1 Korin 4:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ San ina meka bay pingkaꞌ ngayaran kaam mari kam yaꞌ magsiꞌ man Almasi, aku du tabilang mmaꞌ bi. Batan poonan bi bay pitsayaꞌ ni si Isa Almasi sabap aku bay masampay umanat mahap ningkaam.

1 Korin 4:15 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 15:20

Man maruhuꞌ lagi ndang lay na situ ku paruhuꞌ masaplag pasal Almasi ni kalahat-lahatan ma yaꞌ gi bay pingkaꞌ kale awon na. Bong siꞌ ibaratan matangge lumaꞌ, ndang yaꞌ ku bay doman matangge lumaꞌ ni tanaꞌ ma ndang luu na tehang bay pinatangge meꞌ jama sarī.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 15:1

Na siga danganakan, katoonan ku du tud hilas kam bay pitsayaꞌ ni umanat mahap ma bay pasaplag ku ningkaam. Boꞌ masi du bean bi ngabut sampay batnaa. Sugaꞌ paintoman ta doꞌ kam isi umanat mahap

1 Korin 3:10

Kuwan aku, man kapandoyan bay dean Tuhan niyaku, aku meꞌ sapantun disu tukang alistu bay nagnaꞌ buwat lumaꞌ na. Dari ko ngawon, aku bay matangge tehang lumaꞌ na. Hati na, aku bay duhuꞌ masaplagan kaam. Pag-anu, luu na baw pasunuꞌ siga tukang ma nangon kalangkapan ni tehang bay patangge ku. Sugaꞌ sagannap ma pasunuꞌ subay paayad-ayad meꞌ da buwat.

1 Korin 3:6

Pabuwatan kami itu, bong ndalil pa huma, aku meꞌ sapantun disu tindog bay sinukuan naburan bani. Kuwan si Apolos, meꞌ sapantun bay sinukuan nataꞌ. Sugaꞌ mastiꞌ isu-isu Tuhan du masulig.

1 Korin 3:8

Ilooy ilay ma nabud sampay ilooy ma nataꞌ, sibuꞌ du maksud da. Maka saliꞌ-saliꞌ du sina mintu sila tinungbasan meꞌ Tuhan magpataꞌ ka bay hulas-sangsāꞌ da.

1 Korin 9:12

Bong pataꞌ guru bi ilooy kasohean binalanjaan meꞌ bi, labi na kami. Sugaꞌ kami baw tu, san sakayi, yaꞌ du kami bay maku hasil san luu kapatut kami. Gam pin lay jaꞌ kami natasan katiksaan ngusahān dī kami bay jaman kami nnaa noan kaam. Ilooy ilagan kami taggahaꞌ luu gi kasanggalang ningkaam pitsayaꞌ ni umanat mahap pasal Almasi.

1 Korin 9:14

Boꞌ sikatuwaꞌ du silay ka tōꞌ Papuꞌ Isa. Batan ndang bay ya māꞌ sagannap ma masaplag umanat mahap subay koleꞌ gastus man da llum man jama ma pitsayaꞌ ni umanat da.

1 Korin 9:16

Bong ni hāl meꞌ ku masaplag umanat mahap, yaꞌ du ku tu kabantug dī ku sabap inaa pabuwatan bay hinalap meꞌ Tuhan niyaku. Bong baw tu yaꞌ pabuwat ku, malaingkan tud mehe sasso ku bbos-bbos.

1 Korin 9:18

Na tungbas ma awnan ku ilay siꞌ, yana kagakan takissa ku bay masampay umanat mahap ni jama yaꞌ mabayad sila. Sangkon, yaꞌ ku doman makoy kapatut ku nohoꞌ binalanjaan.

1 Korin 9:23

Dari aku ilay siꞌ buwat meꞌ looy supaya pasōng na pin eka pagkahi ku pitsayaꞌ ni umanat mahap maka supaya ku hampit ni siga supaat njataꞌ da ma pitsayaꞌ.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

Galatiya 3:24

Dan jinis meꞌ halling, saraꞌ ilay meꞌ sapantun tukang jaga bay magbayaan kami ngkod-ngkoran yaꞌ gi bay takka Almasi. Noy takka na Almasi boꞌ kami sumunsayaꞌ sampay initung na intong sabap meꞌ kami pitsayaꞌ niiya.

Galatiya 3:25

Dari pagka luu na bay takka Almasi sampay kinapitsayaan na meꞌ kami, yaꞌ na kami njawman tukang jaga looy, yana saraꞌ.

Galatiya 4:19

Siga anak, halloman ku ilay bay ngagad kaam pitsayaꞌ ni Almasi, tud bay gampang ku ningkaam. Sibuꞌ du parasahan ku ka danda magkamaddi-maddi ngagad anak na pōꞌ. Pag batnaa, meꞌ ga pabalik na baw gampang ku ningkaam, batan kahalloman ku la ngagad kawul-piil Almasi tumatandaꞌ ni jataꞌ bi.

2 Timuti 4:3

Kon nu ina sohoꞌ ku na masaplag batnaa batan luu sina mintu masa kaekahan manusiyaꞌ yaꞌ na doman pakale ni tōꞌ sabanna. Ilooy du ina mintu katagihan da pinakale, yana tōꞌ ma magbēꞌ ka kainagon da buwat oy-oy kinanapsuhan meꞌ da. Dari bbuwatan da ina mintu miha siga guru ma mōꞌ bitsala ma lassa ni tinga da.

Pilimun 1:19

Batnaa, aku na situ si Pol nuwat janjiꞌ ku ningkau ka tangan ku mismu. Oy-oy utang si Onesimas ningkau, aku sa mayad. Kamasaꞌ, bong siꞌ itu kita tud magbista, sa ehe-ehe utang si Onesimas ningkau, mas mehe gi buddi ku njataꞌ nu. Batan danan nu bay nammu kasampulnaan nyawa ma yaꞌ luu katapusan na sabapan man aku.

Yaꞌkub 1:18

Man kahandak na, lay na ya muwanan kitabi kaallum bahau sabap meꞌ tabi pitsayaꞌ ni umanat kabanahan pasal Almasi. Maksud na supaya tumatandaꞌ na kitabi patingkat niiya man mimon-mimon ma bay pinapayak meꞌ na.

1 Pitel 1:23

Batan sibuꞌ du sina kam ka lay na pinamaddihan pabalik. Sugaꞌ kaallum bi ina ma bahau saꞌ na meꞌ kaallum bi sibuwa ma lakka man induꞌ-mmaꞌ bi ma kuhi gi matoy. Arapun kaallum bi ina ma bahau lakka man Tuhan sabanna ma llum saumu-umu. Danan bi ilay bay koleꞌ kaallum bahau sabap meꞌ bi pitsayaꞌ ni palman Tuhan. Batan palman na ina muwan kaallum bahau maka yaꞌ kuhi baluba saumu-umu.