1 Korin 5:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Siga danganakan, magpaꞌ-pāꞌ na sina habal luu konoꞌ nnaa ni baanan bi disu lalla jina ka nda mmaꞌ na. Doꞌ kam la, san bina siga laanat yaꞌ du buwat meꞌ naa!

1 Korin 5:1 ပူးပေါင်းရင်းမြစ်များ

Panagnaan 35:22

Sasang ga si Yaꞌkub ni lahat looy, lay na baw magkamuklahan anak na ma siyaka, yana si Ruben, ka si Bilha, yana disu nda si Yaꞌkub ma bay ata da. Pag tasayu si Yaꞌkub, tud bay lasu ya.

Panagnaan 37:2

Ituu batnaa yana salsila ga anak si Yaꞌkub, yana si Yusup ka ga danganakan na. Na jaman si Yusup mag-umu sapu-pitun taun, daran ya mmeꞌ ngipat ga baanan hayop ni siga danganakan na ma yaꞌ dambuwaꞌ nneꞌ. Sila ilay yana anak mmaꞌ na ka ga nda na si Bilha ka si Silpa. Na siga danganakan si Yusup siꞌ tu daran buwat maat. Dari kuwan si Yusup, tamūd numbung ni mmaꞌ da.

Panagnaan 49:4

sugaꞌ lay na timanan nu ladjikiꞌ nu. Sibuꞌ du ko ka dunuk yaꞌ takoleꞌ sinapad, batan yaꞌ bay luu og-og nu magkamuklahan ka nda ku bay llaw looy.

Salsila siga Rasul 15:20

Sugaꞌ subay du baw sina sila pokonan tabi suwat nohoꞌ ngilagan kasohean pabuwatan ma sinipin meꞌ bangsa Yahudi. Intong na, subay sila ngilagan sumbalian ma bay sinongan meꞌ siga kapil ni ga tuhan-tuhan da. Batan para ni bangsa Yahudi, makanan meꞌ looy ilay katamak ni manusiyaꞌ. Maka subay du sila inamay-amayan yaꞌ nohoꞌ ubay ka jama bong saꞌ lla da atawa nda da. Maka subay du sila yaꞌ nginum lahaꞌ atawa mangan sumbalian ma yaꞌ bay tiis lahaꞌ na.

Salsila siga Rasul 15:29

Ilagan bi mangan sumbalian ma bay sinongan ni siga tuhan-tuhan. Maka daa kam nginum lahaꞌ atawa mangan sumbalian yaꞌ bay tiis lahaꞌ na. Maka daa kam ubay ka jama bong saꞌ lla bi atawa nda bi. Bong siꞌ ina bean bi jaꞌ ilooy siꞌ, katuwaꞌ na sina kam. Ngkod naa jaꞌ bitsala kami. Wassalam.”

1 Korin 1:11

Kon ku tu mitsala meꞌ naa, siga danganakan, sabap bay ku kaakahan meꞌ siga paglūng si Kaluya luu konoꞌ kam nnaa magjaw-jawap.

1 Korin 5:11

Arapun ilooy ya ilay siꞌ bay maksud ku, yaꞌ ku doman kaam palamud ni siga jama ma mangaku mmeꞌ ni si Isa bong maat pabuwatan da, yana meꞌ sapantun magjina, magnapsu mulakab maka numba siga tuhan-tuhan. Maka ilagan bi du sagannap ma mangaku mmeꞌ ni si Isa bong sila pamitna, palalango ka pangalupig. San mangan, daa na kam palamud ninsila.

1 Korin 6:13

Luu gi sina kasohean halling, “Kinakan halliꞌ man ngisihan battong, kuwan battong, halliꞌ man ngisi kinakan. Maka hinansu jaꞌ du sina mintu sikaduwa meꞌ Tuhan bbos-bbos.” Na hantak bitsala da ilay siꞌ, dari san lalla ka danda magjina, batan inawnan baran da, mahap-maat bay pakoy da, mastiꞌ hansu jaꞌ du pag patoy da maka yaꞌ du konoꞌ nakka ahirat. Sugaꞌ yaꞌ san tabista da kon ta magbaran, saꞌ ga man ta magjina, arapun man ta moo kabantugan ni Papuꞌ Isa. Papuꞌ Isa pun ina moo kabantugan du ni baran ta.

1 Korin 6:18

Sangkon bong kinawnan magjina, amay-amay ilagan bi. Dusa meꞌ looy ilay pabiddaꞌ man dusa kasohean sabap sagannap ma magjina, ndusa sila sampay ni baran da mismu.

1 Korin 6:9

Yaꞌ kina katoonan bi, kinawnan jama buwat maat, yaꞌ luu kabigiꞌ-bigian da ni pamarinta Tuhan? Daa kam ngandupang dī bi. Intomun bi, basta ina sagannap ma buwat maat meꞌ sapantun kalalamaan yaꞌ halal kawin, atawa ma numba kajinisan sarī man Tuhan, ma magjina, ma sikameek-kameek lalla ka pagkahi da lalla, atawa danda ka pagkahi da danda, mastiꞌ yaꞌ sina luu sukuꞌ da ni pamarinta Tuhan.

2 Korin 12:21

Bong ina sipais, meꞌ naa na pin kadarihan bi pag takka ku pilu, mehe meꞌ ku hinaꞌ pa Tuhan sabapan bi. Maka mehe sina mintu meꞌ ku magkasusahan bong luu gi nnaa yaꞌ gi bay nawbatan dusa da sampay masi buwat jinisan kalalamaan ka kasabuhan sampay kajinahan.

2 Korin 2:5

Na ni kapasal lalla looy ni baanan bi ma bay buwat dusa, bana lay du silay ku pingkaꞌ magkasusahan sabapan na. Sugaꞌ bistahan ku, sa susa-susa ku, mas mehe gi susa bi sikamimon. Sangkon ni hāl inaa, yaꞌ na ku doman mitsala paeka taggahaꞌ landuꞌ meꞌ bi susa.

2 Korin 7:12

Aku ilay bay nuwat ningkaam, saꞌ du sat kalnaꞌ lalla looy ma bay buwat dusa atawa jama looy man na bay ndusa. Arapun ngkon ku ilay bay nuwat, ilu na Tuhan pakale-kale, supaya tabista bi na ehe aseꞌ kami ningkaam.

Galatiya 5:19

Na bong ina jama pinagbayaan meꞌ napsu da, tumatandaꞌ jaꞌ sina ni kawul-piil da, batan kajinisan kalaatan da, meꞌ sapantun magjina, buwat kasabuhan, yaꞌ ngagak dī da,

Epesus 5:3

Sangkon meꞌ kaam anak Tuhan na, daa na kam buwat oy maka oy na man bi kaawnan lamud ni hāl jina, kasabuhan atawa napsu mulakab.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.

1 Tesaloneka 4:7

Kitabi ilay bay lliyun meꞌ Tuhan pa jawom okoman na supaya kitabi mōꞌ kawul-piil sutsiꞌ, saꞌ ga buwat kalalamaan.

Siga Pakaradjaan bay Pinalahil 2:21

Hallom na situ ku bay paagad-agad, kawu-kawu tawbatan danda looy na kajinahan na, sugaꞌ yaꞌ du ya kuhi nawbat.

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”