1 Korin 16:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Kamura-murahan soysoy yaꞌ luu aseꞌ na ni Papuꞌ Isa sinumpaan du meꞌ Tuhan. Kamura-murahan takka na Papuꞌ deꞌ-dēꞌ.

1 Korin 16:22 ပူးပေါင်းရင်းမြစ်များ

Matiyu 10:37

“Soysoy maaseꞌ ni induꞌ mmaꞌ na labi man aku, yaꞌ ya tawop inawnan sukuꞌ ku. Damikiyan, soysoy maaseꞌ ni ga anak na labi man aku, yaꞌ du ya tawop inawnan sukuꞌ ku.

Yahiya 14:15

Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Yahiya 14:21

Soysoy ina nganna sampay mean siga panohoan ku, iya na maaseꞌ niyaku. Maka sagannap ma maaseꞌ niyaku kinaasean du meꞌ Mmaꞌ ku. Aku pun maaseꞌ du ninsila sampay malahil gi ku ninsila hāl pasal dī ku.”

Yahiya 14:23

Pag tampung si Isa, “Bong jama maaseꞌ niyaku, bean na jaꞌ sina bitsala ku. Jama meꞌ looy ilay kinaasean meꞌ Mmaꞌ ku. Dari patiluꞌ sina kami ka Mmaꞌ ku pa mman na, boꞌ kami patannaꞌ njawom atay na.

Yahiya 16:14

Moo gi sina ya mintu kabantugan mehe niyaku sabap malahil ya ningkaam kabanahan lakka man aku.

Yahiya 8:42

Yuk si Isa baw siꞌ tu, “Bong siꞌ bay mattan Tuhan Mmaꞌ bi, mastiꞌ maaseꞌ jaꞌ kam niyaku batan aku tu bay pitu lakka mman na. Yaꞌ ku bay pitu ni pamiki ku dī ku, arapun iya mismu bay mapitu aku.

Salsila siga Rasul 23:14

Dari lay na sila pilay pa mman siga imam langkaw ka ga matatoa ni agama mahati, yuk da, “Kami itu lay na nubali basta yaꞌ na doꞌ kami nginum atawa mangan ngkod-ngkoran yaꞌ gi bay tapapatoy kami si Pol.

1 Korin 12:3

Dari meꞌ tuu meꞌ bi mindoga bong guru pataꞌ binean atawa niyaꞌ. Soysoy ina malaat Papuꞌ Isa, malaingkan bitsala na yaꞌ lakka man Rū Sutsiꞌ. Sugaꞌ soysoy ina māꞌ si Isa yana Papuꞌ, malaingkan pinagmundaan ya meꞌ Rū Sutsiꞌ.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Epesus 6:24

Maka kamura-murahan luu na pin barakat man Tuhan ni jataꞌ sagannap ma yaꞌ kuhi maglumba aseꞌ da saumu-umu ni Papuꞌ tabi si Isa Almasi. Wassalam

Pilipi 4:5

Maka subay lammaꞌ pangatayan bi ni jama sikamimon. Intomun bi, tapit na sina Papuꞌ.

Hibrani 6:10

Tuhan ina intong. Sangkon mimon kaayaran bay pabuwat bi yaꞌ luu takupan na. Takita na du sina aseꞌ bi niiya sabap meꞌ bi nabang ni siga pagkahi bi sukuꞌ si Isa ngabut sampay batnaa.

1 Pitel 1:8

Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

1 Pitel 2:7

Sangkon na ina, bong inawnan Almasi, mastiꞌ hagaan banahan ningkitabi ma pitsayaꞌ niiya. Boꞌ sagannap ma yaꞌ pitsayaꞌ, niyaꞌ san ya gunahan ninsila. Subay siꞌ mamintang doꞌ sila ni halling njawom kitab, ilooy ma yuk na, “Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.”

1 Yahiya 4:19

Kitabi itu maaseꞌ sabap Tuhan bay duhuꞌ maasean kitabi.

1 Yahiya 5:1

Na sagannap ma pitsayaꞌ si Isa yana Almasi, sila na bay dari anak Tuhan. Maka bong ina kitabi maasean Mmaꞌ tabi Tuhan, mastiꞌ maaseꞌ du kitabi ni siga pagkahi tabi anak Tuhan.

Siga Pakaradjaan bay Pinalahil 22:20

Na mimon pakaradjaan looy ilay siꞌ ma bay pinalahil niyaku, Papuꞌ Isa mismu māꞌ mastiꞌ bana sadjaꞌ. Sampay bay gi ya halling, “Yaꞌ na hallom, pilu na du ku.” Pag tampung ku, “Ohoꞌ Papuꞌ Isa. Pitu na ko deꞌ-dēꞌ!”