1 Korin 4:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na siga danganakan, aku ilay siꞌ bay nabbut pabuwatan kami ka si Apolos man ku muwanan kaam pamintangan. Maksud ku mari kam yaꞌ palabi man siga tōꞌ njawom kitab. Intong na, ddong na kam mantug disu danganakan saula-ula patingkat ya man kasohean.

1 Korin 4:6 ပူးပေါင်းရင်းမြစ်များ

Salsila siga Rasul 18:24

Na ni waktu looy du siꞌ, luu na baw disu Yahudi ma pitsayaꞌ na du ni si Isa takka pa Epesus. Awon na si Apolos, jama man Aleksandriya. Iya ilay pintal mitsala maka lahal ni kitab kanabi-nabihan.

Salsila siga Rasul 19:1

Sasang si Apolos ndooy ni Korin, kuwan si Pol, lay pilay pa Epesus man taꞌ dile. Takka pa Epesus, lay ya sitammu ka ga kasohean jama ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 12:3

Na meꞌ aku tu bay pineneꞌ binuwat disu rasul si Isa man aseꞌ Tuhan, junjung ku na ningkaam, daa kam mista dī bi langkaw man pagkahi bi. Subay kam papatong mamiki pasal dī bi batan saꞌ sina sat kaam bay sinukuan kapandoyan meꞌ Tuhan, arapun sampay mimon pagkahi bi ma pitsayaꞌ ni si Isa.

1 Korin 1:12

Bbuwatan bi konoꞌ, yuk dangan, “Aku mmeꞌ ni si Pol.” Yuk disu na baw, “Bong aku, mmeꞌ ku ni si Apolos.” Yuk disu na baw, “Niyaku la, mmeꞌ ku ni si Pitel.” Kuwan kasohean baw, yuk da konoꞌ, “Ningkami la, ilooy jaꞌ bean kami Almasi.”

1 Korin 1:19

Sugaꞌ pasal sagannap ma mista umanat mahap karupangan, tuwaꞌ pa sila na sina palman bay sinuwatan njawom kitab, ilooy ma yuk Tuhan, “Palahil ku karupangan jama ma mista dī da halul-akka. Pabuwat ku lambiꞌ-lambiꞌ pangahati sagannap ma binilang pandoy.”

1 Korin 1:31

Sangkon, meꞌ halling sambat njawom kitab, “Bong jama doman ngabbu, gam na pabuwatan Papuꞌ pinag-abbu meꞌ na.”

1 Korin 13:4

Na arat jama ina maaseꞌ meꞌ tuu: Tahaꞌ pasensiya na, manimbang ni pagkahi na manusiyaꞌ, yaꞌ dangkiꞌ, yaꞌ ngabbu atawa malangkaw dī na

1 Korin 3:19

Batan ilooy ilay ma binilang akka lawom meꞌ jama ma mandang hāl junyaꞌ, bong pa Tuhan, karupangan jaꞌ sina. Boꞌ magbēꞌ du ka suwat njawom kitab, ilooy ma yuk na, “Sagannap ma mista dī da tud akkahan, akka da na mismu man Tuhan nalloban sila.”

1 Korin 3:21

Sangkon, ddong na kam maglangkaw-langkawan siga pa-mmean bi. Batan siga pa-mmean bi ina sampay mimon-mimon lay jaꞌ du ndean meꞌ Tuhan para kaayaran ningkaam sikamimon.

1 Korin 5:2

Boꞌ kaam baw nnaa, sannang jaꞌ kam ngabbu saula-ula kanaalla kam buwat kaintongan. Subay siꞌ gam pin magkasusahan kam. Maka subay siꞌ bay pinōꞌ meꞌ bi lalla looy man baanan bi.

1 Korin 5:6

Bong ina luu na pin lamud kalalamaan meꞌ naa ni baanan bi, yaꞌ sina sikatuwaꞌ bong kam ngabbu lagi bahasa kaam jama kanaalla mmeꞌ ni kahandak Papuꞌ. Subay siꞌ katoonan bi na bong kinawnan dusa pinabiya, kalamin ni sikamimon. Bong dalil ta pa pasulig, san ina dangkitiꞌ du, lataꞌ na sina man na ngassob.

1 Korin 8:1

Na ni kapasal bay tilaw bi hāl mangan sumbalian ma sinongan meꞌ siga kapil ni siga tuhan-tuhan da, ndang tahati tabi na du bong kinawnan siga tuhan-tuhan, yaꞌ luu kawasa da samasakali. Sugaꞌ paayad-ayad kam, batan mangkin ina pasōng pangahati ta, pasōng du sina abbu ta. Boꞌ abbu ina, yaꞌ kasambu ni nyawa pagkahi ta. Iya kasambu yana aseꞌ.

1 Korin 9:23

Dari aku ilay siꞌ buwat meꞌ looy supaya pasōng na pin eka pagkahi ku pitsayaꞌ ni umanat mahap maka supaya ku hampit ni siga supaat njataꞌ da ma pitsayaꞌ.

2 Korin 10:12

Na jama ina ma tigiꞌ malaat kami, saꞌ ga oy, doman jaꞌ sila ngangkat dī da batan ndang nabiat sila sibanding-banding bong soy patingkat. Padahal, mangkin da ina sibanding-banding sampay maglangkaw-langkawan, mangkin tumatandaꞌ na yaꞌ luu akka da. Boꞌ kami itu, yaꞌ kami biyasa buwat meꞌ looy.

2 Korin 10:15

Yaꞌ kami biyasa magpabantug ni pabuwatan jama sampay mangaku saula-ula kami ya bay maghulas-sangsāꞌ. Yaꞌ kami muhung sinanglitan, arapun puhung kami, bong pin pahallot jaꞌ pangando bi ni si Isa. Kainagon kami, hallot na pangando bi mari kami sumunsayaꞌ na ngaliput lahat bi masaplag supaya song paeka na pin jama pitsayaꞌ ni si Isa.

2 Korin 10:7

Kaam ina kasohean, meꞌ bi manding jama, mindoga jaꞌ kam ni hāl ma takita bi ni poan, boꞌ niyat njawom atay, niyaꞌ san paruli bi. Baꞌ-bāꞌ kasohean nnaa, sila du bay binuwanan kapatut meꞌ Almasi binuwat sosohoan na. Sugaꞌ subay siꞌ tabista da, bong sila sosohoan Almasi, kami pun iyadu.

2 Korin 11:4

Gampang ku la ningkaam. Bong luu jama pilu moo tōꞌ sarī pasal si Isa ma yaꞌ magbēꞌ ka tōꞌ kami, kuhi-kuhi jaꞌ kam pitsayaꞌ. Damikiyan, bong luu noan kaam pasal Rū Sutsiꞌ atawa pasal umanat mahap, kuhi-kuhi jaꞌ du kam pitsayaꞌ san yaꞌ sikatuwaꞌ tōꞌ da ka ningkami.

2 Korin 12:19

Na kanna bi mareꞌ maksud ku nuwat meꞌ tuu man ku jaꞌ ngandapitan dī kami. Sugaꞌ siga kakasi ku, saꞌ sina meꞌ naa maksud ku. Meꞌ kami tu tibuuk ka Almasi, ilu na Tuhan pakale-kale, mimon pabuwat kami ka bitsala kami ningkaam, numbul satu maksud kami masambu nyawa bi.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

2 Korin 12:6

Sugaꞌ bong siꞌ ku ilay bay doman magpabantug ni hāl ma bay pinalahil niyaku, san ku yaꞌ na magdupang-dupang ngalabihan bitsala batan yaꞌ ku mitsala bong saꞌ kabanahan. Sugaꞌ agak ku gi situ dī ku nuntut hāl ma bay pinalahil niyaku. Karomanan ku bong ku binantug, subay yaꞌ labi man ilooy ma bay tasakup jama ni jataꞌ ku.

2 Korin 4:15

Dari san meka laug bay talingkaan kami, pa kaayaran du sina ningkaam. Boꞌ na, mangkin pasōng laug njataꞌ kami, mangkin pasōng ehe tabang Tuhan ningkami. Pag toklas na, meka na sina jama muwan pagsukuhan pa Tuhan, pamaehe kabantugan niiya.

Kolossa 2:18

Sangkon daa na kam hidjab bong luu māꞌ yaꞌ sā kasalamatan bi bong kam yaꞌ bay niksaꞌ dī bi ngikut jinisan aturan agama da. Maka daa kam mmeꞌ ni ilmuꞌ kasohean ma nohoꞌ jama numba siga malaikat. Ga jama meꞌ looy ilay tinagi nuntutan kaam kajinisan bahasa bay pinalahil meꞌ Tuhan ninsila. Mingkan, ilooy du mehe ninsila ngabbu, meꞌ ndang tabiat manusiyaꞌ ma mandang hāl junyaꞌ.

1 Tesaloneka 1:5

Batan jaman kami ilay bay masampay umanat mahap pasal si Isa Almasi ningkaam, lay na kam pitsayaꞌ. Boꞌ kaam ilay bay pitsayaꞌ, saꞌ du ga sat man sabapan bitsala kami; luu du kawasa Rū Sutsiꞌ bay mukaꞌ puad bi. Sarī gi, lay du bay tabistu bi bana halling kami batan lay na bay tasakup bi arat-tabiat kami nnaa. Maka katoonan bi na du, mimon bay pabuwat kami nnaa, yaꞌ luu saꞌ yaꞌ bay pa kaayaran ningkaam.

2 Timuti 2:10

Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.