1 Korin 7:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Sangkon yaꞌ tattog pamiki na buwat kahandak Tuhan. Siga karandahan pun ina, bong sila yaꞌ llahan, labba man pamiki da sampay pa sangsāꞌ da, sumunsayaꞌ jaꞌ du sila nulut kahandak Papuꞌ. Boꞌ ilooy ma llahan, gampang gi sina ni hāl junyaꞌ bong pooy meꞌ da magāk lla da.

1 Korin 7:34 ပူးပေါင်းရင်းမြစ်များ

Yahiya 10:13

Kon na ilay mabiya batan iya tukang ngipat ginadjihan jaꞌ. Yaꞌ dari oy na niiya oy-oy katuwaꞌ ni siga bili-bili looy.

Suwat si Pol pa mman Baanan Sukuꞌ si Isa ndooy ni Rom 6:13

Amay-amay daa na pakoy tabi baran tabi buwat dusa. Gam pin paglillaꞌ tabi na baran tabi labbasakayi pa Tuhan supaya tapakoy man buwat kaintongan. Batan pagkajama tabi maruhuꞌ ma baldusa lay na matoy, pag batnaa, luu na kaallum tabi bahau.

1 Korin 6:20

batan biddaꞌ na bay ehe bayad na supaya kitabi dari sukuꞌ na. Sangkon pakoyun bi baran bi man bi moo kabantugan niiya.

1 Korin 7:33

Boꞌ lalla ma ndahan ina sarī. Meka gi sina kagampangan na ni junyaꞌ batan doman na pin ya magāk nda na.

1 Korin 7:35

San baw ku tu siꞌ bay halling ningkaam meꞌ naa, saꞌ du baw tu ga man ku naggaꞌ kaam yaꞌ nohoꞌ handa atawa halla saumu. Arapun maksud ku maintom jaꞌ para kaayaran ningkaam. Kainagon ku, ilooy jaꞌ bean bi oy-oy ma nulut ni kahandak Tuhan. Yaꞌ ku doman luu gi kasanggalang ningkaam ngisbat iya.

2 Korin 11:28

Sarī man katiksaan baran ku, tiksaꞌ gi sampay pamiki ku llaw pa dangallaw ni kagampang ku ni siga baanan sukuꞌ si Isa sikamimon.

2 Korin 8:16

Magsuku kami pa Tuhan batan lay ya muwanan si Taytus kainagon ngayaran kaam meꞌ karuha ningkami du.

Pilipi 1:20

Kainagon ku yaꞌ luu oy maka oy na pabuwat ku man ku iyaꞌ ni awpan Tuhan. Kamura-murahan batnaa, meꞌ maruhuꞌ na pin, yaꞌ maglumba tawakka ku masaplag umanat mahap. Batan kaallum-kapatoy ku itu, kainagon ku pinaehe Almasi sabapan ku.

1 Tesaloneka 5:23

Kamura-murahan tinabangan du kam meꞌ Tuhan, yana poonan kasannangan, supaya sutsiꞌ na banahan mimon kawul-piil bi. Kamura-murahan inayaran na pin meꞌ na nyawa bi, pamiki bi, sampay baran bi supaya yaꞌ luu sutsutan njataꞌ bi pag beleng Papuꞌ tabi si Isa Almasi.

1 Timuti 3:5

Batan bong ina ya yaꞌ pandoy magtakōk ni jama lumaꞌ na mismu, pooy meꞌ na pandoy magtakōk ni baanan pagkahi na sukuꞌ Tuhan?

1 Timuti 5:5

Siga bawu danda ma talpaksaꞌ tinulung yana sagannap ma yaꞌ luu lūng-kampung da samasakali mangatas ninsila. Siga bawu meꞌ looy ilay, yaꞌ luu pag-asa da sarī man Tuhan. Sangkon iya sa man da maku tulung sangom-llaw.

Taytus 3:8

Na siga tōꞌ ku itu tud kanaalla. Sangkon Taytus, sohoun na kinanna ni mimon nnaa ma mangando pa Tuhan. Meꞌ looy ilay, inisbat na meꞌ da buwat jinisan kaayaran ni siga pagkahi da manusiyaꞌ. Na bitsala ku itu, mahap jaꞌ labbasakayi, boꞌ kasampulnaꞌ ni jama.