1 Korin 15:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Baan ta kam banahan, llaw-llaw situ ku nontongan kapatoy. Kanaalla situ bitsala ku. Subay yaꞌ bana kagakan ku ni pagkatibuuk ku ka Papuꞌ tabi si Isa Almasi, boꞌ yaꞌ bana bay bitsala ku.

1 Korin 15:31 ပူးပေါင်းရင်းမြစ်များ

Panagnaan 43:3

Yuk si Juda niiya, “Gubnul looy baw ba la managgahi na mandaan kami yaꞌ nohoꞌ magpakita bong yaꞌ luu siyali kami bay taboo pa mman na.

Salsila siga Rasul 20:23

Ilooy du katoonan ku, ni mimon daira ma bay lingkaan ku, bay pinalahil meꞌ Rū Sutsiꞌ niyaku, mastiꞌ luu jaꞌ katuwaꞌ aku kabinsanaan bong saꞌ jīl.

Suwat si Pol pa mman Baanan Sukuꞌ si Isa ndooy ni Rom 8:36

Na bong luu kasusahan tuwaꞌ ningkitabi meꞌ looy, daa sa kitabi jayip, batan ndang bay silay sinuwatan jawom kitab, ilooy ma yuk na, “Papuꞌ, llaw pa dangallaw njawom bahaya jaꞌ kami, adak-adak na kami pinapatoy kalnaꞌ kau. Pangandaan jama subay ga kami bili-bili jaꞌ pataꞌ san sinumbaliꞌ.”

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 11:23

Bong yuk da sosohoan Almasi sila, labi na aku. Na bong siꞌ itu yaꞌ talpaksaꞌ, subay ga ku jama yaꞌ luu honaꞌ-honaꞌ na magpabantug meꞌ tuu. Para na pin, bana du bitsala ku. Pooy-pooy jaꞌ ina meꞌ guru bi bay maghulas-sangsāꞌ kalnaꞌ Almasi, basta yaꞌ baw ina sila lumabi man aku. San du sila min dangoy bay tajīl kalnaꞌ iya, basta yaꞌ baw sina lumabi man niyaku. Maka bong ni hāl lagpiꞌ, basta min meka gi niyaku. Kansang gi ku nontongan kapatoy ku.

2 Korin 2:14

Sugaꞌ san meꞌ looy, magsuku ku pa Tuhan sabap luu na pin ya magmundaan kami supaya wā kami tumanjataꞌ san gi oy katuwaꞌ ningkami. Kon meꞌ looy sabap tibuuk na kami ka Almasi. Batnaa pinakoy na pin situ kami meꞌ Tuhan ngalataan kalahat-lahatan masampay umanat mahap pasal Almasi. Umanat mahap ina meꞌ sapantun bawu insallan hamut ma muhag-muhag ni sikaliput lahat.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

1 Tesaloneka 2:19

Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

1 Tesaloneka 3:9

Tud mehe meꞌ kami magsuku pa Tuhan sabapan bi. Ilu na Tuhan pakale-kale, biddaꞌ na situ ehe kagakan kami ni kadarihan bi.