1 Korin 3:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Man ku itu siꞌ halling meꞌ tuu batan masi gi pamiki bi meꞌ jama ma mandang hāl junyaꞌ. Batan taaka ku bbuwatan bi nnaa kasohean sikarangkiꞌ-karangkiꞌ sampay sasaꞌ-manasaꞌ. Sibuꞌ du karuha bi ka jama ma yaꞌ pitsayaꞌ ni si Isa

1 Korin 3:3 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

1 Korin 1:10

Na siga danganakan, kalnaꞌ awon Papuꞌ tabi si Isa Almasi, junjung ku na ningkaam, subay kam dambuwaꞌ pamiki. Yaꞌ sikatuwaꞌ bong magsulemaꞌ pamiki bi dambaanan. Subay kam dambuwaꞌ atay sampay dambuwaꞌ angan-angan.

1 Korin 1:11

Kon ku tu mitsala meꞌ naa, siga danganakan, sabap bay ku kaakahan meꞌ siga paglūng si Kaluya luu konoꞌ kam nnaa magjaw-jawap.

1 Korin 11:18

Duhuꞌ-duhuꞌ, bay taaka ku bila kam kumpo-kumpo numba, magsulemaꞌ pamiki bi dambaanan. Boꞌ kira ku mura mawjud.

1 Korin 3:4

batan tinagi kam maglangkaw-langkawan guru. Taaka ku, yuk dangan, “Aku, mmeꞌ ku ni si Pol,” boꞌ yuk dangan na baw, “Bong niyaku, mmeꞌ ku la ni si Apolos.” Pamiki meꞌ looy ilay, subay ga kam saꞌ sukuꞌ si Isa.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

Galatiya 5:15

Na bong ina kam yaꞌ sikaaseꞌ-kaaseꞌ sampay wā kam sasaꞌ-manasaꞌ, malaingkan buwat jaꞌ kam dī bi subay ga idoꞌ sitokob-tokob. Song hallom, sikalangkat-kalangkat na sina kam dambaanan.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

1 Pitel 4:2

Honaꞌ-honaꞌ na, ddong na ya nganduwan napsu na ma maat. Ilooy sa karomanan na sinulut yana kahandak Tuhan halloman na masi llum.