1 Korin 5:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Boꞌ aku baw tu, tapus na pamiki ku, aku na motangan lalla looy hukuman. Bana na, baran ku mismu yaꞌ luu nnaa, sugaꞌ ingatun bi luu na du ku nnaa, batan atay ku ndang luu na jaꞌ nnaa mman bi.

1 Korin 5:3 ပူးပေါင်းရင်းမြစ်များ

1 Korin 5:12

Kuwan sagannap ma yaꞌ mmeꞌ ni si Isa, yaꞌ sina luu kapatut tabi ngalabuan sila hukuman. Tuhan sa motangan sila hukuman. Ilooy du pataꞌ subay kalabuan hukuman meꞌ tabi, yana siga pagkahi tabi sukuꞌ si Isa bong luu buwat maat. Minsan njawom Kitab Tawrat yuk na, “Poun bi na pagkahi bi ma maat man jawom baanan bi.”

2 Korin 10:1

Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

2 Korin 10:11

Sugaꞌ indanan bi. Oy-oy ina bay halling kami njawom suwat, pag taabut ni pag-awpan, mastiꞌ ilooy du sina mintu pabuwat kami.

2 Korin 13:2

Na ni kaminduwa ku bay pilu, ndang lay na bay saggong ku sagannap ma bay buwat dusa. Pag batnaa, ndang bandaan ta na kam pabalik padpad yaꞌ gi ku takka pilu. Bong ina mintu ndaꞌ ku masi luu yaꞌ bay ngalabbahan dusa da, yaꞌ na du sina sila agak ku; basta sasso jaꞌ sina sila meꞌ ku.

Kolossa 2:5

San ku yaꞌ luu nnaa, tattap kam njawom atay ku. Maka kaam ina kagakan mehe niyaku sabap magtaayun pamiki bi maka takkoꞌ na pangando bi ni Almasi.

1 Tesaloneka 2:17

Siga danganakan, san itu kami lay pinaggos ngambanan kaam, bong atay kami, luu na jaꞌ du nnaa mman bi. Sangkon maglogtoꞌ na pin situ kami doman sikita pabalik ka kaam balharapan.