1 Korin 2:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Batan ilooy du ilay bay hagaan niyaku bong pin tapasaplag ku jaꞌ umanat pasal Almasi sampay kapatoy na taꞌ tehang.

1 Korin 2:2 ပူးပေါင်းရင်းမြစ်များ

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Galatiya 3:1

Kuwan kaam baw nnaa ni Galatiya, subay ga kam jama yaꞌ luu panayu bi. Meꞌ bay na kam hinikmatan. Batan tatammu bi na baw ga mmeꞌ-mmeꞌ ni jama nnaa ma māꞌ subay bogbogan bi saraꞌ agama Yahudi boꞌ bi dari initung intong. Boꞌ ko, isu-isu kapatoy Almasi taꞌ tehang poonan manusiyaꞌ initung intong. Tud tallak na bilay la meꞌ ku bay mahatiyan kaam.

Galatiya 6:14

Boꞌ aku tu, ilooy du pinag-abbu meꞌ ku yana kapatoy Papuꞌ tabi si Isa Almasi taꞌ tehang kalnaꞌ kitabi. Meꞌ ku ngingat, bay pagkajama ku maruhuꞌ lay na tabeꞌ ni si Isa nilansang taꞌ tehang. Pag batnaa, sarī na pagkajama ku. Sangkon lay na matoy kainagon ku ni kalaatan ma pinaabak meꞌ jama ma mandang hāl junyaꞌ. Boꞌ jama ma mandang hāl junyaꞌ ina, yaꞌ du luu kainagon da ni siga pakaradjaan ma hagaan niyaku.