1 Korin 2:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Sugaꞌ sagannap ma yaꞌ pitsayaꞌ ni Almasi, yaꞌ sila doman pakale ni tōꞌ lakka man Rū Sutsiꞌ sabap kaawran sila kahati. Bong ninsila, karupangan jaꞌ. Yaꞌ tahati da hāl Tuhan sabap yaꞌ luu Rū na njawom atay da muwanan sila pangahati.

1 Korin 2:14 ပူးပေါင်းရင်းမြစ်များ

Matiyu 16:23

Pag-anu, ilooy ma paawop si Isa ni si Pitel sambayan na halling, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Yahiya 10:20

Meka na sila halling, “Oy doꞌ itu pūs tabi pakale ni lalla naa? Sineytan bina ya, bilawan!”

Yahiya 12:37

Na minsan siꞌ meka na kahaylan-haylan bay pabuwat si Isa ni pag-awpan ga jama ndooy, amu-amu sila yaꞌ kuhi pitsayaꞌ niiya.

Yahiya 14:17

Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.

Yahiya 14:26

Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.

Yahiya 15:26

Pag-anu yuk si Isa lagi, “Yaꞌ na situ hallom, papitu ku sa pa mman bi Tukang Nabang, yana Rū Sutsiꞌ lakka man Mmaꞌ ku. Iya sa malahil kabanahan ningkaam. Pag takka na, iya sa muwanan jama pangahati pasal aku.

Yahiya 5:44

“Kaam ina, inaa katigian bi meꞌ bi sibuwan-buwan sanglit. Sugaꞌ bong sanglit man Tuhan, yaꞌ luu hagaꞌ na ningkaam. Sangkon tunmanūn sina meꞌ bi pitsayaꞌ niyaku.

Yahiya 8:43

Tud yaꞌ bitu tahati bi bitsala ku batan yaꞌ tatimaꞌ bi tōꞌ ku.

Salsila siga Rasul 16:14

Yaꞌ gi siꞌ hallom, lay na si Pol masampayan sila umanat mahap pasal si Isa. Kuwan ilooy siꞌ disu ma pakale niiya, yana si Lidiya, danda man daira Tatira. Iya ilay tukang dagang kakanaꞌ tawuk ma hagaan. Ndang lay na silay ya mmeꞌ ni agama Yahudi sampay ngisbat Tuhan. Pag-anu, sasang na pakale ni si Pol, lay na bukaꞌ Tuhan puad na sampay lay na ya pitsayaꞌ ni si Isa.

Salsila siga Rasul 17:18

Ndooy siꞌ ni Aten, luu duwa palhimpunan ga guru ma tigiꞌ magbilmaarup pasal jinisan hāl ma kinapitsayaan meꞌ manusiyaꞌ. Disu palhimpunan inawnan Epikuru, kuwan ilooy disu Istoik. Na ga jama looy siꞌ tu, pag lay jaꞌ pinasaplagan meꞌ si Pol pasal si Isa sampay hāl meꞌ na bay pinakallum, yuk kasohean, “Uy, magligaw jaꞌ bina lalla naa! Bitsala oy doꞌ ina meꞌ naa?” Yuk kasohean baw siꞌ tu, “Marean ta bina binitsala meꞌ na siga tuhan ma yaꞌ gi tasayu tabi.”

Salsila siga Rasul 17:32

Na pag takale da bitsala si Pol hāl jama matoy pinakallum, kuwan kasohean, ngaludjum lagi. Boꞌ kasohean baw, yuk da, “Bong siꞌ luu gi dapat, doman gi kami la pakale ningkau pabalik.”

Salsila siga Rasul 18:15

Sugaꞌ bong ya du sat palkalaꞌ pasal kabtangan ka ga awon jama sampay saraꞌ agama bi, kaam na jaꞌ ba nalassay. Yaꞌ na ku doman palamud ngahukum bong sat hāl meꞌ naa.”

Salsila siga Rasul 25:19

Ilooy du pagjawapan da yana hāl agama da maka pasal disu lalla inawnan si Isa ma bay pinapatoy. Sugaꞌ pamāꞌ si Pol, lay na llum lalla looy pabalik.

1 Korin 1:18

Na umanat pasal kapatoy si Isa taꞌ tehang ina, tuktuk na pinasaplag, bong ni sagannap ma song pa nalkaꞌ, meꞌ da mista, karupangan jaꞌ. Boꞌ ningkitabi itu ma sinalamat, katoonan tabi na njataꞌ umanat mahap luu na dapat manusiyaꞌ ngissa kawasa Tuhan nalamat.

1 Korin 1:21

Na Tuhan ina tud halul-akka batan ndang bay na ginantaꞌ meꞌ na jalan man manusiyaꞌ salamat. Jalan ma awnan ku ilay siꞌ yana meꞌ manusiyaꞌ pitsayaꞌ ni umanat mahap ma pinasaplag pasal Almasi. Salla na, binilang jaꞌ karupangan meꞌ sagannap ma mangaku halul-akka. Kon na ilay meꞌ looy sabap ndang yaꞌ katoonan da Tuhan.

1 Korin 1:23

Boꞌ kami baw itu, bbuwatan kami masaplag pasal si Isa Almasi bay pinapatoy llansang taꞌ tehang kalnaꞌ manusiyaꞌ. Sugaꞌ bila takale meꞌ siga Yahudi, sarī parasahan da. Kuwan siga bangsa saꞌ Yahudi baw, bila takale da, baꞌ-bāꞌ da na baw karupangan jaꞌ.

1 Korin 1:25

Dari san kasohean mista karupangan jaꞌ garaꞌ Tuhan nalamat manusiyaꞌ, daa kam hidjab. Batan san du sina pooy diyoꞌ kapandoyan Tuhan, masi yaꞌ luu pangabut-ngabut kapandoyan manusiyaꞌ. Damikiyan, san du pooy lammaꞌ kawasa Tuhan, masi du yaꞌ luu pangabut-ngabut manusiyaꞌ san du pooy basag kawasa da.

1 Korin 15:44

Maka baran tabi itu ma llabbong, yana baran biyasa ma mandang ni hāl junyaꞌ. Sugaꞌ pag taabut tabi ina pinakallum, luu na baran tabi ma tattap mandang hāl Tuhan. Batan tiyap-tiyap ina luu baran ma mandang ni hāl junyaꞌ, mastiꞌ luu du baran ma mandang ni hāl Tuhan.

1 Korin 2:12

Boꞌ inaa na sina Rū ma bay pinaasok ningkitabi. Sabapan na, yaꞌ na sibuꞌ pamiki tabi ka siga jama ma mandang hāl junyaꞌ. Kon na ilay bay ndean supaya tahati tabi na siga supaat ma bay pamuwan Tuhan ningkitabi ni kaehe aseꞌ na.

1 Korin 3:1

Na siga danganakan, bay jaman ku ilay nnaa, san kam pitsayaꞌ na ni si Isa, masi gi du hagaan ningkaam hāl junyaꞌ. Sangkon niyaꞌ gi kam bay tatoan ku meꞌ karuha ilooy ma tinōꞌ meꞌ ku ni siga jama ma nabiat na mean kahandak Rū Sutsiꞌ. Pangahati bi ni hāl Tuhan jaman looy sibuꞌ du ka anak-anak bohoꞌ dilaw.

Yaꞌkub 3:15

Batan bong ina kita dangkiꞌ atawa baran ta jaꞌ kagampangan ta, mastiꞌ luu jaꞌ paantup kalingogan maka jinisan kalaatan. Akka meꞌ looy ilay, saꞌ ga lakka man Tuhan, arapun lakka man seytan. Maka ilooy ilay akka manusiyaꞌ ma mandang jaꞌ hāl junyaꞌ.

1 Yahiya 2:20

Sugaꞌ kaam ina yaꞌ sibuꞌ ka sila. Lay na kam pinaasokan Rū Sutsiꞌ ma tattap muwanan kaam pangahati. Sangkon katoonan bi na kabanahan.

1 Yahiya 2:27

Boꞌ ni sabana na, san sina kam yaꞌ na pinagpandoyan meꞌ soy maka soy na. Ndang-ndang lay na du kam bay pinaasokan Rū Sutsiꞌ meꞌ Almasi. Rū Sutsiꞌ ina tattog njawom atay bi. Maka iya magpandoyan kaam ni oy-oy ma talpaksaꞌ subay katoonan bi. Boꞌ na, oy-oy jaꞌ ina pamāꞌ na ningkaam bana jaꞌ, yaꞌ sina luu palsu. Sangkon bean bi jaꞌ suwara na mari yaꞌ maglumba meꞌ bi lungbid ka Almasi.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

Suwat Lakka man si Jūd 1:19

Na siga jama ma bay inawnan meꞌ siga rasul looy ilay siꞌ yana sagannap ma mōꞌ pagsaggaan ni baanan bi. Mas hagaan ninsila kahandak da man kahandak Tuhan batan yaꞌ luu Rū Sutsiꞌ njawom atay da.