1 Korin 15:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Maka bong siꞌ ilay bana jama matoy yaꞌ na pinakallum pabalik, malaingkan dustaꞌ jaꞌ bitsala kami pasal Tuhan. Batan bbuwatan kami māꞌ Tuhan bay makallum Almasi.

1 Korin 15:15 ပူးပေါင်းရင်းမြစ်များ

Salsila siga Rasul 2:24

Sugaꞌ san si Isa bay pinapatoy, lay na du ya pinakallum meꞌ Tuhan. Lay na ya pinaddusan man komkoman kapatoy batan ndang tunmanūn sina niiya ā meꞌ kapatoy.

Salsila siga Rasul 2:32

Na Almasi ilay siꞌ yana si Isa. Kon itu ku kabāꞌ meꞌ tuu batan kami mismu sikamimon ma luntuu bay kasakup lay na ya pinakallum meꞌ Tuhan.

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Salsila siga Rasul 4:10

Subay sina tahati bi sampay mimon pagkahi tabi bangsa Israil, lalla tuu ma kapatangge na ni awpan bi batnaa, poonan na bay kaulian, man kawasa-kapatut awon si Isa Almasi, lalla looy man Nasaret. Iya na silay Isa looy ma bay llansang meꞌ bi taꞌ tehang. Sugaꞌ pag patoy na, lay na du ya pinakallum meꞌ Tuhan.

Salsila siga Rasul 4:33

Kuwan siga rasul sikasapu-duwa, sabap luu na pin kawasa Tuhan njataꞌ da, tud hantap meꞌ da masaplag pasal Papuꞌ Isa bay pinakallum. Maka mehe du aseꞌ-tabang Tuhan njataꞌ siga sukuꞌ si Isa labbasakayi.

1 Korin 15:13

Uy! Bong bilay bana jama matoy yaꞌ na pinakallum, malaingkan sampay Almasi yaꞌ na du bay pinakallum.

1 Korin 15:16

Dari meꞌ halling sambat ku na siꞌ, bong ilay jama matoy yaꞌ na pinakallum pabalik, malaingkan sampay Almasi yaꞌ na du bay pinakallum pabalik.

1 Korin 15:20

Sugaꞌ ni sabana na, lai na silay Almasi pinakallum pabalik. Na pagka iya bay duhuꞌ-duhuꞌ pinakallum pabalik, inaa na buktiꞌ mimon sukuꞌ na ma lay na matoy pinakallum du pabalik bbos-bbos.