1 Korin 6:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Bong yaꞌ katoonan bi, baran tabi itu lumaꞌ Rū Sutsiꞌ ma bay dean Tuhan kitabi. Saꞌ na sina kitabi dapu baran tabi, arapun Tuhan na dapu

1 Korin 6:19 ပူးပေါင်းရင်းမြစ်များ

Yahiya 2:21

Na sila siꞌ tu, yaꞌ bay tabista da ilooy ma bay awnan si Isa langga, yana baran na mismu.

Suwat si Pol pa mman Baanan Sukuꞌ si Isa ndooy ni Rom 8:9

Boꞌ kaam ina, yaꞌ na kam pinagbayaan meꞌ napsu bi. Ilooy sa bean bi kahandak Rū Tuhan pagka luu na ya patannaꞌ njawom atay bi. Sugaꞌ bong baw ina luu gi kam nnaa yaꞌ gi luu Rū Tuhan bay pinaasok pa jawom atay bi, malaingkan saꞌ du sina kam sukuꞌ Almasi.

1 Korin 3:16

Na kaam, sukuꞌ si Isa, subay katoonan bi kaam lumaꞌ Tuhan batan luu na Rū na maglumaꞌ njawom atay bi.

1 Korin 6:13

Luu gi sina kasohean halling, “Kinakan halliꞌ man ngisihan battong, kuwan battong, halliꞌ man ngisi kinakan. Maka hinansu jaꞌ du sina mintu sikaduwa meꞌ Tuhan bbos-bbos.” Na hantak bitsala da ilay siꞌ, dari san lalla ka danda magjina, batan inawnan baran da, mahap-maat bay pakoy da, mastiꞌ hansu jaꞌ du pag patoy da maka yaꞌ du konoꞌ nakka ahirat. Sugaꞌ yaꞌ san tabista da kon ta magbaran, saꞌ ga man ta magjina, arapun man ta moo kabantugan ni Papuꞌ Isa. Papuꞌ Isa pun ina moo kabantugan du ni baran ta.

1 Korin 6:3

Bong yaꞌ katoonan bi, sampay siga malaikat, kitabi du sina ngahukum ni sinōng. Pagka meꞌ looy, subay siꞌ labi na saꞌ takaya bi sinalassay sat siga palkalaꞌ pagkahi bi ni junyaꞌ tuu.

2 Korin 5:15

Kon na ilay Almasi bay matoy gantiꞌ sikamimon supaya sagannap ma koleꞌ kaallum bahau makutuꞌ kahandak na, saꞌ na kahandak da. Boꞌ pataꞌ du baw lay batan iya bay matoy sampay pinakallum pabalik kalnaꞌ manusiyaꞌ sikamimon.

2 Korin 6:16

Lagiꞌ na, yana meꞌ lumaꞌ Tuhan yaꞌ dari llamuran siga tuhan-tuhan, damikiyan kitabi pun, yaꞌ du dari mmeꞌ meꞌ uwahan jama ma yaꞌ pitsayaꞌ ni si Isa. Batan kitabi na situ binilang lumaꞌ Tuhan sabap Tuhan sabanna ma llum saumu-umu patannaꞌ njawom baran tabi. Meꞌ halling sambat palman Tuhan njawom kitab, yuk na, “Patannaꞌ na sina ku mintu njawom baran da maka luu na pin ku ngunungan sila. Aku na sina mintu Tuhan da maka sukuꞌ ku na sila.” Maka lay gi magpalman Tuhan, yuk na,

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Yaꞌkub 4:5

Daa kam mista suwat njawom kitab meꞌ baliyu pingkaꞌ jaꞌ, ilooy ma yuk na, “Rū ma bay pinaasok meꞌ Tuhan pa jawom atay tabi pangimbu. Kainagon na subay Tuhan numbul satu kinaasean meꞌ tabi.”