1 Korin 15:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Paddus mandooy, lay gi ya patammu ni baanan siga danganakan tabi labi lima hatus eka da. Sila ilay siꞌ, agon masi gi llum sikamimon ngabut sampay batnaa. Sugaꞌ luu du baw kasohean, lay na duhuꞌ-duhuꞌ.

1 Korin 15:6 ပူးပေါင်းရင်းမြစ်များ

Matiyu 28:10

Yuk si Isa ninsila, “Daa kam ba tawu. Pilay na kam. Sōn bi na siga danganakan ku pilay pa Jalil. Sitammu sa kami ndooy.”

Malkus 16:7

Batnaa pilay na kam mahati ga mulit na awla na si Pitel. Baan bi sila pilay sa si Isa pa Jalil duhuꞌ man kaam. Ndooy sa kam sitammu meꞌ ndang bay halling na du ningkaam.”

Salsila siga Rasul 13:36

“Na tunaꞌ looy ilay siꞌ tumatandaꞌ na yaꞌ bay binakbul njataꞌ Sultan Daud batan paddus na bay majatu mimon ma bay ginantaꞌ meꞌ Tuhan niiya, lay na ya matoy sampay kinubu ni bihing kabboꞌ-bboan na. Boꞌ na, baran na ilay lay du bay ngahaluꞌ.

Salsila siga Rasul 7:60

Hangat ya sigi-sigi hiniyak, tuut na sa man na nangge sampay lay na baw ya ngingan pabalik, yuk na, “Papuꞌ, ampunun sa sila ni bay dusa da niyaku.” Pus na bay halling meꞌ looy, ilooy ma lay na ya makkat.

1 Korin 15:18

Boꞌ na, bong siꞌ ilay bay mawjud meꞌ looy, malaingkan siga danganakan tabi sukuꞌ Almasi pun ma lay na matoy, yaꞌ na du luu katimbuhan nyawa da.

1 Korin 15:20

Sugaꞌ ni sabana na, lai na silay Almasi pinakallum pabalik. Na pagka iya bay duhuꞌ-duhuꞌ pinakallum pabalik, inaa na buktiꞌ mimon sukuꞌ na ma lay na matoy pinakallum du pabalik bbos-bbos.

1 Tesaloneka 4:13

Siga danganakan, doman kami mahati ningkaam pasal siga pagkahi tabi sukuꞌ si Isa ma lay na matoy. Kon kami mahati, taggahaꞌ kalanduꞌ na baw kam susa meꞌ karuha siga jama ma saꞌ sukuꞌ si Isa bila sila kapatoyan. Meꞌ sila ilay, kon da susa, batan yaꞌ luu kaayaran hinolat meꞌ da ni ahirat.

1 Tesaloneka 4:15

Batnaa pasampay ku na ningkaam umanat bay pinalahil meꞌ Papuꞌ Isa ningkami pasal katakka na bbos-bbos. Meꞌ tuu situ hantang na: Duwai ya sina mintu man sulgaꞌ sambayan na ngahowapan panohoan. Maka luu gi sina takale suwara disu anakkuraꞌ malaikat ngingan sampay luu du halling tabuliꞌ Tuhan tiniyup. Sugaꞌ kitabi ma masi llum ni masa looy mintu yaꞌ dari paruhuꞌ pilay nampang Papuꞌ Isa. Subay lay na doꞌ mintu duhuꞌ pinakallum siga pagkahi tabi sukuꞌ si Isa ma lay na matoy.

2 Pitel 3:4

Yuk da ina mintu ningkaam, “Saꞌ ba, Papuꞌ bi bay nganjanjiꞌ pabeleng? Bong mattan, ongoy yaꞌ gi luu? Labba man jaman kabboꞌ-bboan tabi bay matoy ngabut sampay batnaa, masi du sibuꞌ kaadaan lahat. Junyaꞌ tuu yaꞌ bay halin labba man jaman na bay pinapayak.”