1 Korin 2:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

^4-5 Aku ilay bay masaplag ka magnasihat nnaa, ndang katoonan bi na du, yaꞌ du ku bay makoy alat bitsala. Batan kahandak ku bong kam pitsayaꞌ, subay saꞌ man sabapan kapintal ku mitsalahan kaam. Arapun kainagon ku bong kam pitsayaꞌ, subay man sabapan siga sipat kawasa Tuhan bay tasakup bi maka sabapan Rū Sutsiꞌ bay mukaꞌ puad bi.

1 Korin 2:4 ပူးပေါင်းရင်းမြစ်များ

Salsila siga Rasul 20:27

Batan yaꞌ ku bay paalang masampay ningkaam mimon ma katoonan ku pasal kahandak Tuhan.”

Salsila siga Rasul 26:28

Yuk Sultan Agripa ni si Pol, “Ongoy kanna nu, tadeꞌ-dēꞌ nu ku binitsalahan mmeꞌ ni si Isa Almasi?”

Suwat si Pol pa mman Baanan Sukuꞌ si Isa ndooy ni Rom 15:13

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

Suwat si Pol pa mman Baanan Sukuꞌ si Isa ndooy ni Rom 15:19

Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

Suwat si Pol pa mman Baanan Sukuꞌ si Isa ndooy ni Rom 16:18

batan sila ina, saꞌ Papuꞌ tabi si Isa Almasi pakutuꞌ da. Iya paabak da meꞌ da nganduwan napsu da. Alistu sila mitsala sampay malambu tinga jama man da ngandupang jama awam.

1 Korin 1:17

Ndang-ndang saꞌ du mandi jama pabuwatan numbul satu bay sinukuꞌ meꞌ Almasi niyaku. Iya bay sinukuꞌ niyaku masaplag umanat mahap pasal iya. Na bila ku masaplag, yaꞌ situ ku makoy bitsala gantaꞌ man jama hangaꞌ ni kaalistu ku mitsala. Batan bong ina sila mandang ni kaalistu ku mitsala, taggahaꞌ lungay na baw meꞌ da isi umanat ku pasal kapatoy si Isa taꞌ tehang. Boꞌ inaa du sina umanat ma luu kawasa na moo jama pa jawom kasalamatan.

1 Korin 2:1

Siga danganakan, taintom bi du sina jaman ku bay pilu masaplag umanat Tuhan ma yaꞌ lagi bay binakka maruhuꞌ. Yaꞌ situ ku bay pingkaꞌ makoy bitsala lawom, batan yaꞌ luu maksud ku mailo-ilohan jama ni kaalistu ku mitsala. Damikiyan, yaꞌ du luu maksud ku muhung binilang halul-akka.

1 Korin 2:13

Dari pag taabut kami masaplag, yaꞌ kami makoy bitsala ma bay ginuru lakka man manusiyaꞌ. Arapun iya pakoy kami yana bitsala ma lakka man Rū Sutsiꞌ.

1 Korin 4:20

Bong ina sila bana-bana njawman pamarinta Tuhan, talbuktiꞌ du sina ni siga kawul-piil da man tabang Rū Sutsiꞌ, saꞌ ga ni bitsala da sadjaꞌ.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

Galatiya 1:10

Na ni hāl bay halling ku ilay siꞌ, katoonan ku du luu nnaa kasohean yaꞌ kasulutan niyaku. Sugaꞌ basta lay jaꞌ ku nulut ni kahandak Tuhan, yaꞌ du dari oy na san ku yaꞌ na kinahopan meꞌ manusiyaꞌ. Bong siꞌ itu masi puhung ku subay na pin ku kinahopan leꞌ manusiyaꞌ, yaꞌ du ku pataꞌ inawnan sosohoan si Isa Almasi.

Kolossa 2:4

Kon ku ilay siꞌ bay maan kaam meꞌ looy supaya kam yaꞌ takoleꞌ pinagsian meꞌ jama ma alistu nabid kabanahan.

1 Tesaloneka 1:5

Batan jaman kami ilay bay masampay umanat mahap pasal si Isa Almasi ningkaam, lay na kam pitsayaꞌ. Boꞌ kaam ilay bay pitsayaꞌ, saꞌ du ga sat man sabapan bitsala kami; luu du kawasa Rū Sutsiꞌ bay mukaꞌ puad bi. Sarī gi, lay du bay tabistu bi bana halling kami batan lay na bay tasakup bi arat-tabiat kami nnaa. Maka katoonan bi na du, mimon bay pabuwat kami nnaa, yaꞌ luu saꞌ yaꞌ bay pa kaayaran ningkaam.

1 Pitel 1:12

Boꞌ lay gi pinalahil meꞌ Tuhan ni kanabi-nabihan siga tunaꞌ da yaꞌ gi binakbul ni jaman da. Sakayi da binakbul, noy ni sinōng na, yana ni angkat-angkatan tabi na situ batnaa. Batan bohoꞌ luu bay pinapitu pa junyaꞌ tukang nalamat looy siꞌ, yana Almasi. Pag-anu, luu na umanat mahap pasal iya bay pinasaplag ningkaam meꞌ siga jama ma ginaosan meꞌ Rū Sutsiꞌ, yana Rū Tuhan bay pinapitu man sulgaꞌ. Siga pakaradjaan ma bay sabbut ku siꞌ, minsan siga malaikat magkainagon du kahati banahan.

2 Pitel 1:16

Na mimon ilay bay bāꞌ kami ningkaam maruhuꞌ pasal kawasa Papuꞌ tabi si Isa Almasi maka ni bay kalahil na pa junyaꞌ, bana jaꞌ silay labbasakayi. Saꞌ silay ga aka bay jaꞌ pinabuwat-buwat meꞌ jama ma alistu buwat kana-kana. Arapun tud mata kami mismu bay ngita ehe kawasa-kapatut na ma yaꞌ luu sibuꞌ sabanding na.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.