1 Korin 6:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Damikiyan, sagannap ma panangkaw, magnapsu mulakab ni altaꞌ, palalango, pamitna, maka pangalupig, mastiꞌ yaꞌ du sina pinatabeꞌ ni pamarinta Tuhan.

1 Korin 6:10 ပူးပေါင်းရင်းမြစ်များ

Matiyu 21:19

Pag ngita ya disu poon kayu igira yaꞌ du tā man bihing lān, lay ya pilay miha buwaꞌ na sugaꞌ yaꞌ ya bay nammu, isu-isu dawun. Pag-anu, yuk na ni kayu looy, “Labba man batnaa, yaꞌ na sina ko buwaꞌ pabalik.” Paddus na pin halling na, magti du ngalayu kayu looy.

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 23:33

“Kaam ina, sibuꞌ du kam ka bay jaman kabboꞌ-bboan bi, subay ga baanan sō latsunan. Daa na kam ngaholat ga tailagan bi lagi hukuman nalkaꞌ.

Yahiya 12:6

Na sabana na, yaꞌ silay luu luuy si Judas ni jama miskin, arapun kon na bay halling meꞌ looy sabap panangkaw ya. Minsan iya bay hinalap ngantanan pangannaan sīn ni baanan ga si Isa, bbuwatan na daran ngulangan sīn da para ni dī na.

Salsila siga Rasul 20:32

“Batnaa tu, paku ku pa Tuhan, iya sa ngayaran kaam. Kannahun bi na pin umanat mahap pasal aseꞌ-tabang na ningkitabi. Umanat tuu itu kapahallot pangando bi supaya takoleꞌ bi mimon supaat ma bay janjiꞌ Tuhan ni sagannap ma bay pabuwat na sukuꞌ na.

1 Korin 15:50

Siga danganakan, hantak bitsala ku ilay siꞌ, baran tabi itu ma luu isi na ka lahaꞌ na, yaꞌ luu lamud na ni pamarinta Tuhan. Batan baran tabi itu ma kuhi gi matoy sampay ngahaluꞌ, yaꞌ luu kabigiꞌ-bigian na ni hāl ma yaꞌ luu masa na.

1 Korin 5:11

Arapun ilooy ya ilay siꞌ bay maksud ku, yaꞌ ku doman kaam palamud ni siga jama ma mangaku mmeꞌ ni si Isa bong maat pabuwatan da, yana meꞌ sapantun magjina, magnapsu mulakab maka numba siga tuhan-tuhan. Maka ilagan bi du sagannap ma mangaku mmeꞌ ni si Isa bong sila pamitna, palalango ka pangalupig. San mangan, daa na kam palamud ninsila.

Galatiya 5:21

Maka jama ina ma pinagbayaan meꞌ napsu da, kainagon da kapasila na altaꞌ pagkahi da, maka panginum sila, sampay mmeꞌ sila ni buwatan baanan danda ka lalla buwat kalalamaan, meꞌ naa, meꞌ naa. Sugaꞌ ndang bay kam silay baan ku maruhuꞌ, jama ma buwat meꞌ looy, yaꞌ luu kabigiꞌ-bigian da ni okoman Tuhan.

Epesus 4:28

Bong kam luu nnaa tangan-tanganan, tagongan bi na. Arapun miha na kam usaha halal mari luu sampay man bi nulung jama miskin.

Epesus 5:5

Katoonan bi na du sina, sagannap ma magjina atawa buwat kasabuhan yaꞌ tumabeꞌ ni pamarinta Almasi ka Tuhan. Damikiyan, sagannap ma magnapsu mulakab ni altaꞌ yaꞌ du tumabeꞌ, batan bbuwatan ma kinanapsuhan meꞌ da subay ga papuꞌ da sinumba meꞌ da.

1 Tesaloneka 4:6

Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

1 Pitel 4:15

Daa jaꞌ baw kon bi bininsanaꞌ sabap luu maat bay pabuwat bi, meꞌ sapantun bay mapatoy, bay nangkaw atawa bay palamud ni hāl ma yaꞌ luu kabigiꞌ-bigian bi.