1 Korin 16:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ batan luu na lawang mehe man ku masaplag ntuu. San meka ntuu naggaꞌ aku, meka du baw doman pakale ni umanat ku sampay pitsayaꞌ.

1 Korin 16:9 ပူးပေါင်းရင်းမြစ်များ

Salsila siga Rasul 14:27

Luu jaꞌ siꞌ sila takka ni Antiyok, lay tawag da sagannap sukuꞌ si Isa ndooy. Kumpo jaꞌ siꞌ sila, lay na ga si Pol nuntut mimon bay pabuwat da man tabang Tuhan ni jataꞌ da. Maka lay gi sila nuntut bong pooy meꞌ Tuhan bay mukaꞌ puad siga bangsa saꞌ Yahudi pitsayaꞌ na ni si Isa.

1 Korin 15:32

Ntuu tu ni Epesus, tandaꞌ ehe duga jama niyaku, subay ga sila baanan sattuwa tawun meꞌ da bay magkanaman aku. Na bong mattan yaꞌ du luu masa jama pinakallum pabalik, oy tud ku amu-amu masaplag? Gam na tagongan ku, boꞌ ku mmeꞌ ni sagannap ma magsambatan, “Tu kam. Nginum-mangan jaꞌ kitabi maglami-lami, taggahaꞌ matoy na kitabi sumawung.”

2 Korin 1:6

Sangkon san itu kami bininsanaꞌ sabap meꞌ kami masaplag, pa kaayaran du ningkaam sampay man bi na salamat. Batan pagka wā kami pinagamgaman meꞌ Tuhan, ilooy na kon kami pandoy na magamgaman kaam. Pag toklas na, katatas na du kam ni kabinsanaan meꞌ ilooy ma daran talingkaan kami.

2 Korin 2:12

Na ni bay palanan ku masampay umanat mahap pasal Almasi, lay ku bay nakka Troas. Ndooy siꞌ, lay na ku binuwanan lawang meꞌ Tuhan masaplag.

Pilipi 3:18

Kon ku tu daran maan kaam meꞌ tuu, batan meka na sina jama mangaku mmeꞌ ni si Isa, sugaꞌ arat-tabiat da yaꞌ magbēꞌ ka bitsala da. Sabap meꞌ da amu-amu buwat dusa, sibuꞌ du sila ka buwat kapatoy Almasi taꞌ tehang kalabbiyan. San kam min meka na bay baan ku pasal jama meꞌ sila, pag batnaa, paintoman ta na pin kam pabalik. Bila itu ku mamikihan sila, kapanangis na ga ku.

Kolossa 4:3

Maka pakuhan bi du kami duwaa. Kamura-murahan binuwanan na pin kami meꞌ Tuhan lawang masaplag garaꞌ na pasal Almasi. Garaꞌ Tuhan ilay yaꞌ gi bay tumampak maruhuꞌ, sugaꞌ ni timpu batnaa pinalahil na. Sangkon ituu na situ man ku lay tajīl.

Yaꞌkub 5:16

Sangkon bong kam bay kapabuwat dusa, subay du kam mangaku ni pagkahi bi sampay sipaku-paku duwaa supaya kam kaulian meꞌ Tuhan. Na bong ina jama intong maku duwaa pa Tuhan, mastiꞌ kawasahan jaꞌ duwaa na.