1 Korin 2:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na kami tu, saꞌ baw ga yaꞌ na kami mōꞌ tōꞌ lawom. Batan tuktuk kami noan sagannap ma taggu iman da, mastiꞌ mōꞌ du kami. Sugaꞌ tōꞌ lawom ma pinasampay meꞌ kami saꞌ ga tōꞌ ma hagaan ni jama ma yaꞌ pitsayaꞌ ni si Isa. Maka saꞌ du tōꞌ ma hagaan ni siga pa-mmean ni junyaꞌ ma yaꞌ ngisbat Tuhan, yana sagannap ma yaꞌ luu kasongan da.

1 Korin 2:6 ပူးပေါင်းရင်းမြစ်များ

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Matiyu 19:21

Yuk si Isa niiya, “Bong ko doman yaꞌ luu kulang nu pa Tuhan, moleꞌ na ko, paballihan nu na altaꞌ nu sikamimon boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Lukas 16:8

“Dari pag tasayu bōs looy bong oy bay pabuwat manijel looy, yuk na, ‘Tud akkahan la lalla looy. Tud alistu ya ngulihal bintaha na.’ ” Dari yuk si Isa lagi, “Ndang mas akkahan sina jama ma mandang jaꞌ hāl junyaꞌ ngulihal bintaha para dī da man sagannap ma ngisbat Tuhan.

1 Korin 1:28

Maka peneꞌ Tuhan ga jama ma pilay-pitu, ma lludjum sampay ma yaꞌ luu guna da ni bandingan manusiyaꞌ ma yaꞌ pitsayaꞌ ni Almasi. Maksud na, man na makitahan jama ma mandang hāl junyaꞌ yaꞌ luu pus na niiya siga pakaradjaan ma hagaan ninsila.

1 Korin 12:8

Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.

1 Korin 2:1

Siga danganakan, taintom bi du sina jaman ku bay pilu masaplag umanat Tuhan ma yaꞌ lagi bay binakka maruhuꞌ. Yaꞌ situ ku bay pingkaꞌ makoy bitsala lawom, batan yaꞌ luu maksud ku mailo-ilohan jama ni kaalistu ku mitsala. Damikiyan, yaꞌ du luu maksud ku muhung binilang halul-akka.

1 Korin 2:13

Dari pag taabut kami masaplag, yaꞌ kami makoy bitsala ma bay ginuru lakka man manusiyaꞌ. Arapun iya pakoy kami yana bitsala ma lakka man Rū Sutsiꞌ.

1 Korin 2:8

Sugaꞌ kuwan siga pa-mmean ma ngantanan kapatut ni junyaꞌ tuu, ndang awam sila ni garaꞌ Tuhan. Bong siꞌ ilay sila bay kasayu, yaꞌ bay sohoꞌ da nilansang taꞌ tehang Papuꞌ tabi ma yaꞌ luu sibuꞌ sabanding na.

1 Korin 3:1

Na siga danganakan, bay jaman ku ilay nnaa, san kam pitsayaꞌ na ni si Isa, masi gi du hagaan ningkaam hāl junyaꞌ. Sangkon niyaꞌ gi kam bay tatoan ku meꞌ karuha ilooy ma tinōꞌ meꞌ ku ni siga jama ma nabiat na mean kahandak Rū Sutsiꞌ. Pangahati bi ni hāl Tuhan jaman looy sibuꞌ du ka anak-anak bohoꞌ dilaw.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 13:11

Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

2 Korin 4:3

Salla na, kasohean baw yaꞌ tahati da umanat mahap ma pinasaplag meꞌ kami. Sugaꞌ sabana na, kon da ina yaꞌ kahati sabap yaꞌ sila doman pitsayaꞌ. Sangkon lān tinūs meꞌ da song pa nalkaꞌ.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

Hibrani 5:14

Boꞌ jama ma nganna sampay tattap mean kabanahan, malaingkan biyasa na sila nilang tōꞌ ma mahap ka tōꞌ palsu. Sila ilay meꞌ sapantun jama mehe na ma takaya da na mangan sumbalian.

Hibrani 6:1

Sangkon, ddong na kitabi kataddasan ni tōꞌ ma ndang lay na takoleꞌ tabi jaman tabi bahau bay mmeꞌ ni Almasi. Palanja na kitabi pa pangahati lawom mari pataggu na iman tabi. Ibaratan buwat lumaꞌ, bong kita lay na matangge tehang, san kita yaꞌ na matangge pabalik. Hati na, san yaꞌ na pagsibalik-balik tabi tōꞌ ma ndang katoonan tabi na. Awnan ku ilay siꞌ yana hāl meꞌ sapantun nawbatan dusa, pangando pa Tuhan,

Yaꞌkub 3:15

Batan bong ina kita dangkiꞌ atawa baran ta jaꞌ kagampangan ta, mastiꞌ luu jaꞌ paantup kalingogan maka jinisan kalaatan. Akka meꞌ looy ilay, saꞌ ga lakka man Tuhan, arapun lakka man seytan. Maka ilooy ilay akka manusiyaꞌ ma mandang jaꞌ hāl junyaꞌ.

Yaꞌkub 3:2

Kamasaꞌ kitabi itu manusiyaꞌ, meka jaꞌ du jalan man tabi magsāꞌ, labi na ni bitsala tabi. Bong siꞌ ina luu jaꞌ jama yaꞌ kuhi magsāꞌ mitsala, malaingkan iya jama yaꞌ luu sutsutan niiya. Batan bong ina takaya na ngagak behe na, mastiꞌ takaya na du ngagak baran na labbasakayi.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.