1 Korin 2:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Siga danganakan, taintom bi du sina jaman ku bay pilu masaplag umanat Tuhan ma yaꞌ lagi bay binakka maruhuꞌ. Yaꞌ situ ku bay pingkaꞌ makoy bitsala lawom, batan yaꞌ luu maksud ku mailo-ilohan jama ni kaalistu ku mitsala. Damikiyan, yaꞌ du luu maksud ku muhung binilang halul-akka.

1 Korin 2:1 ပူးပေါင်းရင်းမြစ်များ

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Salsila siga Rasul 22:18

Njawom pandapat ku, luu Papuꞌ Isa takita ku mitsala niyaku, yuk na, ‘Lakka na ko deꞌ-dēꞌ man Jerusalem mari ko yaꞌ kongoy-kongoy sabap siga jama ntuu yaꞌ ngahasi umanat nu pasal aku.’

Suwat si Pol pa mman Baanan Sukuꞌ si Isa ndooy ni Rom 16:18

batan sila ina, saꞌ Papuꞌ tabi si Isa Almasi pakutuꞌ da. Iya paabak da meꞌ da nganduwan napsu da. Alistu sila mitsala sampay malambu tinga jama man da ngandupang jama awam.

Suwat si Pol pa mman Baanan Sukuꞌ si Isa ndooy ni Rom 16:25

Na katapusan bitsala ku, pudji tabi Tuhan. Iya ina nganggaosan kaam mari kam yaꞌ usik man umanat ma bay tinōꞌ ningkaam. Umanat ma awnan ku yana umanat mahap pasal si Isa Almasi ma pinasaplag meꞌ ku. Umanat mahap itu, ndang luu na njawom siga suwat kanabi-nabihan, sat na jaꞌ yaꞌ gi bay tumampak kamaatunan na.

1 Korin 1:17

Ndang-ndang saꞌ du mandi jama pabuwatan numbul satu bay sinukuꞌ meꞌ Almasi niyaku. Iya bay sinukuꞌ niyaku masaplag umanat mahap pasal iya. Na bila ku masaplag, yaꞌ situ ku makoy bitsala gantaꞌ man jama hangaꞌ ni kaalistu ku mitsala. Batan bong ina sila mandang ni kaalistu ku mitsala, taggahaꞌ lungay na baw meꞌ da isi umanat ku pasal kapatoy si Isa taꞌ tehang. Boꞌ inaa du sina umanat ma luu kawasa na moo jama pa jawom kasalamatan.

1 Korin 1:6

tandaꞌ pitsayaꞌ na kam ni umanat mahap pasal si Isa Almasi.

1 Korin 2:13

Dari pag taabut kami masaplag, yaꞌ kami makoy bitsala ma bay ginuru lakka man manusiyaꞌ. Arapun iya pakoy kami yana bitsala ma lakka man Rū Sutsiꞌ.

1 Korin 2:4

Aku ilay bay masaplag ka magnasihat nnaa, ndang katoonan bi na du, yaꞌ du ku bay makoy alat bitsala. Batan kahandak ku bong kam pitsayaꞌ, subay saꞌ man sabapan kapintal ku mitsalahan kaam. Arapun kainagon ku bong kam pitsayaꞌ, subay man sabapan siga sipat kawasa Tuhan bay tasakup bi maka sabapan Rū Sutsiꞌ bay mukaꞌ puad bi.

1 Korin 2:7

Arapun tōꞌ ma awnan ku itu yana pasal lawom akka Tuhan ka garaꞌ na ma yaꞌ gi bay pinalahil maruhuꞌ. Yaꞌ gi luu junyaꞌ, ndang luu na garaꞌ Tuhan matabeꞌ kitabi ni kabantugan na.

2 Korin 10:10

Batan baꞌ-bāꞌ bi kasohean nnaa, bong njawom suwat, bantuk bahani ku nahawi ka naggong, sugaꞌ bong ni pag-awpan, lammaꞌ gi ku konoꞌ man obak maka yaꞌ du meꞌ noy pintal ku mitsala.

2 Korin 11:6

Marean ta yaꞌ du situ ku pintal mitsala meꞌ sila, sugaꞌ ni hāl pangahati pasal Tuhan, basta yaꞌ baw tu ku tamban meꞌ da. Kaam pun ina, katoonan bi na du, batan lay na du takale bi tōꞌ ku.

2 Tesaloneka 1:10

Ni llaw katakka na ina mintu, pinudji na ya sampay binuwanan kabantugan mehe meꞌ siga sukuꞌ na, yana sikamimon ma pitsayaꞌ niiya. Boꞌ tud haylan banahan mintu sila ngandaꞌ iya ni kaehe kawasa na. Kaam pun, mastiꞌ tabeꞌ na du sina kam ni siga sukuꞌ na ni llaw looy mintu sabap lay na kam bay pitsayaꞌ ni kabanahan ma bay pasaplag kami ningkaam.

1 Timuti 1:11

Inawnan tōꞌ sabanna ina, yana oy-oy tōꞌ ma magbēꞌ ka umanat mahap pasal si Isa Almasi. Boꞌ umanat mahap ina, malahil ehe kaayaran Tuhan ma tawop pinudji saumu. Boꞌ inaa na sina umanat ma bay hinalap niyaku nohoꞌ pinasaplag.

2 Timuti 1:8

Sangkon daa na ko tawu maan jama pasal Papuꞌ ta. Damikiyan, daa na du ko tawu mangaku ga aku soheꞌ nu sukat ku njawom jīl. Gam pin, magpalapay na ko niyaku natasan oy-oy kamalasahiyan kalnaꞌ umanat mahap pasal Papuꞌ ta. Ndang-ndang luu du kawasa Tuhan nganggaosan kita.

1 Yahiya 4:14

Kami situ mismu bay ngita Anak Tuhan. Sangkon kabāꞌ kami tud mawjud Mmaꞌ na bay mapitu iya nohoꞌ nalamat manusiyaꞌ.

Siga Pakaradjaan bay Pinalahil 1:2

Dari suwatan ku na mimon ma bay tasakup ku sampay umanat Tuhan ma bay pinalahil meꞌ si Isa Almasi niyaku.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”