1 Korin 13:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

1 Korin 13:2 ပူးပေါင်းရင်းမြစ်များ

Matiyu 13:11

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Matiyu 17:20

Tampung si Isa, “Sabap kulang pangando bi niyaku. Baan ta kam banahan, bong ina luu pangando bi san lasa bateheꞌ bigi mustard, minsan punu naa tahalin bi du bong sohoꞌ bi halin. Yaꞌ sina luu saꞌ tapabuwat bi bong tud luu du pangando bi niyaku.

Matiyu 21:19

Pag ngita ya disu poon kayu igira yaꞌ du tā man bihing lān, lay ya pilay miha buwaꞌ na sugaꞌ yaꞌ ya bay nammu, isu-isu dawun. Pag-anu, yuk na ni kayu looy, “Labba man batnaa, yaꞌ na sina ko buwaꞌ pabalik.” Paddus na pin halling na, magti du ngalayu kayu looy.

Matiyu 21:21

Yuk si Isa, “Baan ta kam banahan, bong ina luu pangando bi pa Tuhan maka yaꞌ kam hawal-hawalan, tapabuwat bi du sina meꞌ ilooy ma bay pabuwat ku siꞌ ni poon igira looy. Maka san labi gi man ilooy siꞌ. Nduwan jaꞌ sina kam san gi sohoꞌ bi punu naa pungkad boꞌ na nohoꞌ ngahiyakan dī na pa dilawut.

Salsila siga Rasul 13:1

Na ni baanan sukuꞌ si Isa ndooy ni Antiyok, luu siga tukang masampay siga umanat ma pinalahil meꞌ Rū Sutsiꞌ ninsila, maka luu du siga jama alistu nōꞌ. Sila ilay siꞌ yana si Balnabas, si Simiyun ma pinagdē si Itom, si Lusiyus yana jama Sayrin, si Sol, maka si Manean. Si Manean ilay bay pingkaꞌ samod ka Gubnul Herod jaman da anak-anak lagi.

Suwat si Pol pa mman Baanan Sukuꞌ si Isa ndooy ni Rom 11:25

Na siga danganakan, supaya kam yaꞌ ngabbu saula-ula patingkat kam man siga Yahudi, bakkasan ta na kam disu kabanahan ma yaꞌ gi bay tahati maruhuꞌ. Minsan kaekahan Yahudi tohas kōk da yaꞌ kuhi pitsayaꞌ, ndang ilooy silay gantaan ninsila ngkod-ngkoran yaꞌ gi tatuman garaꞌ Tuhan matabeꞌ kabangsa-bangsahan saꞌ Yahudi ni sukuꞌ na.

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

Suwat si Pol pa mman Baanan Sukuꞌ si Isa ndooy ni Rom 16:25

Na katapusan bitsala ku, pudji tabi Tuhan. Iya ina nganggaosan kaam mari kam yaꞌ usik man umanat ma bay tinōꞌ ningkaam. Umanat ma awnan ku yana umanat mahap pasal si Isa Almasi ma pinasaplag meꞌ ku. Umanat mahap itu, ndang luu na njawom siga suwat kanabi-nabihan, sat na jaꞌ yaꞌ gi bay tumampak kamaatunan na.

1 Korin 11:4

Sangkon, bila kam kumpo-kumpo numba, boꞌ luu lalla maku duwaa atawa masampay umanat ma bay pinalahil meꞌ Tuhan niiya, subay ya yaꞌ turung. Batan bong lalla turung sasang na numba, inaa na sipat takōk na manusiyaꞌ sadjaꞌ. Dari sibuꞌ du ya ka madiyoꞌ takōk na, yana Almasi.

1 Korin 12:28

Na meꞌ kitabi itu njawom sakup Almasi na, luu jinisan pabuwatan bay sinukuꞌ ningkitabi. Duhuꞌ, luu bay kawakilan leꞌ Tuhan binuwat siga rasul si Isa. Kaduwa na, kasohean bay kawakilan masampay siga umanat ma bay pinalahil meꞌ Rū Sutsiꞌ ninsila. Ni katallu na, kasohean bay kawakilan binuwat siga guru. Sarī man inaa, luu gi sina bay kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian ngulian jama. Kasohean kaladjikian basag nabang, kasohean tukang magmalim maka luu gi kasohean kaladjikian mitsala ni jinisan pallun ma yaꞌ san bay pingkaꞌ kapandoyan da.

1 Korin 13:1

San kita sawpama pandoy mitsala kajinisan pallun manusiyaꞌ sampay pallun siga malaikat, bong kita yaꞌ du pandoy maaseꞌ ni pagkahi ta manusiyaꞌ, yaꞌ du luu pūs ta. Bong yaꞌ luu aseꞌ ta, sibuꞌ du hagaꞌ bitsala ta ka agung pinepek yaꞌ biddaꞌ atawa sembal pinagsipangkiꞌ manunsāp.

1 Korin 13:3

San gi dean ta mimon altaꞌ ta jama miskin, maka san gi atas ta baran ta tinunu kalnaꞌ si Isa, bong yaꞌ du luu aseꞌ ta ni jama, yaꞌ du luu sōng na.

1 Korin 13:8

Na mimon ladjikiꞌ meꞌ sapantun masampay siga umanat Tuhan atawa pun mitsala ni jinisan pallun ma yaꞌ san bay pingkaꞌ kapandoyan na, ahi maka ahi na, luu jaꞌ du sina ka katapusan da. Sampay ilmuꞌ, bbos-bbos tamban du sina. Boꞌ aseꞌ, yaꞌ luu masa na.

1 Korin 14:29

Ni kapasal jama ni baanan bi ma bay kaladjikian masampay siga umanat lakka man Tuhan, bong sila masampay, sapatut na subay meꞌ looy du siꞌ ga duwa-tallu jaꞌ du sila. Maka umanat da subay binanding paayad meꞌ sikamimon bong magbēꞌ du ka tōꞌ si Isa atawa niyaꞌ.

1 Korin 14:39

Dari siga danganakan, subay kam magkainagon banahan ni ladjikiꞌ hāl meꞌ masampay siga umanat man Tuhan. Sugaꞌ daa na baw taggahun bi siga pagkahi bi mitsala ni siga pallun ag-agan.

1 Korin 15:51

Batnaa baan ta doꞌ kam hāl ma yaꞌ gi bay pinalahil meꞌ Tuhan maruhuꞌ. Ni katakka Almasi ina bbos-bbos, kasohean sukuꞌ na yaꞌ gi bay matoy, sugaꞌ mimon kitabi, ma llum ma matoy, pinabahauwan na.

1 Korin 16:22

Kamura-murahan soysoy yaꞌ luu aseꞌ na ni Papuꞌ Isa sinumpaan du meꞌ Tuhan. Kamura-murahan takka na Papuꞌ deꞌ-dēꞌ.

1 Korin 4:1

Dari meꞌ halling sambat ku na siꞌ, kuwan kami ma noan kaam, subay ingatun bi saliꞌ-saliꞌ du kami sosohoan Almasi sadjaꞌ. Maka saliꞌ-saliꞌ du kami bay sinukuan meꞌ Tuhan nohoꞌ masampay kabanahan ma yaꞌ gi bay tumampak kamaatunan na maruhuꞌ.

1 Korin 7:19

Batan inislam yaꞌ inislam ina, yaꞌ du luu paluntungan na. Ilooy ya mehe pa Tuhan bong tabi mmeꞌ ni kahandak na.

1 Korin 8:4

Na balik ta pa hāl sumbalian ma bay sinongan meꞌ kapil pa tuhan-tuhan da, katoonan tabi na du dari du kinakan. Batan bong kinawnan siga tuhan-tuhan, yaꞌ du luu tahal-hāl da batan yaꞌ san llum. Boꞌ na, katoonan tabi du disu du Tuhan, yaꞌ luu sarī.

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

Galatiya 5:16

Sangkon ituu na bāꞌ ku ningkaam: Mmeꞌ jaꞌ kam ni kahandak Rū Sutsiꞌ. Bong ina pakutuꞌ bi du meꞌ bi mean iya, malaingkan yaꞌ na luu masa bi taboo-boo meꞌ napsu bi buwat kalaatan.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Galatiya 6:3

Bong luu kam nnaa yaꞌ nabangan pagkahi bi sabap meꞌ bi mista lumabi kam man kasohean, ngandupang jaꞌ kam dī bi. Tud yaꞌ baw sina kam hagaan man pagkahi bi.

Epesus 3:4

Bong itu mintu lay na katis batsa bi suwat tuu, malaingkan tabista bi na du sina tud tahati ku garaꞌ Tuhan ma bay pinajatu njataꞌ Almasi.

Epesus 6:19

Damikiyan aku pun, pakuhan bi du baw ku duwaa supaya ku binuwanan meꞌ Tuhan bitsala hantap bila ku magnasihat. Maka pakuhan bi ku duwaa supaya ku tawakka masaplag umanat mahap ma yaꞌ gi bay kinatoonan meꞌ jama maruhuꞌ.

Kolossa 1:26

Umanat Tuhan ina, yana pasal ladjikiꞌ ma bay llimbuhan man manusiyaꞌ ni siga angkat-angkatan maruhuꞌ. Sugaꞌ pag batnaa, luu na bay pinalahil ni sukuꞌ Tuhan.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

1 Yahiya 4:8

Soysoy yaꞌ maaseꞌ, tumatandaꞌ yaꞌ katoonan na Tuhan sabap tabiat Tuhan yana maaseꞌ.