1 Korin 14:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Siga danganakan, bong sawpama bay ku pilu, boꞌ bbuwatan ku mitsala ni siga pallun ag-agan, pooy meꞌ bitsala ku katabang ni baanan bi? Sugaꞌ bong ina ku makoy pallun tabi mismu man ku masampay umanat ma bay pinalahil meꞌ Rū Sutsiꞌ niyaku, mastiꞌ katabang jaꞌ sina ningkaam. Damikiyan, bong ku makoy pallun tabi mismu man noan kaam ilooy ma katoonan ku pasal Tuhan atawa pun magnasihat, mastiꞌ katabang jaꞌ du sina ningkaam sikamimon.

1 Korin 14:6 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Matiyu 16:26

San du sina lay katis mimon altaꞌ njawom junyaꞌ lay takoleꞌ bi, oy pūs na bong tiksaꞌ du nyawa bi njawom nalkaꞌ? San ina pooy eka altaꞌ bi, yaꞌ du dari man ngalakkat nyawa bi man jawom katiksaan.

Salsila siga Rasul 2:42

Maka labba man llaw looy, sigi-sigi na sila pōꞌ pakale ni tōꞌ siga rasul si Isa. Dambuwaꞌ atay na sila maka daran na sila kumpo-kumpo mangan sampay maku duwaa.

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

Suwat si Pol pa mman Baanan Sukuꞌ si Isa ndooy ni Rom 16:17

Siga danganakan, junjung ku na ningkaam, iyakin kam ni siga jama ma moo pagsaggaan ni baanan bi sabap meꞌ da nulang kabanahan ma bay tinōꞌ ningkaam. Ilagan bi sila

Suwat si Pol pa mman Baanan Sukuꞌ si Isa ndooy ni Rom 6:17

Na jaman bi ilay yaꞌ gi bay mmeꞌ ni si Isa, masi gi silay kam pinahata meꞌ napsu bi buwat dusa. Magsuku pa Tuhan, pag batnaa niyaꞌ na. Batan ni kahilas atay bi, lay na bean bi kabanahan ma bay tinōꞌ ningkaam.

1 Korin 10:33

Aku pun itu, inaa du aturan bean ku. Wā ku ngilag oy-oy pabuwatan ma binista meꞌ jama maat. Batan yaꞌ ku muhung kaayaran ni dī ku. Arapun ilooy ya puhung ku, kaayaran ni pagkahi ku manusiyaꞌ bong pin sila nammu jaꞌ kasalamatan.

1 Korin 14:1

Siga danganakan, pakutuun bi na meꞌ bi sikaaseꞌ-kaaseꞌ. Maka subay kam magkainagon banahan ni siga kapandoyan bilang ladjikiꞌ ma lakka man Rū Sutsiꞌ, labi na hāl kapandoyan masampay siga umanat ma pinalahil meꞌ Rū Sutsiꞌ.

1 Korin 14:7

Boꞌ kaam ina ma kaladjikian mitsala ni siga pallun ag-agan, bong yaꞌ du luu ni baanan bi tukang muwan maana, yaꞌ du katabang. Sibuꞌ du karuha bi ka suling tiniyup saꞌ biddaꞌ atawa biyulla kinehet saꞌ biddaꞌ. Batan bong ina yaꞌ du tahilaliꞌ laggoꞌ na, oy pūs na?

2 Korin 11:6

Marean ta yaꞌ du situ ku pintal mitsala meꞌ sila, sugaꞌ ni hāl pangahati pasal Tuhan, basta yaꞌ baw tu ku tamban meꞌ da. Kaam pun ina, katoonan bi na du, batan lay na du takale bi tōꞌ ku.

2 Korin 12:1

Na inawnan magpabantug, san katoonan ku yaꞌ luu pūs na, gam pin talpaksaꞌ darahan ku gi sabapan bi. Sangkon tuntutan ta doꞌ kam siga pakaradjaan bay pinalahil meꞌ Papuꞌ niyaku

2 Korin 12:7

Dari supaya ku yaꞌ takabbu sabapan jinisan pakaradjaan bay pinalahil meꞌ Tuhan niyaku, lay na Tuhan mabiya disu sosohoan Ibilis niksaꞌ aku. Boꞌ ndang ituu na situ kasanggalang niyaku meꞌ sapantun sisib njawom isi ku.

Epesus 1:17

Maku na pin situ ku duwaa pa Mmaꞌ tabi ma yaꞌ luu sibuꞌ sabanding na, yana Tuhan Papuꞌ tabi si Isa Almasi. Kamura-murahan binuwanan du kam pangahati lawom ni hāl Tuhan supaya magsasōng na pin meꞌ bi lungbid ka iya.

Epesus 3:4

Bong itu mintu lay na katis batsa bi suwat tuu, malaingkan tabista bi na du sina tud tahati ku garaꞌ Tuhan ma bay pinajatu njataꞌ Almasi.

Pilipi 3:15

Sangkon kaam ma taggu na iman bi, sapatut na dambuwaꞌ pamiki na kam ka aku ni hāl angan-angan tabi. Sugaꞌ bong luu nnaa kasohean yaꞌ numan ni pamiki da bay bitsala ku siꞌ, bbos-bbos pinalahil du sina meꞌ Tuhan kabanahan ningkaam.

2 Timuti 2:14

Na pasal ilooy ma bay sabbut ku siꞌ, pasampayun sa ni sukuꞌ si Isa nnaa man nu maintoman sila. Maka baan nu sila, ilu na Tuhan pakale-kale, subay sila yaꞌ na palamud ni pagjawapan jama pasal hatiyan siga bitsala. Yaꞌ du sina luu sōng na. Gam pin, inaa na kaboo sagannap ma bay pakale magsiꞌ man kabanahan.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.

2 Timuti 3:16

Sikamimon ina njawom kitab yana palman Tuhan bay pinalahil meꞌ na ni manusiyaꞌ. Mehe kapansahaliyan na man noan jama kabanahan maka man makitahan sila dusa da sampay man maintoman sila lān tuwaꞌ bong luu kasaan da, maka man noan sila arat-tabiat intong.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Taytus 3:8

Na siga tōꞌ ku itu tud kanaalla. Sangkon Taytus, sohoun na kinanna ni mimon nnaa ma mangando pa Tuhan. Meꞌ looy ilay, inisbat na meꞌ da buwat jinisan kaayaran ni siga pagkahi da manusiyaꞌ. Na bitsala ku itu, mahap jaꞌ labbasakayi, boꞌ kasampulnaꞌ ni jama.

Hibrani 13:9

Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.

2 Pitel 1:5

Sangkon subay pagbuli-bulihan bi meꞌ bi matabeꞌ kawul-piil ayad ni pangando bi ni Papuꞌ Isa. Maka subay du pagbuli-bulihan bi meꞌ bi koleꞌ pangahati pasal kahandak Tuhan ningkaam.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam

2 Yahiya 1:9

Batan soysoy yaꞌ tattap mmeꞌ ni tōꞌ Almasi, boꞌ magsiꞌ lagi, mastiꞌ yaꞌ ya tibuuk ka Tuhan. Sugaꞌ soysoy tattap mmeꞌ ni tōꞌ Almasi, malaingkan tibuuk ya ka Tuhan sampay Anak na.