1 Korin 7:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Sawpama bong luu lalla taabut na pitsayaꞌ ni si Isa ndang lay na inislam, daa na ya makilubaꞌ. Damikiyan, bong luu lalla ma yaꞌ bay pingkaꞌ inislam taabut na pitsayaꞌ, san daa na ya nohoꞌ inislam.

1 Korin 7:18 ပူးပေါင်းရင်းမြစ်များ

Salsila siga Rasul 15:19

“Sangkon,” yuk si Yaꞌkub, “bong siꞌ aku kabean, daa na patiksaan tabi siga jama saꞌ Yahudi ma lay na ngahalin mundaꞌ da pa jawom okoman Tuhan.

Salsila siga Rasul 15:24

“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila.

Salsila siga Rasul 15:28

“Dari man pamiki bay dean Rū Sutsiꞌ ningkami, lay kami magtaayun yaꞌ na dari matiksaan kaam nohoꞌ mogbogan jinisan saraꞌ bangsa Yahudi. Ilooy sa talpaksaꞌ bean bi meꞌ tuu:

Salsila siga Rasul 15:5

Na ndooy siꞌ, luu du kasohean sukuꞌ si Isa ni baanan looy ma bay pingkaꞌ tabeꞌ ni palhimpunan Parisi. Pag takale da luu na du jama saꞌ Yahudi pitsayaꞌ na ni si Isa, yuk da, “Wajib du baw bilay ninsila inislam maka subay du sila sinohoꞌ mogbogan saraꞌ Nabi Musa.”

Salsila siga Rasul 21:21

Habal bay takale da, bong ko konoꞌ ni kalahat-lahatan bangsa saꞌ Yahudi, meꞌ nu noan siga Yahudi ndooy bahasa subay konoꞌ labbahan da saraꞌ Nabi Musa. Maka baꞌ-bāꞌ jama, wā ko konoꞌ noan siga Yahudi yaꞌ nohoꞌ ngislam anak da batan subay sila konoꞌ yaꞌ na ngikut siga arat bangsa tabi.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.