1 Korin 13:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Na arat jama ina maaseꞌ meꞌ tuu: Tahaꞌ pasensiya na, manimbang ni pagkahi na manusiyaꞌ, yaꞌ dangkiꞌ, yaꞌ ngabbu atawa malangkaw dī na

1 Korin 13:4 ပူးပေါင်းရင်းမြစ်များ

Panagnaan 30:1

Na si Rakel siꞌ tu, pagka ya niyaꞌ hanak, tud bay dangkiꞌ ya ni kakaꞌ na. Dari yuk na ni si Yaꞌkub, “Bong ku itu yaꞌ pahanak nu, matoy na situ ku!”

Panagnaan 37:11

Dari siꞌ, yaꞌ na kuhi banti dangkiꞌ siga danganakan na niiya. Sugaꞌ kuwan mmaꞌ da baw siꞌ tu, papiha-piha na pin bong oy kamaatunan bay upihan si Yusup.

Matiyu 27:18

Kon Gubnul Pilatu nilaw batan kainagon na maddusan si Isa. Batan katoonan na danan siga pa-mmean agama bay ma-ntan si Isa niiya sabap dangkiꞌ sila.

Salsila siga Rasul 7:9

“Pag-anu,” yuk si Esteben, “katoonan tabi du, pag ehe ga anak Boꞌ Yaꞌkub sikasapu-duwa, kuwan ariꞌ da si Yusup, bay kinadangkian meꞌ da. Sampay lay gi ya pinaballihan meꞌ da ni baanan ga padadagang, boꞌ na lay binoo pa Ejip. Takka ndooy, lay ya dari ata. Lipara, luu na pin Tuhan ngunungan iya.

Suwat si Pol pa mman Baanan Sukuꞌ si Isa ndooy ni Rom 1:29

Pannoꞌ atay da leꞌ jinisan kalaatan ka kabingkokan ka napsu mulakab. Dahulakaꞌ sila maka dangkiꞌ sila. Inaa jaꞌ jawom atay da, doman sila mapatoy jama, sasaꞌ, ngalilu, ka makaat jama. Pangalimut sila maka

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

1 Korin 3:3

Man ku itu siꞌ halling meꞌ tuu batan masi gi pamiki bi meꞌ jama ma mandang hāl junyaꞌ. Batan taaka ku bbuwatan bi nnaa kasohean sikarangkiꞌ-karangkiꞌ sampay sasaꞌ-manasaꞌ. Sibuꞌ du karuha bi ka jama ma yaꞌ pitsayaꞌ ni si Isa

1 Korin 4:18

Kaam ina nnaa kasohean, pannoꞌ na meꞌ abbu batan kanna bi yaꞌ na ku pabeleng pilu.

1 Korin 4:6

Na siga danganakan, aku ilay siꞌ bay nabbut pabuwatan kami ka si Apolos man ku muwanan kaam pamintangan. Maksud ku mari kam yaꞌ palabi man siga tōꞌ njawom kitab. Intong na, ddong na kam mantug disu danganakan saula-ula patingkat ya man kasohean.

1 Korin 5:2

Boꞌ kaam baw nnaa, sannang jaꞌ kam ngabbu saula-ula kanaalla kam buwat kaintongan. Subay siꞌ gam pin magkasusahan kam. Maka subay siꞌ bay pinōꞌ meꞌ bi lalla looy man baanan bi.

1 Korin 8:1

Na ni kapasal bay tilaw bi hāl mangan sumbalian ma sinongan meꞌ siga kapil ni siga tuhan-tuhan da, ndang tahati tabi na du bong kinawnan siga tuhan-tuhan, yaꞌ luu kawasa da samasakali. Sugaꞌ paayad-ayad kam, batan mangkin ina pasōng pangahati ta, pasōng du sina abbu ta. Boꞌ abbu ina, yaꞌ kasambu ni nyawa pagkahi ta. Iya kasambu yana aseꞌ.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

Galatiya 5:26

Sangkon daa na kitabi takabbu. Maka daa na kitabi siparuga-paruga atawa sikadangkiꞌ-kadangkiꞌ.

Epesus 4:2

Subay diyoꞌ ka lammaꞌ pangatayan bi sampay tahaꞌ pasensiya bi. Pagka kam sikaaseꞌ-kaaseꞌ, tatasan bi jaꞌ salla arat siga pagkahi bi.

Epesus 4:32

Batan meꞌ kitabi itu sukuꞌ Tuhan, subay kitabi sikaaseꞌ-kaaseꞌ maka sikaluuy-kaluuy sampay siampun-ampun. Akig tabi na Tuhan bay ngampun kitabi man sabapan pabuwatan Almasi.

Pilipi 1:15

Sugaꞌ kasohean baw, yaꞌ hilas meꞌ da masaplag pasal Almasi. Ni kadangkiꞌ da, doman jaꞌ sila ngalabihan aku. Sugaꞌ kaekahan baw, mahap maksud da.

Kolossa 1:11

Maka kamura-murahan binuwanan du kam meꞌ Tuhan gaos lakka man kawasa na ma yaꞌ luu sibuꞌ sabanding na. Dari san gi oy katuwaꞌ ningkaam, katatas kam maka masi na pin kam gāk. Sarī gi, patahaꞌ na pin pasensiya bi.

Kolossa 2:18

Sangkon daa na kam hidjab bong luu māꞌ yaꞌ sā kasalamatan bi bong kam yaꞌ bay niksaꞌ dī bi ngikut jinisan aturan agama da. Maka daa kam mmeꞌ ni ilmuꞌ kasohean ma nohoꞌ jama numba siga malaikat. Ga jama meꞌ looy ilay tinagi nuntutan kaam kajinisan bahasa bay pinalahil meꞌ Tuhan ninsila. Mingkan, ilooy du mehe ninsila ngabbu, meꞌ ndang tabiat manusiyaꞌ ma mandang hāl junyaꞌ.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

1 Tesaloneka 5:14

Maka siga danganakan, tugun kami na ningkaam, sohoun bi na buwat sagannap ma hūk nnaa. Kuwan siga pagkahi bi ma hanggaw, buwansangan bi mari pahallot pangando da ni Papuꞌ. Sagannap ni baanan bi ma yaꞌ gi taggu iman da, tabangan bi na pin. Maka subay tahaꞌ pasensiya bi ni sikamimon.

1 Timuti 6:4

Ga jama meꞌ looy ilay, yaꞌ luu masayu da, boꞌ abbuhan lagi. Tigiꞌ jaꞌ sila magjawapan hatiyan bitsala ka hāl ma yaꞌ luu kapuspusan na. Sabapan tōꞌ da ina, sikadangkiꞌ-kadangkiꞌ na jama maka sasaꞌ-manasaꞌ na, sipitna-pitna na, sampay sitanggap-tanggap na.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

Yaꞌkub 4:5

Daa kam mista suwat njawom kitab meꞌ baliyu pingkaꞌ jaꞌ, ilooy ma yuk na, “Rū ma bay pinaasok meꞌ Tuhan pa jawom atay tabi pangimbu. Kainagon na subay Tuhan numbul satu kinaasean meꞌ tabi.”

1 Pitel 2:1

Na pagka luu na kaallum bi bahau, timanan bi na mimon pabuwatan maat maka mimon dustaꞌ. Daa dan jinis bitsala bi, boꞌ sarī na baw pabuwat bi. Daa na kam dangkiꞌ atawa mitnahan pagkahi bi manusiyaꞌ.

1 Pitel 3:8

Na dambuli man inaa, meꞌ kaam sukuꞌ si Isa sikamimon, subay kam dambuwaꞌ atay maka sikaddoꞌ-kaddoꞌ parasahan. Subay kam sikaaseꞌ-kaaseꞌ meꞌ karuha jama magdanganakan. Sipanimbang-panimbang kam maka subay diyoꞌ pangatayan bi saliꞌ-saliꞌ.

1 Pitel 4:8

Maka numbul satu isbatun bi meꞌ bi sikaaseꞌ-kaaseꞌ ni kahilas atay bi. Batan bong ina kam maasean siga pagkahi bi, mastiꞌ ampun bi jaꞌ sila san du pooy eka dusa da ningkaam.

2 Pitel 1:7

Njawom bi ngikut arat-tabiat Tuhan, kaasean bi du siga pagkahi bi sukuꞌ si Isa sampay na mimon manusiyaꞌ.

1 Yahiya 4:11

Na siga kakasi ku, pagka meꞌ naa aseꞌ Tuhan ningkitabi, subay du kitabi sikaaseꞌ-kaaseꞌ.