1 Korin 13:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ maka yaꞌ ya halipulu. Yaꞌ ya nabiat miha kaayaran ni dī na sadjaꞌ. Yaꞌ ya mura dugahan, maka yaꞌ ya ngannaꞌ njawom atay na dusa jama niiya.

1 Korin 13:5 ပူးပေါင်းရင်းမြစ်များ

Matiyu 5:22

Sugaꞌ batnaa, ituu jaꞌ meꞌ ku maka kaam: Minsan ina lasu jaꞌ kam ni pagkahi bi, mastiꞌ piligru du kam kalabuan hukuman. Maka soysoy mahallingan pagkahi na, ‘Yaꞌ luu guna nu,’ mastiꞌ piligru du ya binoo pa baanan Sanhidrin hinukum. Maka soysoy ngawnan pagkahi na manusiyaꞌ dupang, mastiꞌ piligru du ya pinidjalaꞌ ni api nalkaꞌ.

Matiyu 9:4

Na si Isa siꞌ tu, ndang katoonan na njawom pamiki da. Dari yuk na ninsila, “Marean ta kanna bi yaꞌ luu kawasa-kapatut ku muwasan dusa.

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Lukas 7:39

Pag takita jaꞌ meꞌ Parisi looy ma bay ngaddoꞌ si Isa meꞌ looy, njawom atay na, “Bong siꞌ bina mawjud lalla naa disu nabi, yaꞌ ya kuhi sinagid leꞌ danda naa, batan mastiꞌ tasayu na jaꞌ danda naa baldusa.”

1 Korin 10:24

Sangkon, oy-oy pabuwat ta, pamikihan ta doꞌ duhuꞌ bong kasampulnaꞌ ni pagkahi ta atawa niyaꞌ. Daa isu-isu pabuwat ta ma karomanan ta sadjaꞌ.

1 Korin 10:33

Aku pun itu, inaa du aturan bean ku. Wā ku ngilag oy-oy pabuwatan ma binista meꞌ jama maat. Batan yaꞌ ku muhung kaayaran ni dī ku. Arapun ilooy ya puhung ku, kaayaran ni pagkahi ku manusiyaꞌ bong pin sila nammu jaꞌ kasalamatan.

1 Korin 11:18

Duhuꞌ-duhuꞌ, bay taaka ku bila kam kumpo-kumpo numba, magsulemaꞌ pamiki bi dambaanan. Boꞌ kira ku mura mawjud.

1 Korin 12:25

Dan jinis meꞌ halling, siga kalangkapan baran ina bay pinagsibatuk-batuk meꞌ Tuhan supaya sila sama-sama sitabang-tabang, saꞌ ga supaya sila magsaw-saggaꞌ.

1 Korin 7:36

Sugaꞌ bong sawpama disu lalla luu na danda karomanan na, bong gantaꞌ yaꞌ na tasaggaꞌ na napsu na, subay ya handa na. Yaꞌ du lay luu laat na kinawin.

2 Korin 5:19

Dari meꞌ tuu situ umanat bay sohoꞌ Tuhan pinasampay ningkitabi: Njataꞌ kapatoy Almasi, ilooy na man Tuhan muwanan sikamimon manusiyaꞌ lawang man da mahap na niiya sampay yaꞌ na initung meꞌ na dusa da.

Galatiya 5:13

Kaam ina siga danganakan, lay na kam lliyun meꞌ Tuhan pa jawom okoman na supaya kam paddus na man jawom sakup saraꞌ. Sugaꞌ amay-amay daa pakoyun bi kasumunsayaan bi bilang daawa man nganduwan napsu bi. Arapun pakutuun bi na meꞌ bi sikaaseꞌ-kaaseꞌ sampay sitabang-tabang.

Pilipi 2:21

Boꞌ ilooy kasohean ntuu, ndaꞌ ku sikamimon sila, mas hagaan gi ninsila kahandak da man kahandak si Isa Almasi.

Pilipi 4:8

Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

2 Tesaloneka 3:7

Akigun bi jaꞌ suntuan kami. Kaam na silay mismu bay kasakup bay kadarihan kami jaman kami nnaa ni lahat bi. Lay jaꞌ kami magtuyuꞌ buwat. Yaꞌ kami bay takita bi nangge-nangge jaꞌ hūk ngusaha.

2 Timuti 2:10

Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.

2 Timuti 4:16

Ni kapasal palkalaꞌ ku ntuu, sibuwa ku bay sinumariya meꞌ huwis, yaꞌ luu san disu danganakan ta bay pasabu nanggehan aku. Lay jaꞌ ku pabiya da dangan-dangan ku. Sugaꞌ kamura-murahan inampun du sila meꞌ Tuhan.

Yaꞌkub 1:19

Na siga danganakan, kakasi ku, indanan bi. Kitabi itu subay badja pakale. Daa hangat kitabi na jaꞌ mitsala. Maka daa kitabi os-os lasu.