1 Korin 6:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Kaam ina, inawnan baw kam danganakan, sugaꞌ kaam na baw pagkahi sipalkalaꞌ-palkalaꞌ! Boꞌ ilooy gi laat na, tuhiyan bi lagi palkalaꞌ bi nohoꞌ hinukum ni siga saraꞌ ma yaꞌ san pitsayaꞌ ni si Isa!

1 Korin 6:6 ပူးပေါင်းရင်းမြစ်များ

Panagnaan 45:24

Pag-anu siꞌ, lay na palakka si Yusup siga danganakan na sambayan na nugun sila yaꞌ nohoꞌ sasaꞌ-manasaꞌ ni tangngaꞌ lān.

Salsila siga Rasul 7:26

“Pag meꞌ sumawung, ngita na baw Boꞌ Musa ga pagkahi na bangsa Israil duwa sisuntuk. Pag-anu, lay na baw ya pasōng nalassay, yuk na, ‘Uy, ongoy doꞌ ina kam sisuntuk? Kaam bina sibuꞌ-sibuꞌ bangsa Israil. Saliꞌ du kam ka jama danganakan.’

1 Korin 6:1

Na bong kam luu nnaa magsaggaꞌ ka pagkahi bi sukuꞌ si Isa, oy kadja bi nohoꞌ hinukum ni jama sarī ma saꞌ sukuꞌ si Isa? Sapatut na, bong luu palkalaꞌ bi, nohoꞌ na jaꞌ kam sinalassay ni sibuꞌ pagkahi bi sukuꞌ si Isa.

1 Korin 6:7

Baan ta kam banahan, bila kam sipalkalaꞌ-palkalaꞌ, tarang-tarang lay na sina kam takoleꞌ meꞌ sasat Ibilis. Sangkon, bong pagkahi bi buwat maat ningkaam atawa ngalupig kaam, pabiyahun bi sadjaꞌ. Gam na kam kuhi llupig.

2 Korin 6:14

Siga danganakan, daa kam nibuuk dī bi ka jama ma yaꞌ pitsayaꞌ ni si Isa. Batan yaꞌ sina dari jama intong maglimbang ka jama ma ngalangga saraꞌ Tuhan. Dan jinis meꞌ halling, pooy meꞌ dantaꞌ kapagtibuuk ka lindom?

2 Korin 6:15

Yana meꞌ Almasi yaꞌ luu kabigiꞌ-bigian na ni tabiat Ibilis, damikiyan, kitabi pun ina ma pitsayaꞌ ni Almasi yaꞌ du sina luu kabigiꞌ-bigian tabi ni tabiat jama ma yaꞌ pitsayaꞌ niiya.

1 Timuti 5:8

Batan bong ina luu ma pitsayaꞌ ni si Isa yaꞌ san ngayaran paglūng na, awla na jama lumaꞌ na, mastiꞌ lay na labbahan na tōꞌ sabanna ma kinapitsayaan meꞌ tabi. Boꞌ na, maat gi ya man laanat.