1 Korin 15:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² batan inaa sina poonan bi salamat, basta yaꞌ jaꞌ labbahan bi. Bong ina labbahan bi, yaꞌ du luu kapuspusan bi bay pitsayaꞌ.

1 Korin 15:2 ပူးပေါင်းရင်းမြစ်များ

Lukas 8:13

Kuwan tanaꞌ looy ma njawom kabatuhan man bani looy bay tumiluꞌ, tuwaꞌ pa sagannap ma bay kale umanat Tuhan sampay magti pitsayaꞌ ni kagāk da. Sugaꞌ pagka yaꞌ bay nganggamut pa lawom umanat looy njawom atay da, yaꞌ du hallom tatasan da pitsayaꞌ. Pag luu jaꞌ kabinsanaan atawa laug tuwaꞌ pa jataꞌ da, siglaꞌ du sila patatak.

Salsila siga Rasul 2:47

Wā sila mudji Tuhan sampay kamahapan na mimon jama ni Jerusalem ni arat da. Dari llaw pa dangallaw, pasampun boꞌ pasampun na pin eka jama ma sinalamat meꞌ Tuhan.

Salsila siga Rasul 8:13

Sampay si Saymon siꞌ, lay na du pitsayaꞌ sampay lay na du ga pinandi. Boꞌ na, paninggai-paninggai jaꞌ siꞌ si Pilip lumān, luu na pin si Saymon patuhut niiya. Boꞌ tud bay haylan ya pag lay jaꞌ takita na siga sipat kawasa Tuhan ka pakaradjaan kahaylan-haylan bay pabuwat si Pilip.

Suwat si Pol pa mman Baanan Sukuꞌ si Isa ndooy ni Rom 1:16

Tud manganna situ ku ni kawasa Tuhan njawom umanat mahap tuktuk na pinasaplag. Sangkon yaꞌ ku loman masaplag. Batan katoonan ku mimon jama ma pitsayaꞌ ni umanat mahap tattap jaꞌ nammu kasalamatan, nagnaꞌ man bangsa Yahudi sampay pa kabangsa-bangsahan ma saꞌ Yahudi.

Suwat si Pol pa mman Baanan Sukuꞌ si Isa ndooy ni Rom 11:22

Dari tapamintangan tabi na bong pooy timbang Tuhan ka tohas na. Sila ina ma yaꞌ pitsayaꞌ, tohasan na. Boꞌ kaam ina, panimbangan na, basta yaꞌ jaꞌ labbahan bi meꞌ bi mangasa ni aseꞌ na. Sugaꞌ bong ina labbahan bi, malaingkan kaam pun, meꞌ karuha engas tinotoan du sina kam.

1 Korin 1:18

Na umanat pasal kapatoy si Isa taꞌ tehang ina, tuktuk na pinasaplag, bong ni sagannap ma song pa nalkaꞌ, meꞌ da mista, karupangan jaꞌ. Boꞌ ningkitabi itu ma sinalamat, katoonan tabi na njataꞌ umanat mahap luu na dapat manusiyaꞌ ngissa kawasa Tuhan nalamat.

1 Korin 1:21

Na Tuhan ina tud halul-akka batan ndang bay na ginantaꞌ meꞌ na jalan man manusiyaꞌ salamat. Jalan ma awnan ku ilay siꞌ yana meꞌ manusiyaꞌ pitsayaꞌ ni umanat mahap ma pinasaplag pasal Almasi. Salla na, binilang jaꞌ karupangan meꞌ sagannap ma mangaku halul-akka. Kon na ilay meꞌ looy sabap ndang yaꞌ katoonan da Tuhan.

1 Korin 11:2

Na siga danganakan, sanglit ku baw ningkaam sabap yaꞌ takupan bi suntuan bay takita bi njataꞌ tangge-tingkōꞌ ku. Maka yaꞌ kam halin man siga tōꞌ ma bay pinasampay meꞌ ku ningkaam.

1 Korin 15:14

Maka bong ilay siꞌ Almasi yaꞌ bay pinakallum, senseng jaꞌ sangsāꞌ kami masaplag. Boꞌ na, pangando bi pun niiya yaꞌ du luu pūs na.

2 Korin 2:15

Boꞌ kasulutan banahan Tuhan ni bawu na. Salla na, yaꞌ saliꞌ pangukan manusiyaꞌ. Ni sagannap ma song pa nalkaꞌ, umanat kami subay ga bawu sumpatoy. Dari pagka yaꞌ sila pitsayaꞌ, ilooy du takoleꞌ da katiksaan nyawa. Boꞌ ni sagannap ma song sinalamat, umanat kami subay ga bawu insallan hamut ninsila ma moo sila pa jawom kaallum bahau. Sugaꞌ inawnan moo jama ma song tanalkaꞌ pa jawom kasalamatan, tud yaꞌ sina takaya leꞌ manusiyaꞌ ni dī da.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Galatiya 3:4

Marean ta bistahan bi mimon kabinsanaan ma bay tatasan bi sabapan pangando bi ni Almasi yaꞌ na luu pūs na. Saꞌ silay meꞌ looy.

Epesus 2:8

Ni kaehe aseꞌ Tuhan, lay na kitabi sinalamat meꞌ na sabap meꞌ tabi pitsayaꞌ ni Almasi. Sugaꞌ kasalamatan tabi ina, saꞌ ga tungbas ni bay hulas-sangsāꞌ tabi buwat mahap, arapun ladjikiꞌ man Tuhan.

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

2 Tesaloneka 2:15

Sangkon, siga danganakan, daa labbahan bi pangando bi. Maka kuwangkutan bi na siga tōꞌ ma bay pinasampay meꞌ kami ningkaam, labba man ilooy ma bay halling kami ningkaam balharapan sampay ni jawom suwat kami.

2 Timuti 1:9

Maka ndang-ndang, iya du bay nalamat kita sampay ngaliyun kita supaya kita dari sukuꞌ na ma sutsiꞌ halloman ta llum. Sugaꞌ iya ilay bay nalamat kita, saꞌ baw ga man sabapan ni lilingan na mahap arat-tabiat ta. Arapun kon na ilay bay nalamat kita sabap ndang inaa garaꞌ na yaꞌ gi san junyaꞌ bay pinapayak. Ndang luu na garaꞌ na makitahan manusiyaꞌ aseꞌ-tabang na njataꞌ pabuwatan si Isa Almasi.

Hibrani 10:23

Sangkon daa na labbahan tabi holat tabi ma pinagbāꞌ meꞌ tabi ni manusiyaꞌ. San kitabi yaꞌ na hawal-hawalan. Ndang-ndang kanaalla du Tuhan numan mimon janjiꞌ na.

Hibrani 2:1

Na pagka meꞌ looy na ehe hagaꞌ Anak Tuhan, subay kanna tabi umanat na, taggahaꞌ lay na baw mintu kitabi patā man kabanahan.

Hibrani 3:14

Basta ina yaꞌ jaꞌ labbahan tabi pangando tabi ni Almasi ngabut sampay pa katapusan, mastiꞌ hampit jaꞌ kitabi ni mimon supaat na.

Hibrani 3:6

Boꞌ Almasi baw ilay, saꞌ ya tindog meꞌ karuha Nabi Musa, arapun iya ilay tud Anak Tuhan mismu kanaalla magtakōk ni siga jama lumaꞌ Mmaꞌ na. Boꞌ kitabi na situ initung jama lumaꞌ Tuhan basta tattap jaꞌ pangando tabi ni Almasi, maka basta yaꞌ jaꞌ kitabi jamu ngagad ni mimon ma bay njanjiꞌ meꞌ Tuhan ni siga sukuꞌ na.

Hibrani 4:14

Lipara luu du panghuluꞌ imam asahan tabi ma yaꞌ luu sibuꞌ sabanding na, lay na duhuꞌ pilay pa sulgaꞌ, yana si Isa Almasi, Anak Tuhan. Sangkon, subay yaꞌ labbahan tabi ilooy ma kinapitsayaan meꞌ tabi pasal iya.

Yaꞌkub 2:14

Siga danganakan ku, san ina kitabi mangaku pitsayaꞌ ni Papuꞌ Isa, bong yaꞌ du luu buktiꞌ na ni tangge-tingkōꞌ tabi, oy pūs na? Kumpas bi, sinalamat kina meꞌ Tuhan jama ma mangaku pitsayaꞌ minsan yaꞌ luu kaayaran pabuwat da?

Yaꞌkub 2:17

Damikiyan, bong ina kitabi mangaku pitsayaꞌ ni si Isa, boꞌ yaꞌ du luu kaayaran pabuwat tabi ni pagkahi tabi tandaꞌ hilas meꞌ tabi pitsayaꞌ, malaingkan yaꞌ du luu pūs meꞌ tabi pitsayaꞌ.

Yaꞌkub 2:26

Sangkon, hantak bitsala ku ilay siꞌ, bong inawnan pitsayaꞌ ka tangge-tingkōꞌ ayad, tadalil ta pa baran ka napas. Baran ina, bong yaꞌ magnapas, yaꞌ du luu kapuspusan na. Damikiyan, bong yaꞌ luu tangge-tingkōꞌ tabi ayad, yaꞌ du luu kapuspusan tabi pitsayaꞌ.