1 Korin 15:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Pus meꞌ looy, pina-ntan na meꞌ Almasi pamarinta na pa mman Mmaꞌ na Tuhan. Sugaꞌ subay lay doꞌ duhuꞌ katis talloban Almasi mimon banta na, yana mimon kawasa-kapatut ka ga panghuluꞌ ma naggaꞌ pamarinta na.

1 Korin 15:24 ပူးပေါင်းရင်းမြစ်များ

Matiyu 10:22

Kaam ina mintu kinalammisan meꞌ jama ni mimon kalahat-lahatan sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 24:13

Sugaꞌ soysoy ina natas pangando na niyaku ngabut sampay pa katapusan, malaingkan salamat jaꞌ sina ya.

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Lukas 10:22

Pag-anu, yuk si Isa na baw ni baanan ga jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma peneꞌ ku pinakitau.”

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 3:35

Biddaꞌ na sina aseꞌ Tuhan ni Anak na sampay lay na pa-ntan na mimon-mimon niiya.

Suwat si Pol pa mman Baanan Sukuꞌ si Isa ndooy ni Rom 8:38

Sangkon tatantu ku, kaallum-kapatoy tabi, mastiꞌ yaꞌ du luu kalakkahan aseꞌ Tuhan ningkitabi. San gi malaikat atawa seytan, maka san gi oy katuwaꞌ ningkitabi labba man batnaa sampay ni sinōng, basta yaꞌ sina luu kalakkahan aseꞌ na ningkitabi. San gi soy ngantanan kawasa, labba man taꞌ gumi sampay taꞌ langit, basta tud yaꞌ sina luu bay pinapayak kalakkahan aseꞌ Tuhan ningkitabi. Boꞌ lay na du bana tumatandaꞌ sabapan ilooy ma bay pabuwat Papuꞌ tabi si Isa Almasi ningkitabi.

Epesus 5:20

Subay kam wā magsuku ni Mmaꞌ tabi Tuhan sabapan mimon supaat na njataꞌ tabi njawman Papuꞌ tabi si Isa Almasi.

Kolossa 2:10

Almasi ina magbayaꞌ ni mimon ma ngantanan kawasa-kapatut sampay siga seytan ka malaikat. Sangkon kaam ina, langkap-samat na kam sabap tibuuk na kam ka iya.

Kolossa 2:15

Boꞌ na, man sabapan kapatoy na taꞌ tehang, lay na lappiꞌ meꞌ Tuhan Ibilis ka ga pagkahi na siga seytan ma ngantanan kawasa-kapatut. Dari ko ngawon, lay na sila hinaꞌ meꞌ Tuhan ni awpan sikamimon man sabapan toklas kapatoy Almasi.

1 Timuti 6:15

Pinatakka jaꞌ sina ya pag taabut waktu ma ndang bay ginantaꞌ meꞌ Tuhan. Pudji mehe pa Tuhan. Isu-isu iya magbayaꞌ ni mimon-mimon maka iya Sultan ninggi taꞌ mimon sultan, Papuꞌ ninggi taꞌ mimon papuꞌ.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

2 Pitel 1:11

Boꞌ na, hinasi na sina kam mintu paayad pa jawom sulgaꞌ, ndooy man Papuꞌ tabi si Isa Almasi, yana tukang nalamat kitabi, magsultan saumu-umu.