1 Korin 15:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Pag katis jaꞌ ina mimon-mimon inannaꞌ ndiyoan kawasa Almasi, pina-ntan na meꞌ Almasi dī na ndiyoan kawasa Tuhan supaya Tuhan sa patingkat langkaw magtakōk ni mimon-mimon.

1 Korin 15:28 ပူးပေါင်းရင်းမြစ်များ

Yahiya 14:28

“Na meꞌ halling sambat ku na nsiniꞌ, palakka na doꞌ ku boꞌ bi sa beleng ku. Na bong ina kam maaseꞌ du niyaku, mastiꞌ gāk jaꞌ sina kam song pilay na ku pa mman Mmaꞌ ku batan patingkat ya man aku.

1 Korin 11:3

Sugaꞌ luu gi situ disu tōꞌ ku ningkaam pasal kapatut. Dari meꞌ tuu: Mimon kalallahan, takōk da yana Almasi. Kuwan karandahan, takōk da yana kalallahan. Kuwan Almasi, takōk na, yana Tuhan.

1 Korin 12:6

Maka kajinisan jalan man tabi nabangan pagkahi tabi manusiyaꞌ, sugaꞌ disu du nganggaosan kitabi sikamimon, yana Tuhan.

1 Korin 15:29

Balik ta pa hāl jama llum pabalik. Bong ilay bana jama ma lay na matoy yaꞌ na pinakallum, oy sabap kasohean nohoꞌ pinandi para pagkahi da ma lay na matoy? Oy pus da buwat meꞌ looy bong yaꞌ na du pinakallum pabalik siga pagkahi da?

1 Korin 3:23

batan sukuꞌ Almasi na kam, boꞌ Almasi ina sukuꞌ Tuhan.

Epesus 1:23

yana kitabi ma binilang baran na. Baran na ina, ginaosan leꞌ na malahil mimon arat-tabiat na, batan iya nganggaosan mimon-mimon nnoy-nnoy jaꞌ.

Pilipi 3:21

Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.