1 Korin 14:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Sangkon, soysoy bay kaladjikian mitsala ni siga pallun ag-agan, subay du sila maku pa Tuhan mari sila binuwanan kapandoyan muwan maana ni pallun meꞌ looy.

1 Korin 14:13 ပူးပေါင်းရင်းမြစ်များ

Malkus 11:24

Sangkon ituu jaꞌ meꞌ ku ka kaam: Bila kam maku duwaa pa Tuhan, oy-oy paku bi, subay kam manganna lai na takoleꞌ bi. Bong siꞌ ilay meꞌ looy jaꞌ pangando bi, mastiꞌ nduwan jaꞌ sina kam.

Salsila siga Rasul 1:14

Sila ilay ndang daran kumpo-kumpo ndooy maku duwaa. Maka luu gi kasohean danda sampay na si Mariyam, yana nneꞌ si Isa, ka siga siyali si Isa ma lalla daran du mmeꞌ ninsila maku duwaa.

Salsila siga Rasul 8:15

Takka jaꞌ siꞌ sila ndooy, lay na sila makuhan sagannap ma pitsayaꞌ ni si Isa duwaa supaya pinaasokan na sila Rū Sutsiꞌ.

1 Korin 12:10

Maka kasohean, kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian masampay siga umanat ma bay pinalahil meꞌ Tuhan ninsila. Kasohean kaladjikian nilang bong bitsala jama bana-bana lakka man Rū Sutsiꞌ atawa niyaꞌ. Kuwan kasohean, kaladjikian mitsala ni jinisan pallun ma yaꞌ san bay pingkaꞌ kapandoyan da. Boꞌ luu gi kasohean kaladjikian muwan maana ni siga pallun meꞌ looy.

1 Korin 12:30

Maka saꞌ du situ kitabi mimon bay binuwanan kawasa ngulian jama. Maka saꞌ du kitabi mimon kapōꞌ jinisan pallun ma yaꞌ san bay pingkaꞌ kapandoyan tabi atawa kabuwan maana ni siga pallun meꞌ looy.

1 Korin 14:12

Sangkon, pagka kam magkainagon ni siga ladjikiꞌ man Rū Sutsiꞌ, ilooy pakuhun bi, yana siga ladjikiꞌ ma kasambu ni nyawa mimon pagkahi bi sukuꞌ si Isa.

1 Korin 14:14

Na bong ina kita maku duwaa ni pallun ag-agan, inaa jalan man nyawa ta sadjaꞌ maku duwaa, sugaꞌ yaꞌ baw luu tahati ta.

1 Korin 14:26

Na siga danganakan, bila kam kumpo-kumpo numba, ituu palbiatan ku ningkaam. Mahap sina bong kasohean ngalang kalangan pudji pa Tuhan; maka mahap du bong kasohean nganasihat maka kasohean masampay umanat ma bay pinalahil meꞌ Rū Sutsiꞌ ninsila. Maka mahap du bong kasohean mitsala ni siga pallun ag-agan, basta luu jaꞌ tukang muwan maana. Sugaꞌ junjung ku na ningkaam, oy-oy pabuwat bi, subay kasambu ni siga nyawa sikamimon njawom baanan bi.