1 Korin 14:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Dari siga danganakan, subay kam magkainagon banahan ni ladjikiꞌ hāl meꞌ masampay siga umanat man Tuhan. Sugaꞌ daa na baw taggahun bi siga pagkahi bi mitsala ni siga pallun ag-agan.

1 Korin 14:39 ပူးပေါင်းရင်းမြစ်များ

1 Korin 12:31

Sugaꞌ san meꞌ naa, subay du kam magkainagon banahan ni siga ladjikiꞌ ma kabuwan kaayaran mehe ni mimon pagkahi bi. Sugaꞌ batnaa, luu gi situ bāꞌ ku ningkaam pasal disu pakaradjaan ma patingkat man mimon ladjikiꞌ, yana aseꞌ.

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

1 Korin 14:1

Siga danganakan, pakutuun bi na meꞌ bi sikaaseꞌ-kaaseꞌ. Maka subay kam magkainagon banahan ni siga kapandoyan bilang ladjikiꞌ ma lakka man Rū Sutsiꞌ, labi na hāl kapandoyan masampay siga umanat ma pinalahil meꞌ Rū Sutsiꞌ.

1 Korin 14:38

Sugaꞌ bong baw ina luu nnaa tud yaꞌ kuhi ngahasi bitsala ku, labi na bitsala da yaꞌ dari hinasi.

1 Korin 14:5

Sugaꞌ yaꞌ baw tu ku kabāꞌ ga yaꞌ luu guna na mitsala ni siga pallun ag-agan. Gam pin kainagon ku mimon kam nnaa kaladjikian mōꞌ siga pallun meꞌ looy. Sat na jaꞌ, mas mehe tabang ni baanan bi bong kam kaladjikian masampay siga umanat man Rū Sutsiꞌ. Kamasaꞌ, bong baw ina luu du kam nnaa kaladjikian muwan maana ni siga pallun ag-agan, malaingkan kasambu du ni nyawa sikamimon njawom baanan bi.

1 Tesaloneka 5:20

Bila luu danganakan bi māꞌ luu umanat karomanan na pinasampay lakka man Rū Sutsiꞌ, padarihun bi na ya. Daa ya sohoun bi diyam-diyam.