1 Korin 3:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Doꞌ kam bi. Soy doꞌ itu kami ka si Apolos? Kami bitu sosohoan sadjaꞌ ma bay mitsalahan kaam supaya kam pitsayaꞌ ni si Isa. Kami itu dangoy na, buwat jaꞌ kami saliꞌ-saliꞌ ma bay sinukuꞌ meꞌ Papuꞌ ningkami.

1 Korin 3:5 ပူးပေါင်းရင်းမြစ်များ

Matiyu 25:15

Ilooy disu bay inambanan limampūꞌ libu, kuwan disu, duwampūꞌ libu maka ilooy disu, sapū libu. Bōs da siꞌ tu bay ma-ntan sīn, lay jaꞌ pinagsitawop meꞌ na ka kapandoyan da. Pag-anu, boꞌ na lome.

Yahiya 3:27

Tampung si Yahiya ninsila, “Yaꞌ bilay luu jama ngantanan kawasa-kapatut buwat meꞌ looy bong yaꞌ bay kabuwanan leꞌ Tuhan.

Salsila siga Rasul 18:24

Na ni waktu looy du siꞌ, luu na baw disu Yahudi ma pitsayaꞌ na du ni si Isa takka pa Epesus. Awon na si Apolos, jama man Aleksandriya. Iya ilay pintal mitsala maka lahal ni kitab kanabi-nabihan.

Salsila siga Rasul 19:1

Sasang si Apolos ndooy ni Korin, kuwan si Pol, lay pilay pa Epesus man taꞌ dile. Takka pa Epesus, lay ya sitammu ka ga kasohean jama ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 15:16

Aku itu bay pineneꞌ binuwat sosohoan si Isa Almasi kalnaꞌ siga bangsa ma saꞌ Yahudi. Pabuwatan ku tu meꞌ karuha imam batan masaplag ku umanat mahap man Tuhan ninsila. Kuwan sagannap ma pitsayaꞌ, sila meꞌ sapantun jakat sinongan meꞌ ku pa Tuhan. Boꞌ tinimaꞌ jaꞌ sina sila meꞌ Tuhan sabap lay na sinutsiꞌ pangatayan da meꞌ Rū Sutsiꞌ.

1 Korin 12:28

Na meꞌ kitabi itu njawom sakup Almasi na, luu jinisan pabuwatan bay sinukuꞌ ningkitabi. Duhuꞌ, luu bay kawakilan leꞌ Tuhan binuwat siga rasul si Isa. Kaduwa na, kasohean bay kawakilan masampay siga umanat ma bay pinalahil meꞌ Rū Sutsiꞌ ninsila. Ni katallu na, kasohean bay kawakilan binuwat siga guru. Sarī man inaa, luu gi sina bay kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian ngulian jama. Kasohean kaladjikian basag nabang, kasohean tukang magmalim maka luu gi kasohean kaladjikian mitsala ni jinisan pallun ma yaꞌ san bay pingkaꞌ kapandoyan da.

1 Korin 16:12

Na kuwan danganakan tabi si Apolos, sabuli-buli ku situ bay nganjunjung iya nohoꞌ mmeꞌ ni siga danganakan tabi pilu ngandaꞌ-ngandaꞌ kaam, sugaꞌ yaꞌ gi ya konoꞌ kasakap. Bāꞌ na, pilu sa ya bong luu na dapat na.

1 Korin 3:10

Kuwan aku, man kapandoyan bay dean Tuhan niyaku, aku meꞌ sapantun disu tukang alistu bay nagnaꞌ buwat lumaꞌ na. Dari ko ngawon, aku bay matangge tehang lumaꞌ na. Hati na, aku bay duhuꞌ masaplagan kaam. Pag-anu, luu na baw pasunuꞌ siga tukang ma nangon kalangkapan ni tehang bay patangge ku. Sugaꞌ sagannap ma pasunuꞌ subay paayad-ayad meꞌ da buwat.

1 Korin 3:22

Kami pun itu ka ga si Apolos ka si Pitel saliꞌ-saliꞌ bay jaꞌ du ndean meꞌ Tuhan para kaayaran ningkaam. Mimon njawom junyaꞌ tuu, labba man batnaa sampay ni sinōng, kaallum-kapatoy bi, basta mimon-mimon lay na sinukuꞌ para kaayaran ningkaam,

1 Korin 3:7

Sangkon, bong sat ilooy ma nabud atawa ilooy ma nataꞌ, yaꞌ du pataꞌ pinaehe. Ilooy ya pataꞌ pinaehe, isu-isu Tuhan sabap iya masulig.

1 Korin 9:17

Na bong itu ku masaplag ni gasad bayaꞌ ku, malaingkan luu tungbas man Tuhan niyaku. Sugaꞌ bong itu saꞌ ni gasad bayaꞌ ku, talpaksaꞌ du ku masi masaplag sabap inaa pabuwatan bay hinalap meꞌ Tuhan niyaku.

2 Korin 11:23

Bong yuk da sosohoan Almasi sila, labi na aku. Na bong siꞌ itu yaꞌ talpaksaꞌ, subay ga ku jama yaꞌ luu honaꞌ-honaꞌ na magpabantug meꞌ tuu. Para na pin, bana du bitsala ku. Pooy-pooy jaꞌ ina meꞌ guru bi bay maghulas-sangsāꞌ kalnaꞌ Almasi, basta yaꞌ baw ina sila lumabi man aku. San du sila min dangoy bay tajīl kalnaꞌ iya, basta yaꞌ baw sina lumabi man niyaku. Maka bong ni hāl lagpiꞌ, basta min meka gi niyaku. Kansang gi ku nontongan kapatoy ku.

2 Korin 3:3

Dan jinis meꞌ halling, sabap lay na kam pitsayaꞌ ni umanat kami, tadalil na kam pa suwat bay sinuwatan meꞌ Almasi pa mman sikamimon. Batan tuktuk liling jama kawul-piil bi, sibuꞌ du ka bay na sila matsa kaayaran Almasi njataꞌ bi. Sugaꞌ saꞌ baw ina kam meꞌ karuha suwat ma bay sinuwatan ka īng. Arapun kaam ina meꞌ sapantun suwat ma bay sinuwatan ka Rū Sutsiꞌ lakka man Tuhan sabanna ma llum saumu-umu. Maka panohoan Tuhan ina lay na sinuwatan njawom atay bi, saꞌ na meꞌ maruhuꞌ bay gi sinuwatan taꞌ siga batu ni bay jaman Nabi Musa.

2 Korin 3:6

Maka Tuhan du sina nganggaosan kami masaplag pagsulutan bahau ni antaraꞌ iya ka manusiyaꞌ mari jama mahap na niiya. Ni pagsulutan bahau ina, Rū Sutsiꞌ ndean meꞌ Tuhan ni manusiyaꞌ. Boꞌ ni pagsulutan sibuwa, saraꞌ bay ndean ni manusiyaꞌ. Ni pagsulutan sibuwa ina, bong jama doman mahap na pa Tuhan, subay bogbogan da sara. Salla na, ilooy du takoleꞌ jama man saraꞌ yana katiksaan nyawa batan yaꞌ luu kabogbog labbasakayi. Boꞌ ni pagsulutan bahau ina, koleꞌ na kitabi kaallum bahau sampay kasampulnaan nyawa saumu-umu man sabapan Rū Sutsiꞌ.

2 Korin 4:1

Ni kaehe timbang Tuhan, lay kami peneꞌ na masaplag umanat mahap. Sangkon yaꞌ kami jamu maghulas-sangsāꞌ kalnaꞌ iya.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

2 Korin 4:7

Kami itu meꞌ sapantun kibut ma mura jaꞌ passaꞌ bay inisihan altaꞌ hagaan saꞌ alang-alang. Altaꞌ ma awnan ku ilay siꞌ yana ladjikiꞌ ningkami bay kawakilan masaplag umanat mahap. Kami itu bay peneꞌ Tuhan san yaꞌ luu kawasa kami supaya oy-oy pabuwat kami, tumatandaꞌ man kawasa na, saꞌ ga lakka man kawasa kami.

2 Korin 5:18

Na ilooy ilay siꞌ, sikamimon man gantaan Tuhan. Bistahun bi doꞌ, san kitabi bay ndusa pa Tuhan sibuwa, lay gi ya buwat jalan man tabi mahap na niiya njataꞌ pabuwatan Almasi. Boꞌ lay gi Tuhan nguwakilan kitabi nohoꞌ mahati jama bong pooy meꞌ da mahap na niiya.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

2 Korin 6:4

Kainagon kami ni mimon tangge-tingkōꞌ kami tumatandaꞌ ni jama bana-bana kami sosohoan Tuhan. Inaa sina kon kami natasan jinisan kabinsanaan, kamalasahiyan ka kasusahan.

Epesus 3:7

Dari man sabapan aseꞌ Tuhan niyaku, lay ku kaladjikian binuwat sosohoan na masaplag umanat mahap ni kaehe kawasa Tuhan njataꞌ ku.

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

Kolossa 1:25

Aku tu lay pineneꞌ meꞌ Tuhan binuwat sosohoan na kalnaꞌ kaam kabangsa-bangsahan ma saꞌ Yahudi. Sangkon tuyuan ku ngalataan kalahat-lahatan bi masaplag umanat Tuhan.

1 Timuti 1:12

Mehe meꞌ ku magsuku ni Papuꞌ ta si Isa Almasi ma nganggaosan aku buwat kahandak na. Magsuku ku niiya sabap lay na ku bilang na kanaalla sampay lay na ku peneꞌ na binuwat sosohoan na.

1 Pitel 4:10

Na meꞌ kaam ina lay na kabuwanan jinisan kapandoyan bilang ladjikiꞌ man Tuhan, pakoyun bi na. Subay kam kanaalla sitabang-tabang makoy kapandoyan bay dean Tuhan ningkaam.