1 Korin 3:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Kuwan aku, man kapandoyan bay dean Tuhan niyaku, aku meꞌ sapantun disu tukang alistu bay nagnaꞌ buwat lumaꞌ na. Dari ko ngawon, aku bay matangge tehang lumaꞌ na. Hati na, aku bay duhuꞌ masaplagan kaam. Pag-anu, luu na baw pasunuꞌ siga tukang ma nangon kalangkapan ni tehang bay patangge ku. Sugaꞌ sagannap ma pasunuꞌ subay paayad-ayad meꞌ da buwat.

1 Korin 3:10 ပူးပေါင်းရင်းမြစ်များ

Matiyu 24:45

“Indanan bi. Bong ina luu ata magkanaalla sampay makoy honaꞌ-honaꞌ na, malaingkan iya na sina pineneꞌ meꞌ papuꞌ na magtakōk ni siga pagkahi na ata. Iya na mangatas makan sila tiyap-tiyap waktu.

Matiyu 7:24

“Na sagannap ma pakale ni siga tōꞌ ku, boꞌ tud bean da du, malaingkan halul-akka sila. Sibuꞌ du karuha da ka jama bay buwat lumaꞌ pagon makoy tehang mehe boꞌ kinalihan palawom sampay sinoksokan lagi batu mehe-mehe.

Lukas 11:35

Sangkon paayad-ayad kam taggahaꞌ kanna bi lay na pinadantaan pamiki bi, boꞌ ko, masi kam njawom lindom.

Lukas 21:8

Tampung si Isa, “Iyakin kam mari kam yaꞌ takoleꞌ binoo magsiꞌ. Batan bbos-bbos, meka sina mintu pasunuꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Maka yuk da ina, ‘Taabut na waktu.’ Sugaꞌ daa kam hidjab. Daa kam mmeꞌ ninsila.

Salsila siga Rasul 18:27

Na hallom maka hallom na, doman na baw si Apolos patuwak pa Akaya masaplag. Boꞌ lay du inaminan garaꞌ na meꞌ siga pagkahi na sukuꞌ si Isa ni Epesus. Sampay lay gi sila nuwat pa mman sagannap ma mmeꞌ ni si Isa ndooy ni Akaya supaya hinasi meꞌ da paayad si Apolos. Na pag takka na pa Korin ndooy ni Akaya, man sabapan gaos Tuhan njataꞌ na, tud bay mehe tabang tōꞌ na ni sagannap ma pitsayaꞌ na ni si Isa.

Suwat si Pol pa mman Baanan Sukuꞌ si Isa ndooy ni Rom 1:5

Boꞌ iya na silay bay nguwakilan kami binuwat siga rasul na. Lay kami buwanan na kapatut masaplagan kabangsa-bangsahan nohoꞌ pitsayaꞌ sampay ngasip niiya, pamaehe bantug ni awon na.

Suwat si Pol pa mman Baanan Sukuꞌ si Isa ndooy ni Rom 12:3

Na meꞌ aku tu bay pineneꞌ binuwat disu rasul si Isa man aseꞌ Tuhan, junjung ku na ningkaam, daa kam mista dī bi langkaw man pagkahi bi. Subay kam papatong mamiki pasal dī bi batan saꞌ sina sat kaam bay sinukuan kapandoyan meꞌ Tuhan, arapun sampay mimon pagkahi bi ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 15:15

Sugaꞌ lay na pin siꞌ ku nawakka maintoman kaam njawom suwat tuu batan ndang inaa pabuwatan bay hinalap meꞌ Tuhan niyaku.

Suwat si Pol pa mman Baanan Sukuꞌ si Isa ndooy ni Rom 15:20

Man maruhuꞌ lagi ndang lay na situ ku paruhuꞌ masaplag pasal Almasi ni kalahat-lahatan ma yaꞌ gi bay pingkaꞌ kale awon na. Bong siꞌ ibaratan matangge lumaꞌ, ndang yaꞌ ku bay doman matangge lumaꞌ ni tanaꞌ ma ndang luu na tehang bay pinatangge meꞌ jama sarī.

1 Korin 3:11

Subay katoonan da bong inawnan tehang ma lay na patangge ku, yaꞌ dari ginantian. Batan tehang ma awnan ku ilay siꞌ yana si Isa Almasi.

1 Korin 9:2

Na san kasohean yaꞌ mangaku aku disu rasul si Isa, bong baw ina kaam nnaa ni Korin, basta yaꞌ baw sina luu dapat bi maylu. Njataꞌ bi na sina buktiꞌ mehe aku rasul Papuꞌ Isa batan yaꞌ kam bay dari sukuꞌ na bong saꞌ bay man sabapan ku.

2 Korin 10:15

Yaꞌ kami biyasa magpabantug ni pabuwatan jama sampay mangaku saula-ula kami ya bay maghulas-sangsāꞌ. Yaꞌ kami muhung sinanglitan, arapun puhung kami, bong pin pahallot jaꞌ pangando bi ni si Isa. Kainagon kami, hallot na pangando bi mari kami sumunsayaꞌ na ngaliput lahat bi masaplag supaya song paeka na pin jama pitsayaꞌ ni si Isa.

Epesus 2:20

Na kitabi itu sukuꞌ Almasi tadalil pa siga kalangkapan lumaꞌ pinatangge meꞌ Tuhan man Rū na patannaꞌ. Kuwan si Isa Almasi, yana batu pepan luha man lumaꞌ looy pinatangge mari pagon. Sangkon iya patingkat hagaan man mimon kalangkapan lumaꞌ looy. Kuwan tōꞌ siga rasul si Isa ka ga kanabi-nabihan, yana siga tehang lumaꞌ looy.

Kolossa 1:29

Sangkon man kawasa Almasi nganggaosan aku, magtuyuꞌ-tuyuꞌ ku majatu pabuwatan ma bay sinukuꞌ niyaku.

Kolossa 4:17

Maka baan bi si Alkipus, meꞌ iya jama bay kawakilan nohoꞌ maghulas-sangsāꞌ kalnaꞌ Papuꞌ, subay pabuwat na ilooy ma bay sinukuꞌ niiya.

1 Timuti 4:16

Paayad-ayad ko supaya yaꞌ luu salla ni kawul-piil nu atawa pun ni tōꞌ nu. Bong ina tud kanaalla du ko mmeꞌ ni palbiatan tuu, malaingkan saꞌ sat kau salamat, arapun sampay mimon ma pakale ni tōꞌ nu.

2 Timuti 2:15

Timuti, pagbuli-bulihan nu meꞌ nu makitahan Tuhan kau disu sosohoan ma tawop niiya. Umanat kabanahan ma pinasampay meꞌ nu, daa pabiyahun sinakotan ka tōꞌ palsu. Bong siꞌ ina takaya nu meꞌ naa, yaꞌ luu meꞌ nu hinaꞌ ni mata Tuhan.

Yaꞌkub 3:1

Siga danganakan ku, mas mahap gi sina bong yaꞌ kalanduꞌ eka bi dari guru. Batan kitabi itu siga guru, mas adil hukuman Tuhan njataꞌ tabi man sagannap ma saꞌ guru.

1 Pitel 4:11

Sawpama lay kam kaladjikian kapandoyan magnasihat, subay kam magnasihat du. Sugaꞌ subay kabanahan jaꞌ pōꞌ man behe bi meꞌ saparati Tuhan mismu mitsala. Maka kaam ma luu kapandoyan bi sarī, subay pakoyun bi man nabangan jama. Maka ingatun bi, mimon anggawtaꞌ man bi nabang lakka man Tuhan. Meꞌ naa ina, man tabang si Isa Almasi, mimon pabuwat bi kaboo kabantugan pa Tuhan. Pudji tabi ya sabap tud tawop ya magbayaꞌ saumu-umu! Amin.

2 Pitel 3:15

Ingatun bi, tud tahaꞌ pasensiya Papuꞌ tabi. Llantan meꞌ na katakka na sabap muwanan na pin ya manusiyaꞌ dapat man da nawbat, boꞌ da salamat. Na siga pakaradjaan tuu itu siꞌ, lay na du bay sinabbut meꞌ danganakan tabi si Pol njawom suwat na ningkaam. Iya bay nuwatan kam man sabapan pangahati bay dean Tuhan niiya.

Siga Pakaradjaan bay Pinalahil 21:14

Pananggehan kutaꞌ daira looy siꞌ batu mehe, sapu-duwa eka na. Boꞌ siga batu looy siꞌ, saliꞌ-saliꞌ bay sinuwatan ka awon siga rasul sikasapu-duwa ma bay pineneꞌ meꞌ Bili-bili looy.

Siga Pakaradjaan bay Pinalahil 21:19

Kuwan siga batu pananggehan kutaꞌ looy, lakkop meꞌ jinisan palmata hagaan. Ni batu looy ma duhuꞌ, lay inari-arihan ka palmata jaspel. Ni batu ni kaduwa na, lay inari-arihan ka palmata sapayil. Batu ni katallu na yana palmata salsidoni, ka-mpat na yana palmata emerald,