1 Korin 3:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Na kaam, sukuꞌ si Isa, subay katoonan bi kaam lumaꞌ Tuhan batan luu na Rū na maglumaꞌ njawom atay bi.

1 Korin 3:16 ပူးပေါင်းရင်းမြစ်များ

Yahiya 14:17

Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.

Suwat si Pol pa mman Baanan Sukuꞌ si Isa ndooy ni Rom 6:16

Bong yaꞌ katoonan bi, soysoy ina duwan ta, inaa na sina papuꞌ ta. Sangkon bong ina kita nganduwan napsu ta buwat dusa, malaingkan dusa yana papuꞌ ta mahata kita. Pag toklas na, tiksaꞌ nyawa ta. Sugaꞌ bong ina inaa ya duwan ta kahandak Tuhan, malaingkan Tuhan yana Papuꞌ ta. Kuwan kita yana ata na. Pag toklas na, intong na jaꞌ kawul-piil ta.

Suwat si Pol pa mman Baanan Sukuꞌ si Isa ndooy ni Rom 6:3

Ongoy, yaꞌ gi kina katoonan bi lay na kitabi tabeꞌ ni kapatoy si Isa Almasi takdang tabi bay pinandi tandaꞌ tabi tibuuk na ka iya?

Suwat si Pol pa mman Baanan Sukuꞌ si Isa ndooy ni Rom 8:11

Dan jinis meꞌ halling, pagka Tuhan bay makallum si Isa, mastiꞌ muwan du ya kasampulnaan nyawa ningkitabi man kawasa Rū na ma patannaꞌ na njawom baran tabi.

Suwat si Pol pa mman Baanan Sukuꞌ si Isa ndooy ni Rom 8:9

Boꞌ kaam ina, yaꞌ na kam pinagbayaan meꞌ napsu bi. Ilooy sa bean bi kahandak Rū Tuhan pagka luu na ya patannaꞌ njawom atay bi. Sugaꞌ bong baw ina luu gi kam nnaa yaꞌ gi luu Rū Tuhan bay pinaasok pa jawom atay bi, malaingkan saꞌ du sina kam sukuꞌ Almasi.

1 Korin 3:17

Maka lay na kam pinabiddaꞌ meꞌ Tuhan. Sangkon soysoy makaat lumaꞌ Tuhan, mastiꞌ pinakaat du ya meꞌ Tuhan.

1 Korin 3:9

Sangkon, bong inawnan kami ka si Apolos, sosohoan sadjaꞌ situ kami maglimbang buwat kalnaꞌ Tuhan. Kuwan kaam ina, meꞌ sapantun huma Tuhan inintu meꞌ kami. Dan jinis meꞌ halling, kaam ina meꞌ sapantun lumaꞌ Tuhan pinabuwat.

1 Korin 5:6

Bong ina luu na pin lamud kalalamaan meꞌ naa ni baanan bi, yaꞌ sina sikatuwaꞌ bong kam ngabbu lagi bahasa kaam jama kanaalla mmeꞌ ni kahandak Papuꞌ. Subay siꞌ katoonan bi na bong kinawnan dusa pinabiya, kalamin ni sikamimon. Bong dalil ta pa pasulig, san ina dangkitiꞌ du, lataꞌ na sina man na ngassob.

1 Korin 6:16

Bong yaꞌ katoonan bi, tiyap-tiyap lalla nibuuk dī na ka puta, binilang na du sila disu baran sa. Pagkatibuuk da ina sibuꞌ du ka jama sitampu. Meꞌ halling sambat njawom kitab pasal jama sitampu, “Bay duwa baran da, lay na tinibuuk pa disu baran sa.”

1 Korin 6:19

Bong yaꞌ katoonan bi, baran tabi itu lumaꞌ Rū Sutsiꞌ ma bay dean Tuhan kitabi. Saꞌ na sina kitabi dapu baran tabi, arapun Tuhan na dapu

1 Korin 6:9

Yaꞌ kina katoonan bi, kinawnan jama buwat maat, yaꞌ luu kabigiꞌ-bigian da ni pamarinta Tuhan? Daa kam ngandupang dī bi. Intomun bi, basta ina sagannap ma buwat maat meꞌ sapantun kalalamaan yaꞌ halal kawin, atawa ma numba kajinisan sarī man Tuhan, ma magjina, ma sikameek-kameek lalla ka pagkahi da lalla, atawa danda ka pagkahi da danda, mastiꞌ yaꞌ sina luu sukuꞌ da ni pamarinta Tuhan.

1 Korin 9:13

Sugaꞌ san itu kami bay mangatas buwat meꞌ looy, pataꞌ du baw silay bong kami bay koleꞌ hasil. San baw siga jama ma tukang ngayaran langga mehe ndooy ni Jerusalem, binalanjaan du meꞌ siga jamaa ndooy. Siga imam pun ma tukang numbaliꞌ kulban, mastiꞌ luu jaꞌ du bahagiꞌ da.

1 Korin 9:24

Kitabi itu ma mmeꞌ ni si Isa, subay pupusan tabi basag tabi makutuꞌ kahandak na meꞌ karuha jama maglumbaꞌ sonse mupusan basag da pin koleꞌ jaꞌ haddiya numbul satu. Na tiyap-tiyap jama maglumbaꞌ ina, disu du koleꞌ haddiya numbul satu. Sangkon subay kam kanaalla makutuꞌ kahandak Papuꞌ mari takoleꞌ bi haddiya ma puhung bi.

2 Korin 6:16

Lagiꞌ na, yana meꞌ lumaꞌ Tuhan yaꞌ dari llamuran siga tuhan-tuhan, damikiyan kitabi pun, yaꞌ du dari mmeꞌ meꞌ uwahan jama ma yaꞌ pitsayaꞌ ni si Isa. Batan kitabi na situ binilang lumaꞌ Tuhan sabap Tuhan sabanna ma llum saumu-umu patannaꞌ njawom baran tabi. Meꞌ halling sambat palman Tuhan njawom kitab, yuk na, “Patannaꞌ na sina ku mintu njawom baran da maka luu na pin ku ngunungan sila. Aku na sina mintu Tuhan da maka sukuꞌ ku na sila.” Maka lay gi magpalman Tuhan, yuk na,

2 Timuti 1:14

Siga tōꞌ naa ina ma bay hinalap ningkau, hagaan jaꞌ sina. Sangkon, man tabang Rū Sutsiꞌ ma tattog njawom atay ta, jagahan nu paayad mari yaꞌ kalamuran leꞌ jinisan tōꞌ palsu.

Hibrani 3:6

Boꞌ Almasi baw ilay, saꞌ ya tindog meꞌ karuha Nabi Musa, arapun iya ilay tud Anak Tuhan mismu kanaalla magtakōk ni siga jama lumaꞌ Mmaꞌ na. Boꞌ kitabi na situ initung jama lumaꞌ Tuhan basta tattap jaꞌ pangando tabi ni Almasi, maka basta yaꞌ jaꞌ kitabi jamu ngagad ni mimon ma bay njanjiꞌ meꞌ Tuhan ni siga sukuꞌ na.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Yahiya 4:12

Man awwal tagnaꞌ lagi yaꞌ luu manusiyaꞌ bay ngita Tuhan. Sugaꞌ bong ina kitabi sikaaseꞌ-kaaseꞌ, tumatandaꞌ tattog Tuhan njawom baran tabi. Maka njataꞌ tabi pasampay na na aseꞌ na ni manusiyaꞌ.