞌ, handa yaꞌ handa, mahap jaꞌ du sikaduwa, sugaꞌ ni timpu batnaa, mas mahap gi bong niyaꞌ na doꞌ.

1 Korin 7:38 ပူးပေါင်းရင်းမြစ်များ

Matiyu 5:32

Sugaꞌ batnaa, ituu jaꞌ meꞌ ku maka kaam: Bong nda bi yaꞌ bay magjina, soysoy napean nda na, dari dusa niiya bong nda na bay halla pabalik, batan saliꞌ du ya ka bay nohoꞌ nda na magjina. Damikiyan, soysoy ngawinan bay nda bi, jina du ya.”

1 Korin 7:26

Ni bistahan ku, pagka masi sukuꞌ si Isa njawom bahaya mehe, gam na kam yaꞌ ngahalin kaadaan bi.

1 Korin 7:37

Sugaꞌ bong baw ya kasaggaꞌ gi, sampay tapiki na na yaꞌ na doꞌ lawsan na handa, tuwaꞌ na du baw lay san ya yaꞌ handa.

1 Korin 7:39

Na ni kapasal danda llahan, taingkot gi sina ya halloman lla na llum. Sugaꞌ sawpama lay na matoy lla na, sumunsayaꞌ na ya halla pabalik ni soysoy karomanan na basta mmeꞌ du lla na ni Papuꞌ Isa.

1 Korin 7:8

Na kuwan kaam ma yaꞌ gi bay pingkaꞌ sitampu atawa ma bawu, ituu bāꞌ ku ningkaam: Luu du sina kaayaran ningkaam bong kam meꞌ aku du yaꞌ luu soheꞌ ku sitampu.

Hibrani 13:4

Ni hāl sitampu, yaꞌ dari pinabuwat meꞌ sapantun kuli-kulihan sadjaꞌ. Sangkon kaam ma sitampu, yaꞌ dari ubay ka jama saꞌ lla bi atawa nda bi. Soysoy ina buwat kalalamaan meꞌ naa, kalabuan jaꞌ sina hukuman Tuhan.