1 Korin 5:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ pa-ntanun bi na lalla looy pa mman Ibilis supaya pinakaat na baran na. Kawu-kawu pag takissa na meꞌ looy, tawbatan na na du dusa na sampay salamat na nyawa na pag taabut llaw Papuꞌ Isa ngahukum manusiyaꞌ.

1 Korin 5:5 ပူးပေါင်းရင်းမြစ်များ

Matiyu 4:10

Iya tampung si Isa, “Lakka na ko Ibilis. Yuk njawom kitab, ‘Isu-isu Papuꞌ bi Tuhan sumbahun bi maka iya jaꞌ isbatun bi.’ ”

Lukas 22:31

Pag-anu yuk si Isa ni si Pitel, “Saymon, pakale ko. Lay na silay muhun Ibilis pa Tuhan nuway-nuwayan kaam sikamimon. Kainagon na ngalangkat pangando bi niyaku.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

1 Korin 1:8

Maka ginaosan na pin sina kam meꞌ Tuhan mmeꞌ ni kahandak na ngabut sampay pa katapusan supaya yaꞌ luu susunan njataꞌ bi pag beleng Papuꞌ tabi si Isa Almasi.

1 Korin 11:32

Sugaꞌ bong ina yaꞌ labbahan ta kalaatan ta, mastiꞌ pinidjalaꞌ jaꞌ sina kita meꞌ Tuhan. Sugaꞌ kon na ilay midjalaꞌ kita mari kita insap supaya yaꞌ na kita pinatabeꞌ ni hukuman ma llabuꞌ njataꞌ sagannap ma saꞌ sukuꞌ na bbos-bbos.

2 Korin 10:6

Na kuwan kaam nnaa, pag takka kami pilu, ndaꞌ ta sa bong ngasip du kam ni kahandak Almasi. Bong ina mintu tumatandaꞌ ngasip du kam, mahap sina. Sugaꞌ bong ina mintu amu-amu luu nnaa yaꞌ ngasip, mastiꞌ malasahi jaꞌ sina meꞌ kami.

2 Korin 12:7

Dari supaya ku yaꞌ takabbu sabapan jinisan pakaradjaan bay pinalahil meꞌ Tuhan niyaku, lay na Tuhan mabiya disu sosohoan Ibilis niksaꞌ aku. Boꞌ ndang ituu na situ kasanggalang niyaku meꞌ sapantun sisib njawom isi ku.

2 Korin 13:10

Ngkon ku tu nuwat meꞌ tuu halloman ku yaꞌ gi bay pilu, kawu-kawu nawbat na sagannap ma buwat kalaatan nnaa. Dari pag takka ku pilu, yaꞌ na ku talpaksaꞌ mainsapan kaam. Ndang-ndang kapatut bay dean Tuhan aku itu para man mabasagan pangando bi ni Almasi, saꞌ ga man mabinasa kaam.

Pilipi 1:6

Aseꞌ bi ina yana buktiꞌ tud hinalin na pin meꞌ Tuhan pangatayan bi pa kaayaran. Maka tatantu ku pagka Tuhan lay na nagnaꞌ ngahalin pangatayan bi, mastiꞌ ndarahan na pin sina meꞌ na ngabut sampay magjatu na garaꞌ na ningkaam ni llaw Almasi pabeleng.

1 Timuti 1:20

Meꞌ looy du silay kadari si Haymeneyus ka si Aleksandel. Sangkon lay na sila pa-ntan ku pa mman Ibilis. Dari pag taabut da mintu malasahi banahan, kawu-kawu magsiddik na sila buwat ilooy ma kadiyoꞌ ni awon Tuhan.

2 Timuti 1:18

Kau pun ina, katoonan nu du, yaꞌ taambat bay tabang na niyaku bay jaman ku nnaa ni Epesus. Kamura-murahan pinanimbangan du ya meꞌ Papuꞌ ni llaw hukuman.

2 Pitel 3:12

halloman tabi ngagad sampay magdautan katakka Almasi ni llaw ma bay ginantaꞌ meꞌ Tuhan. Ni llaw looy ilay mintu, meꞌ halling sambat ku na siꞌ, ampud na sina langit maka tunaw ga mataallaw, buwan ka siga potean leꞌ hawa api.

1 Yahiya 5:16

Na katapusan bitsala ku, bong kita ngita disu danganakan ta sukuꞌ si Isa buwat dusa, subay ya pakuhan ta duwaa supaya ya pinanimbangan meꞌ Tuhan sampay sinampulnaꞌ nyawa na pabalik. Sugaꞌ bong baw dusa na yana ilooy disu ma katiksaꞌ ni nyawa saumu-umu, san kita yaꞌ na mahusaan dī ta makuhan iya duwaa.