1 Korin 2:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Sugaꞌ kuwan siga pa-mmean ma ngantanan kapatut ni junyaꞌ tuu, ndang awam sila ni garaꞌ Tuhan. Bong siꞌ ilay sila bay kasayu, yaꞌ bay sohoꞌ da nilansang taꞌ tehang Papuꞌ tabi ma yaꞌ luu sibuꞌ sabanding na.

1 Korin 2:8 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Lukas 23:34

Pag-anu, lay si Isa maku duwaa, yuk na, “Maꞌ, ampunun doꞌ sila batan yaꞌ tasayu da bong oy pabuwat da.” Kuwan ga sundalu ndooy, lay pinagsarī-sarī meꞌ da pakayan si Isa, boꞌ pinagkimbuan meꞌ da bong mamooy sukuꞌ ni dangan.

Yahiya 16:3

Kon da ilay buwat meꞌ looy sabap yaꞌ katoonan da Mmaꞌ ku atawa pun aku.

Yahiya 7:48

Ongoy doꞌ ina, lay kam kina ngita siga pa-mmean bi atawa pun meꞌ kami siga Parisi san lasa disu pitsayaꞌ niiya?

Yahiya 8:19

Tilaw da baw siꞌ tu niiya, “Ninggai man Mmaꞌ nu?” Pag tampung si Isa, “Kaam ina, yaꞌ ku katoonan bi maka yaꞌ du katoonan bi Mmaꞌ ku. Batan bong siꞌ ilay ndang bay ku katoonan bi, mastiꞌ katoonan bi jaꞌ du Mmaꞌ ku.”

Salsila siga Rasul 13:27

Sugaꞌ kuwan kaekahan jama ndooy ni Jerusalem ka ga pa-mmean da, yaꞌ bay tasayu da ga si Isa na yana Almasi, tukang nalamat bay pinapitu meꞌ Tuhan. Subay siꞌ katoonan da na batan sila ngantanan kitab man siga tunaꞌ pasal iya bay sinuwatan meꞌ kanabi-nabihan. Boꞌ ilooy na silay siꞌ pinagbatsa ni siga langga da tuktuk Llaw Pahali. Sangkon sapatut na, subay ya bay hinasi meꞌ da, sugaꞌ gam pin lay gi ya sohoꞌ da binotangan hukuman kapatoy. Dari sabapan pabuwatan da, lay na binakbul siga tunaꞌ njawom kitab.

Salsila siga Rasul 7:2

Pag tampung si Esteben, “Siga mbuwaꞌ danganakan ka ga induꞌ-mmaꞌ ku, daa busung, pakale doꞌ kam niyaku. Paintoman ta doꞌ kam salsila kabboꞌ-bboan tabi. Maruhuꞌ-ruhuꞌ bboꞌ tabi Nabi Ibrahim bay tinammuhan meꞌ Tuhan Sangat Kawasa ndooy ni Mesopotamiya. Jaman looy ilay siꞌ, yaꞌ gi bay maglayin Boꞌ Ibrahim pa Haran.

1 Korin 1:20

Sangkon bong inawnan siga jama ma halul-akka atawa jama langkaw iskul da atawa ma pintal mitsala, bong yaꞌ du sila pitsayaꞌ ni Almasi, yaꞌ du luu sōng kapandoyan da. Bong pa Tuhan, karupangan jaꞌ.

1 Korin 2:6

Na kami tu, saꞌ baw ga yaꞌ na kami mōꞌ tōꞌ lawom. Batan tuktuk kami noan sagannap ma taggu iman da, mastiꞌ mōꞌ du kami. Sugaꞌ tōꞌ lawom ma pinasampay meꞌ kami saꞌ ga tōꞌ ma hagaan ni jama ma yaꞌ pitsayaꞌ ni si Isa. Maka saꞌ du tōꞌ ma hagaan ni siga pa-mmean ni junyaꞌ ma yaꞌ ngisbat Tuhan, yana sagannap ma yaꞌ luu kasongan da.

2 Korin 3:14

Salla na, kuwan pagkahi ku bangsa Israil, labba man maruhuꞌ ngabut sampay batnaa, tud tohas kōk da. Sangkon tuktuk da matsa saraꞌ Nabi Musa, masi du yaꞌ tahati da kamaatunan na. Dari ko ngawon, tambun ni luwa Nabi Musa meꞌ lay na sinaynan pa jataꞌ pamiki da. Bong ina saꞌ Papuꞌ ngalakka, yaꞌ na kuhi lakka tambun ni pamiki da.

Epesus 1:17

Maku na pin situ ku duwaa pa Mmaꞌ tabi ma yaꞌ luu sibuꞌ sabanding na, yana Tuhan Papuꞌ tabi si Isa Almasi. Kamura-murahan binuwanan du kam pangahati lawom ni hāl Tuhan supaya magsasōng na pin meꞌ bi lungbid ka iya.

Epesus 4:18

Yaꞌ luu pangahati da pasal Tuhan. Ibaratan lumān, bagagap jaꞌ sila njawom lindom ni kaawam da, batan tohas kōk da. Sangkon yaꞌ sina luu sukuꞌ da ni kaallum bahau ma pinamuwan meꞌ Tuhan.

1 Timuti 1:13

Lay ku peneꞌ na minsan ku bay pingkaꞌ malaat iya maruhuꞌ. Sarī gi, daran ku bay ngalaugan siga sukuꞌ na. Boꞌ yaꞌ luu pag-agak bila ku minsanaꞌ sila na. Lipara, yaꞌ du baw ku bay tuwaꞌ mulkaꞌ. Gam pin lay gi ku panimbangan Papuꞌ Isa, batan halloman ku yaꞌ gi bay pitsayaꞌ niiya, kalaatan bay pabuwat ku ni kaawam ku sadjaꞌ.

Yaꞌkub 2:1

Siga danganakan ku, bong kam bana-bana pitsayaꞌ na ni Papuꞌ tabi si Isa Almasi ma tawop pinudji, daa kam minig jama.