1 Korin 3:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na siga danganakan, bay jaman ku ilay nnaa, san kam pitsayaꞌ na ni si Isa, masi gi du hagaan ningkaam hāl junyaꞌ. Sangkon niyaꞌ gi kam bay tatoan ku meꞌ karuha ilooy ma tinōꞌ meꞌ ku ni siga jama ma nabiat na mean kahandak Rū Sutsiꞌ. Pangahati bi ni hāl Tuhan jaman looy sibuꞌ du ka anak-anak bohoꞌ dilaw.

1 Korin 3:1 ပူးပေါင်းရင်းမြစ်များ

Matiyu 16:23

Pag-anu, ilooy ma paawop si Isa ni si Pitel sambayan na halling, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Suwat si Pol pa mman Baanan Sukuꞌ si Isa ndooy ni Rom 7:14

Na kitabi itu, ndang katoonan tabi saraꞌ mahap sabap lakka man Tuhan. Sangkon, bong ni dī ku, doman ku mean saraꞌ. Salla na, wā ku kalangga sabap sibuꞌ du ku ka pinahata meꞌ napsu ku ma wā kaboo-boo niyaku buwat dusa.

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.

1 Korin 14:37

Soysoy kam nnaa mista kaam tukang masampay umanat man Tuhan sampay tattap ngasip ni Rū Sutsiꞌ, bong ina bana du, tabista bi jaꞌ sina ituu ma sinuwatan meꞌ ku ningkaam tud lakka man panohoan Papuꞌ Isa.

1 Korin 2:6

Na kami tu, saꞌ baw ga yaꞌ na kami mōꞌ tōꞌ lawom. Batan tuktuk kami noan sagannap ma taggu iman da, mastiꞌ mōꞌ du kami. Sugaꞌ tōꞌ lawom ma pinasampay meꞌ kami saꞌ ga tōꞌ ma hagaan ni jama ma yaꞌ pitsayaꞌ ni si Isa. Maka saꞌ du tōꞌ ma hagaan ni siga pa-mmean ni junyaꞌ ma yaꞌ ngisbat Tuhan, yana sagannap ma yaꞌ luu kasongan da.

Galatiya 6:1

Siga danganakan, bong luu nnaa disu pagkahi bi sukuꞌ si Isa bay taboo-boo buwat dusa, kuwan kaam ma tattap mean Rū Sutsiꞌ, subay kam maintoman iya kawu-kawu ya takoleꞌ bi pinaintong. Sugaꞌ subay hanunut-hanunut meꞌ bi mitsalahan iya. Maka ilagan bi dī bi, taggahaꞌ kaam na baw mintu takoleꞌ sinasat.

Hibrani 5:13

Jama ina ma masi kulang pangahati da ni palman Tuhan pasal kaintongan, sibuꞌ du karuha da ka anak-anak dikiꞌ subay na pin pinaduruꞌ.

1 Yahiya 2:12

Siga anak ku, suwatan ta kam batan lay na kam inampun meꞌ Tuhan ni mimon dusa bi man sabapan pabuwatan si Isa Almasi.