1 Korin 4:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Dari supaya luu suntuan man bi ngakig aku, sohoꞌ ku sa pilu si Timuti gantiꞌ ku. Iya itu meꞌ anak ku na du, disu kakasi ku ma magkanaalla mean kahandak Papuꞌ. Iya sa maintoman kaam bong pooy kawul-piil ku njawman si Isa Almasi mari taakig bi. Batan kawul-piil ku itu magbēꞌ ka mimon ma pinagtōꞌ meꞌ ku ni siga baanan sukuꞌ si Isa nnoy-nnoy jaꞌ lahat.

1 Korin 4:17 ပူးပေါင်းရင်းမြစ်များ

Matiyu 24:45

“Indanan bi. Bong ina luu ata magkanaalla sampay makoy honaꞌ-honaꞌ na, malaingkan iya na sina pineneꞌ meꞌ papuꞌ na magtakōk ni siga pagkahi na ata. Iya na mangatas makan sila tiyap-tiyap waktu.

Matiyu 25:21

“Tampung bōs na, ‘Tud bay mahap meꞌ nu buwat. Kau na tindog mahap maka kanaalla. Pagka ko bay kanaalla ni pabuwatan dangkitiꞌ, batnaa paeka ku na altaꞌ ku hinalap ningkau. Tu ko. Patabeꞌ ta na ko ni kagakan ku.’

Matiyu 25:23

“Dari meꞌ looy du siꞌ baw sambatan bōs looy, yuk na, ‘Tud bay mahap meꞌ nu buwat. Kau na tindog mahap ka kanaalla. Pagka ko bay kanaalla ni pabuwatan dangkitiꞌ, batnaa paeka ku na altaꞌ ku hinalap ningkau. Tu ko. Patabeꞌ ta na ko ni kagakan ku.’

Salsila siga Rasul 16:1

Pag-anu, lay na baw pawus ga si Pol ka si Saylas pa Delbe ka Listra. Ndooy siꞌ ni Listra, luu disu lalla inawnan si Timuti ma ndang pitsayaꞌ na du ni si Isa. Nneꞌ na ilay bangsa Yahudi, boꞌ ndang pitsayaꞌ na du ya. Sugaꞌ mmaꞌ si Timuti bangsa Greek.

1 Korin 11:16

Na bong luu doman nganjawap aku pasal tōꞌ tuu, subay tabista da ndang ituu tabiat pinag-ikut meꞌ kami sampay na mimon baanan sukuꞌ Tuhan nnoy-nnoy jaꞌ.

1 Korin 11:2

Na siga danganakan, sanglit ku baw ningkaam sabap yaꞌ takupan bi suntuan bay takita bi njataꞌ tangge-tingkōꞌ ku. Maka yaꞌ kam halin man siga tōꞌ ma bay pinasampay meꞌ ku ningkaam.

1 Korin 11:34

Bong hati kam ndang lingantu na, mangan na doꞌ kam duhuꞌ ni lumaꞌ. Ngilag kam, taggahaꞌ yaꞌ na baw mintu taagak bi dī bi sampay man bi na baw pinidjalaꞌ meꞌ Tuhan. Na ni kapasal bay tilaw bi kasohean, noy ku takka na pilu boꞌ bi baan ku.

1 Korin 14:33

batan kahandak Tuhan ina, subay hatu meꞌ tabi numba iya. Yaꞌ ya doman hipos njawom baanan tabi. Na kuwan karandahan ma mmeꞌ numba, subay akig da tabiat inikut meꞌ mimon baanan sukuꞌ Papuꞌ Isa.

1 Korin 16:1

Na pasal meꞌ bi ngumpo sīn halliꞌ ni pagkahi tabi sukuꞌ Tuhan ma sigpit ndooy ni Yahudiya, akigun bi jaꞌ meꞌ ilooy ma bay sohoꞌ ku ni siga baanan ma mmeꞌ ni si Isa ndooy ni Galatiya.

1 Korin 16:10

Na bong mintu bay takka pilu si Timuti, hasiyun bi sa paayad supaya yaꞌ luu loman na ningkaam. Iya ilay, meꞌ aku du, magtuyuꞌ maghulas-sangsāꞌ kalnaꞌ Papuꞌ.

1 Korin 4:14

Na aku lay siꞌ bay nuwat meꞌ looy, yaꞌ du silay ga man ku makiyaꞌ kaam, arapun man ku jaꞌ maintong kaam, batan sibuꞌ na kam ka anak ku, yana kakasi ku.

1 Korin 4:15

San ina meka bay pingkaꞌ ngayaran kaam mari kam yaꞌ magsiꞌ man Almasi, aku du tabilang mmaꞌ bi. Batan poonan bi bay pitsayaꞌ ni si Isa Almasi sabap aku bay masampay umanat mahap ningkaam.

1 Korin 4:2

Na tiyap-tiyap ina jama bay hinalapan pabuwatan, subay ya kanaalla buwat ilooy ma bay sinukuꞌ niiya.

1 Korin 7:17

Na oy-oy kaadaan bi jaman bi bay lliyun meꞌ Tuhan binuwat sukuꞌ na, san daa na halinun bi. Inaa ina yana aturan ma pinagtōꞌ meꞌ ku ni mimon baanan sukuꞌ si Isa.

1 Korin 7:25

Na pasal kaam ma yaꞌ gi llahan atawa ndahan, luu du situ palbiatan ku ningkaam. Sugaꞌ saꞌ baw tu ga panohoan lakka man Papuꞌ mismu, arapun ituu tu yana palbiatan pamuwan ku ningkaam meꞌ aku disu jama kanaalla ni Papuꞌ sabapan aseꞌ na niyaku.

2 Korin 8:18

Sarī man si Taytus, luu gi situ sohoꞌ kami mmeꞌ niiya disu danganakan tabi. Iya itu sinanglitan meꞌ mimon baanan sukuꞌ si Isa sabap meꞌ na tiggo masaplag umanat mahap.

Epesus 6:21

Na mari katoonan bi bong oy na pin bbuwatan ku maka mimon kahalan ku ntuu, sohoꞌ ku sa pilu danganakan tabi si Tikikus, disu kakasi tabi ma magkanaalla maghulas-sangsāꞌ kalnaꞌ Papuꞌ Isa. Iya sa nuntutan kaam mari gamgām pamiki bi pasal kami.

Pilipi 2:19

Na bong itu nugut jaꞌ Papuꞌ Isa, yaꞌ hallom, sohoꞌ ku doꞌ si Timuti pa mman bi supaya katoonan ku kahalan bi nnaa. Bong ina mintu tahabal ku ayad kahalan bi, mastiꞌ kagamgaman na ku.

Pilipi 2:22

Boꞌ si Timuti itu, katoonan bi na du, ndang kanaalla ya man maruhuꞌ lagi. Ndang tigiꞌ ya nabangan aku masaplag umanat mahap meꞌ karuha anak-anak nabangan mmaꞌ na.

Kolossa 1:7

Boꞌ inaa na kabanahan ma bay takoleꞌ bi man si Epapras, disu limbang kami sosohoan Tuhan. Iya itu kakasi kami maka tiggo ya maghulas-sangsāꞌ kalnaꞌ Almasi pa kaayaran ningkaam.

Kolossa 4:9

Maka luu gi situ ntuu si Onesimas, jama lahat bi du, sohoꞌ ku ngahongan si Tikikus. Iya pun itu disu danganakan tabi du kanaalla mmeꞌ ni Papuꞌ maka kinaasean du meꞌ sikamimon ntuu. Sila sa mintu nuntutan kaam habal mantuu.

1 Timuti 1:18

Na Timuti, meꞌ kau sibuꞌ na ka anak ku, amay-amay mimon ma bay tugun ku siꞌ ningkau, pasampayun sa ni siga sukuꞌ si Isa nnaa. Ndang-ndang pabuwatan nu ina masampay kabanahan sikatuwaꞌ bana ka bay tunaꞌ siga pa-mmean sukuꞌ si Isa pasal kau. Bong ina tud kinanna du meꞌ nu bay tunaꞌ njataꞌ nu, inaa na sina buwansang mehe ningkau nulang kalaatan. Dari sibuꞌ du sina karuha nu ka sundalu basag ngatu njawom bonoꞌ mehe.

1 Timuti 1:2

Itu suwat ku pa mman nu Timuti. Kau ina subay ga anak ku na rahasiyaꞌ sabap meꞌ ta dambuwaꞌ atay pitsayaꞌ ni Papuꞌ Isa. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

2 Timuti 1:2

Itu suwat ku pa mman nu Timuti, kakasi ku. Kau ina sibuꞌ na du ka anak ku. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

2 Timuti 2:2

Siga tōꞌ ma bay takale nu man ku, yana tōꞌ ma bay pasaplag ku ni pag-awpan siga baanan jama, pasampayun na ni kalallahan ma taasahan nu, ma pandoy noan jama sarī.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.

Taytus 1:5

Na kau ina ndang katoonan nu na du, ngkon nu bay sohoꞌ ku pasangkod nnaa ni Krit supaya tapupus nu pabuwatan ma bay tagnaan ta. Boꞌ lay gi ko bay sohoꞌ ku nguwakilan jama binuwat siga pa-mmean ga baanan sukuꞌ si Isa ni mimon daira nnaa.

Siga Pakaradjaan bay Pinalahil 2:10

Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.