1 Korin 14:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Siga danganakan, pakutuun bi na meꞌ bi sikaaseꞌ-kaaseꞌ. Maka subay kam magkainagon banahan ni siga kapandoyan bilang ladjikiꞌ ma lakka man Rū Sutsiꞌ, labi na hāl kapandoyan masampay siga umanat ma pinalahil meꞌ Rū Sutsiꞌ.

1 Korin 14:1 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 12:6

Man sabapan aseꞌ Tuhan njataꞌ tabi, lay na kitabi binuwanan jinisan kapandoyan bilang ladjikiꞌ ningkitabi. Dari subay situ tabi saliꞌ-saliꞌ makoy ladjikiꞌ ma bay sinukuꞌ ningkitabi para kaayaran ni pagkahi tabi sukuꞌ si Isa. Bong disu bay kaladjikian masampay siga umanat ma bay pinalahil meꞌ Tuhan niiya, subay du pasampay na umanat ma kinapitsayaan meꞌ na bay pinalahil niiya.

Suwat si Pol pa mman Baanan Sukuꞌ si Isa ndooy ni Rom 14:19

Sangkon, pagbuli-bulihan bi meꞌ bi wā njawom kasalassayan ka siga pagkahi bi. Maka sipaintom-paintom kam supaya pataggu na pin iman bi dambaanan.

Suwat si Pol pa mman Baanan Sukuꞌ si Isa ndooy ni Rom 9:30

Dari hantak bitsala ku ilay siꞌ, kuwan siga jama ma saꞌ Yahudi, san sila yaꞌ bay miha jalan man da initung meꞌ Tuhan intong, lay na du nammu kaintongan sabap meꞌ da pitsayaꞌ ni si Isa.

1 Korin 12:1

Batnaa siga danganakan, pahatiyan ta doꞌ kam pasal jinisan kapandoyan bilang ladjikiꞌ ndean meꞌ Rū Sutsiꞌ ningkitabi. Yaꞌ ku doman kaam awam ni hāl meꞌ tuu. Sugaꞌ duhuꞌ doꞌ ku muwanan kaam pindoga man bi ngila guru palsu.

1 Korin 12:31

Sugaꞌ san meꞌ naa, subay du kam magkainagon banahan ni siga ladjikiꞌ ma kabuwan kaayaran mehe ni mimon pagkahi bi. Sugaꞌ batnaa, luu gi situ bāꞌ ku ningkaam pasal disu pakaradjaan ma patingkat man mimon ladjikiꞌ, yana aseꞌ.

1 Korin 13:13

Dari luu situ tallu pakaradjaan subay tattap kinanna meꞌ tabi, yana pangando pa Tuhan ka holat ni siga janjiꞌ Tuhan sampay aseꞌ pa Tuhan ka pagkahi tabi manusiyaꞌ. Sugaꞌ ni ituu siꞌ sikatallu, ilooy patingkat hagaan, yana aseꞌ.

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

1 Korin 14:22

Dari bong tabi mindoga man bitsala looy siꞌ, tahati tabi na bong inawnan siga pallun ag-agan, yana sipat kawasa Tuhan para sagannap ma yaꞌ pitsayaꞌ ni Almasi. Boꞌ ladjikiꞌ masampay siga umanat ma pinalahil meꞌ Rū Sutsiꞌ ina, yana sipat kawasa Tuhan para sagannap ma pitsayaꞌ.

1 Korin 14:37

Soysoy kam nnaa mista kaam tukang masampay umanat man Tuhan sampay tattap ngasip ni Rū Sutsiꞌ, bong ina bana du, tabista bi jaꞌ sina ituu ma sinuwatan meꞌ ku ningkaam tud lakka man panohoan Papuꞌ Isa.

1 Korin 14:39

Dari siga danganakan, subay kam magkainagon banahan ni ladjikiꞌ hāl meꞌ masampay siga umanat man Tuhan. Sugaꞌ daa na baw taggahun bi siga pagkahi bi mitsala ni siga pallun ag-agan.

1 Korin 16:14

Ni mimon kahalan bi, ilooy subay isbatun bi meꞌ bi maasean jama.

Epesus 1:3

Pudji tabi Tuhan, Mmaꞌ Papuꞌ tabi si Isa Almasi. Meꞌ kitabi itu tibuuk na ka Almasi, lay na dean Tuhan ningkitabi mimon supaat man sulgaꞌ ma kasampulnaꞌ ni nyawa.

1 Tesaloneka 5:20

Bila luu danganakan bi māꞌ luu umanat karomanan na pinasampay lakka man Rū Sutsiꞌ, padarihun bi na ya. Daa ya sohoun bi diyam-diyam.

1 Timuti 4:14

Daa pasensengan nu ladjikiꞌ ma bay dean Rū Sutsiꞌ ningkau bay jaman siga pa-mmean sukuꞌ si Isa ngannaꞌ siga tangan da njataꞌ nu. Awnan ku ilay siꞌ yana kapandoyan ma bay tinunaꞌ meꞌ da njataꞌ nu.

1 Timuti 5:10

Lagiꞌ na, subay sila bay tamasa nabiat buwat mahap. Hati na, subay mahap meꞌ da bay nganad anak da maka ndang nabiat ngahulmat jama. Maka subay sila biyasa magpangintu siga pagkahi da sukuꞌ si Isa. Maka subay sila biyasa magpanulung jama njawom kasusahan. Hantak bitsala ku ilay siꞌ, subay sila bay tamasa buwat jinisan kaayaran.

1 Timuti 6:11

Sangkon Timuti, meꞌ kau disu lalla pinakoy meꞌ Tuhan, amay-amay palawak ko man kalaatan meꞌ looy. Iya pakutuun meꞌ nu buwat na pin kaintongan, meꞌ nu ngikut arat-tabiat Tuhan, sampay meꞌ nu mangando niiya ka maaseꞌ ni jama. Maka bila ko njawom kabinsanaan, tatasan nu na jaꞌ maka poun na pin lammaꞌ pangatayan nu.

2 Timuti 2:22

Sangkon, san meka meꞌ pag-umuhan nu taboo-boo meꞌ napsu da buwat jinisan karupangan, bong kau, basta palawak ko man arat-tabiat meꞌ looy. Iya pakutuun, yana kaintongan, pangando ni si Isa, aseꞌ ni jama maka kasalassayan. Sagannap ma ngisbat Papuꞌ ni kasutsiꞌ atay da, ndang meꞌ naa sina angan-angan da.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

2 Pitel 1:7

Njawom bi ngikut arat-tabiat Tuhan, kaasean bi du siga pagkahi bi sukuꞌ si Isa sampay na mimon manusiyaꞌ.

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.