1 Korin 5:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sangkon yana meꞌ bangsa Yahudi adil ngalakkahan mimon pasulig man lumaꞌ da padpad yaꞌ gi nagnaꞌ paballangan Ngalingkaꞌ, damikiyan, subay du kam adil ngalakkahan mimon dusa man jawom baanan bi. Meꞌ looy ilay yaꞌ langkat kasutsian bi meꞌ dusa. Saꞌ ba, lay na kam sinutsiꞌ meꞌ Almasi jaman na bay nongan umu na man muwasan dusa tabi? Boꞌ kapatoy na ina, ndang luu na sipat na labba man awwal jaman lagi, yana bili-bili bay sinumbaliꞌ meꞌ siga Yahudi taun-taun ni paballangan Ngalingkaꞌ.

1 Korin 5:7 ပူးပေါင်းရင်းမြစ်များ

Matiyu 13:33

“Damikiyan,” yuk si Isa, “pamarinta Tuhan ina meꞌ karuha pasulig pinalamud meꞌ danda njawom disu undam taligu. Minsan dangkitiꞌ du bay inannaꞌ, pag ngassob na, pasulig du mimon addunan na.”

Malkus 14:12

Pag-anu siꞌ, taabut na llaw sibuwa ni paballangan Tinapay Yaꞌ Magpasulig. Maka ndooy na du llaw man bangsa Yahudi magsumbaliꞌ siga anak bili-bili para paballangan Ngalingkaꞌ. Dari lay na ga mulit si Isa pa mman na nilaw, yuk da, “Tuwan, nnoy tu la karomanan nu man kami manyap leꞌ tabi mangan para ni paballangan Ngalingkaꞌ?”

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 1:36

Pag-anu siꞌ, takita si Yahiya na baw si Isa pingkaꞌ. Dari yuk na ni ga mulit na, “Ndaun bi ba, alay na lalla ma ginalla Bili-bili Tuhan.”

Yahiya 19:14

Na waktu looy ilay siꞌ, agaꞌ tangngaꞌ llaw ni llaw man bangsa Yahudi manyap halliꞌ ni paballangan Ngalingkaꞌ. Pag-anu, yuk Gubnul ni siga Yahudi, “Atu na sultan bi.”

Suwat si Pol pa mman Baanan Sukuꞌ si Isa ndooy ni Rom 3:25

Si Isa ilay bay pinapitu meꞌ Tuhan nongan umu na supaya tatanggung na dusa tabi. Dari sabapan lahaꞌ na bay tinumpahan kalnaꞌ kitabi, inaa na man tabi bay koleꞌ kaampunan basta kitabi pitsayaꞌ sadjaꞌ. Njataꞌ kapatoy si Isa, ndooy na man Tuhan bay makitahan manusiyaꞌ kaintongan hukuman na. Batan bong ilay Tuhan bay mabiya manusiyaꞌ madara dusa da, boꞌ yaꞌ san luu pidjalaꞌ ni bay dusa da, malaingkan yaꞌ intong hukuman na. Maruhuꞌ, ni katahaꞌ pasensiya Tuhan, bantuk lay jaꞌ ya mabiya manusiyaꞌ sigi-sigi buwat dusa.

1 Korin 10:17

Na pagka saliꞌ-saliꞌ kitabi mangan tinapay looy dambatang, hati na, san kitabi meka, ingat tabi dī tabi disu baran du.

Epesus 4:22

Maka ndang lay na kam binaan ni hāl pagkajama bi maruhuꞌ, bong ibaratan badjuꞌ lamaꞌ, urusan bi na, batan kabinasa sina ni kaallum bi. Maruhuꞌ ilay, bay jaꞌ kam taboo-boo meꞌ napsu bi buwat jinisan kalaatan.

Siga Pakaradjaan bay Pinalahil 5:12

Bbuwatan da labbasakayi haboy-haboy ngahowap, yuk da, “Bili-bili tuu ma bay pingkaꞌ sinumbaliꞌ tud tawop pinudji sampay binuwanan kabantugan mehe. Tawop ya ngantanan mimon kawasa, mimon daya, mimon pangahati, ka mimon gaos.”