1 Korin 3:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Ilooy ilay ma nabud sampay ilooy ma nataꞌ, sibuꞌ du maksud da. Maka saliꞌ-saliꞌ du sina mintu sila tinungbasan meꞌ Tuhan magpataꞌ ka bay hulas-sangsāꞌ da.

1 Korin 3:8 ပူးပေါင်းရင်းမြစ်များ

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Lukas 19:19

“Yuk sultan looy, ‘Mahap sina. Kuwan kau, buwanan ta na ko kapatut marintahan daira lima.’

Suwat si Pol pa mman Baanan Sukuꞌ si Isa ndooy ni Rom 2:6

Ndaun bi sa, mastiꞌ tinungbasan jaꞌ sina mintu meꞌ Tuhan mimon manusiyaꞌ saliꞌ-saliꞌ magtūk ka bay pabuwatan da.

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

1 Korin 3:14

Na sagannap ma kanaalla buwat, mastiꞌ yaꞌ sina mintu tutung pabuwatan da. Dari binuwanan sila tungbas ayad.

1 Korin 3:7

Sangkon, bong sat ilooy ma nabud atawa ilooy ma nataꞌ, yaꞌ du pataꞌ pinaehe. Ilooy ya pataꞌ pinaehe, isu-isu Tuhan sabap iya masulig.

1 Korin 3:9

Sangkon, bong inawnan kami ka si Apolos, sosohoan sadjaꞌ situ kami maglimbang buwat kalnaꞌ Tuhan. Kuwan kaam ina, meꞌ sapantun huma Tuhan inintu meꞌ kami. Dan jinis meꞌ halling, kaam ina meꞌ sapantun lumaꞌ Tuhan pinabuwat.

1 Korin 4:15

San ina meka bay pingkaꞌ ngayaran kaam mari kam yaꞌ magsiꞌ man Almasi, aku du tabilang mmaꞌ bi. Batan poonan bi bay pitsayaꞌ ni si Isa Almasi sabap aku bay masampay umanat mahap ningkaam.

1 Korin 9:7

Ibaratan sundalu, yaꞌ sina luu san disu nganggastusan dī na sasang na magsundalu. Tuwaꞌ pa jama ngabbun anggul, sapatut na, mangan du ya buwaꞌ tinanom na. Damikiyan, tuwaꞌ pa tukang ngipat kambing, sapatut na, koleꞌ du ya kasohean boheꞌ duruꞌ da.

Galatiya 6:4

Gam na pindogahan tabi doꞌ dī tabi bong tuwaꞌ pabuwatan tabi atawa niyaꞌ. Bong ina tud tuwaꞌ du, inaa ya pataꞌ man tabi gāk. Daa jaꞌ kitabi meꞌ kasohean ma tigiꞌ manding bong sila lumabi man pagkahi da.

Galatiya 6:5

Batan taabut ina mintu kitabi siawop ka Tuhan, sibuꞌ-sibuꞌ na du kitabi magsabanna ni mimon bay gulaꞌ-gariꞌ tabi.

Hibrani 6:10

Tuhan ina intong. Sangkon mimon kaayaran bay pabuwat bi yaꞌ luu takupan na. Takita na du sina aseꞌ bi niiya sabap meꞌ bi nabang ni siga pagkahi bi sukuꞌ si Isa ngabut sampay batnaa.

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.

2 Yahiya 1:8

Sangkon iyakin kam mari yaꞌ senseng mimon bay hulas-sangsāꞌ kami noan kaam maka supaya takoleꞌ bi du mimon supaat ma bay hinalliꞌ meꞌ Tuhan ningkaam.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.

Siga Pakaradjaan bay Pinalahil 22:12

Pag-anu, yuk Papuꞌ Isa, “Iyakin kam batan tapit na sina katakka ku. Pag takka ku, tungbasan ku na sina mintu sikamimon manusiyaꞌ magpataꞌ ka bay pabuwatan da.