1 Korin 3:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Na sagannap ma kanaalla buwat, mastiꞌ yaꞌ sina mintu tutung pabuwatan da. Dari binuwanan sila tungbas ayad.

1 Korin 3:14 ပူးပေါင်းရင်းမြစ်များ

1 Korin 3:8

Ilooy ilay ma nabud sampay ilooy ma nataꞌ, sibuꞌ du maksud da. Maka saliꞌ-saliꞌ du sina mintu sila tinungbasan meꞌ Tuhan magpataꞌ ka bay hulas-sangsāꞌ da.

1 Korin 4:5

Sangkon daa subay na pin kam os-os manding pabuwatan jama. Agarun bi na doꞌ katakka Papuꞌ. Iya sa mungka mimon ma bay sinipuk sampay mimon niyat atay jama. Bong ina mintu mahap du niyat atay da, koleꞌ jaꞌ sina sila saliꞌ-saliꞌ sanglit Tuhan.

1 Korin 9:17

Na bong itu ku masaplag ni gasad bayaꞌ ku, malaingkan luu tungbas man Tuhan niyaku. Sugaꞌ bong itu saꞌ ni gasad bayaꞌ ku, talpaksaꞌ du ku masi masaplag sabap inaa pabuwatan bay hinalap meꞌ Tuhan niyaku.

Galatiya 6:4

Gam na pindogahan tabi doꞌ dī tabi bong tuwaꞌ pabuwatan tabi atawa niyaꞌ. Bong ina tud tuwaꞌ du, inaa ya pataꞌ man tabi gāk. Daa jaꞌ kitabi meꞌ kasohean ma tigiꞌ manding bong sila lumabi man pagkahi da.

1 Tesaloneka 2:19

Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

2 Timuti 4:7

Sugaꞌ san situ ku matoy na, ndang-ndang lay na du ku bay magtuyuꞌ matangge kabanahan san du pooy meꞌ bay naggaꞌ aku. Ibaratan sundalu ni bonoꞌ mehe, lay na du pupusan ku basag ku ngatu. Ibaratan jama maglumbaꞌ sonse, lay na pulan ku basag ku sampay lay na taabut ku tōng lumbaan. Tud lay na silay bogbogan ku kabanahan ma kinapitsayaan meꞌ tabi.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.