1 Korin 14:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Hati na, subay sila diyam-diyam sasang baanan bi numba. Yaꞌ sila dari hibuk. Maka subay sila lillaꞌ ni kalallahan meꞌ ndang bay tinōꞌ njawom kitab.

1 Korin 14:34 ပူးပေါင်းရင်းမြစ်များ

Panagnaan 3:16

Yuk Tuhan na baw ni danda looy, “Kuwan kau, sabapan dusa nu, sumpaꞌ njataꞌ nu, kabisahan jaꞌ sina ko tuktuk nu maddi. Sugaꞌ masi du ko sina mintu doman ubay ka lla nu. Maka pinagbayaan ko meꞌ lla nu.”

1 Korin 11:13

Na kaam ina, luu du ka honaꞌ-honaꞌ bi. Sangkon bandingun bi doꞌ paayad bong pataꞌ danda maku duwaa yaꞌ bay turung bila kam kumpo-kumpo numba.

1 Korin 11:3

Sugaꞌ luu gi situ disu tōꞌ ku ningkaam pasal kapatut. Dari meꞌ tuu: Mimon kalallahan, takōk da yana Almasi. Kuwan karandahan, takōk da yana kalallahan. Kuwan Almasi, takōk na, yana Tuhan.

1 Korin 11:5

Lalla ina bay pinapayak ni limbagan arat-tabiat Tuhan supaya ya kaboo kabantugan pa Tuhan. Sangkon, yaꞌ sina sikatuwaꞌ bong limbagan Tuhan, yana lalla, turung, saula-ula manusiyaꞌ magtakokan iya. Boꞌ karandahan ina, pataꞌ ninsila turung bila sila maku duwaa atawa masampay umanat man Tuhan njawom baanan bi. Kon da ina subay turung man da muwan sipat luu manusiyaꞌ magtakokan sila, yana lla da atawa mmaꞌ da. Bong sila yaꞌ turung, kadiyoꞌ ni takōk da. Sibuꞌ du karuha da ka danda lay kuku pōꞌ pa jawom mayran. Bong danda yaꞌ kuhi turung, gam na pongan na na bū takōk na. Sugaꞌ pagka kaiyaan ni karandahan mongan bū takōk da atawa kuku, gam na sila turung. Dari yana meꞌ lalla bay pinapayak man moo kabantugan pa Tuhan, danda pun lay du sinukuꞌ ninsila moo kabantugan ni kalallahan.

1 Korin 14:21

Intomun bi doꞌ palman looy ma bay sinuwatan njawom kitab, ilooy ma yuk Tuhan, “Bbos-bbos, sohoꞌ ku pilu jama man bangsa sarī ka pallun sarī mitsala ni ga jama looy ma yaꞌ ngasip ni siga panohoan ku. Sugaꞌ san meꞌ looy, masi du sila yaꞌ kuhi pakale niyaku.”

1 Korin 14:35

Bong hati luu tilaw da, agad da na doꞌ takka lumaꞌ boꞌ da nilaw ni lla da. Batan tampalasa sina bong sila hibuk sasang siga jamaa numba.

Epesus 5:33

Sugaꞌ ayat looy ilay tuwaꞌ pa kaam du baw silay ma sitampu. Sangkon kaam, siga kalallahan, pooy-pooy aseꞌ bi ni baran bi, subay meꞌ naa du aseꞌ bi ni nda bi. Kuwan kaam baw, siga karandahan, amay-amay subay kam magmaltabat ni lla bi.

Kolossa 3:18

Na kaam, siga karandahan, subay kam ngasip ni lla bi batan ndang inaa pataꞌ ningkaam sukuꞌ Papuꞌ Isa.

Taytus 2:5

maka supaya sila patong mamiki sampay mōꞌ kawul-piil sutsiꞌ. Maka subay karandahan ma yaꞌ gi toa tinoan mari sila hutu buwat ni lumaꞌ ka buwat kaayaran sampay maglillaꞌ ni lla da. Bong siꞌ ina bogbogan da meꞌ naa, malaingkan yaꞌ luu danan man umanat Tuhan ma pasaplag tabi binitsala pa kalaatan.