1 Korin 15:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Meꞌ ku ngingat, aku na pinakadiyoꞌ ni rasul si Isa sikamimon. Yaꞌ san ku tawop inawnan rasul na sabap bay ku ngalaugan sagannap ma pitsayaꞌ niiya.

1 Korin 15:9 ပူးပေါင်းရင်းမြစ်များ

1 Korin 10:32

Sangkon, iyakinan bi dī bi mari kam yaꞌ kapabuwat oy maka oy na ma kaboo jama yaꞌ doman pitsayaꞌ ni si Isa. Bangsa Yahudi atawa ssaꞌ, sukuꞌ si Isa atawa ssaꞌ, daa kam buwat man da nuwak si Isa.

2 Korin 11:5

Sugaꞌ bistahan ku, san gi soy guru bi nnaa ma kanna bi rasul si Isa ninggi taꞌ mimon rasul, basta yaꞌ baw tu ku tamban leꞌ da.

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

Galatiya 1:13

Sugaꞌ saꞌ du baw lay ni kaayad ku. Saꞌ ba, lay na du bay taaka bi kadarihan ku jaman ku bay mogbogan agama Yahudi? Biddaꞌ na bay basag ku ngalaugan sukuꞌ si Isa. Wā ku bay magtuyuꞌ-tuyuꞌ minsanaꞌ sila pin labbahan da jaꞌ pangando da ni si Isa.

Galatiya 1:23

Sugaꞌ lay na baw taaka da yaꞌ na ku sibuꞌ ka maruhuꞌ, batan yuk da, “Lalla looy la ma magpangalaugan kitabi maruhuꞌ, batnaa masaplag na umanat mahap ma bay pagtuyuan na nilangkat!”

Pilipi 3:6

Tandaꞌ ku bay ngamasag mogbogan agama Yahudi, lay na ga ku bay pingkaꞌ ngalaugan sukuꞌ si Isa. Kanna ku ilay, ilooy na bay numan ni kahandak Tuhan. Sangkon, bong ilay siꞌ jama taawnan intong sabap meꞌ da mogbogan saraꞌ, labi na aku saꞌ intong. Tud yaꞌ bay luu sutsutan njataꞌ ku ni hāl mogbogan saraꞌ.