1 Korin 15:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Boꞌ na, bong siꞌ ilay bay mawjud meꞌ looy, malaingkan siga danganakan tabi sukuꞌ Almasi pun ma lay na matoy, yaꞌ na du luu katimbuhan nyawa da.

1 Korin 15:18 ပူးပေါင်းရင်းမြစ်များ

Salsila siga Rasul 7:60

Hangat ya sigi-sigi hiniyak, tuut na sa man na nangge sampay lay na baw ya ngingan pabalik, yuk na, “Papuꞌ, ampunun sa sila ni bay dusa da niyaku.” Pus na bay halling meꞌ looy, ilooy ma lay na ya makkat.

1 Korin 15:6

Paddus mandooy, lay gi ya patammu ni baanan siga danganakan tabi labi lima hatus eka da. Sila ilay siꞌ, agon masi gi llum sikamimon ngabut sampay batnaa. Sugaꞌ luu du baw kasohean, lay na duhuꞌ-duhuꞌ.

1 Tesaloneka 4:15

Batnaa pasampay ku na ningkaam umanat bay pinalahil meꞌ Papuꞌ Isa ningkami pasal katakka na bbos-bbos. Meꞌ tuu situ hantang na: Duwai ya sina mintu man sulgaꞌ sambayan na ngahowapan panohoan. Maka luu gi sina takale suwara disu anakkuraꞌ malaikat ngingan sampay luu du halling tabuliꞌ Tuhan tiniyup. Sugaꞌ kitabi ma masi llum ni masa looy mintu yaꞌ dari paruhuꞌ pilay nampang Papuꞌ Isa. Subay lay na doꞌ mintu duhuꞌ pinakallum siga pagkahi tabi sukuꞌ si Isa ma lay na matoy.

Siga Pakaradjaan bay Pinalahil 14:13

Pag-anu siꞌ, kale na baw ku suwara lakka man sulgaꞌ, yuk na, “Suwatan nu ituu: Labba man batnaa, njawom supaat sina sagannap ma matoy sabap meꞌ da mmeꞌ ni Papuꞌ Isa.” Pag-anu siꞌ, sinambag na baw meꞌ Rū Tuhan, yuk na, “Bana sina, njawom supaat sila. Bohoꞌ da kapahali man mimon bay hulas-sangsāꞌ da. Maka taboo da du sina mintu pa ahirat mimon kaayaran bay pabuwat da.”