1 Korin 13:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Dari luu situ tallu pakaradjaan subay tattap kinanna meꞌ tabi, yana pangando pa Tuhan ka holat ni siga janjiꞌ Tuhan sampay aseꞌ pa Tuhan ka pagkahi tabi manusiyaꞌ. Sugaꞌ ni ituu siꞌ sikatallu, ilooy patingkat hagaan, yana aseꞌ.

1 Korin 13:13 ပူးပေါင်းရင်းမြစ်များ

Lukas 10:27

Tampung lalla looy, “Njawom saraꞌ, yuk na, ‘Kaasean bi Papuꞌ bi Tuhan ni pupus hilas atay bi sampay pa bigi-bigi jantung bi. Maka mimon pamiki bi ka hulas-sangsāꞌ bi subay magbēꞌ ka aseꞌ bi niiya.’ Maka luu du njawom saraꞌ, ilooy ma yuk na, ‘Subay kaasean bi siga pagkahi bi sibuꞌ du ka aseꞌ bi ni dī bi.’ ”

Lukas 22:32

Boꞌ kau na sina Saymon tiniluꞌ banahan meꞌ na. Kamasaꞌ lay na du silay siꞌ ko pakuhan ku duwaa supaya yaꞌ lungay pangando nu niyaku. Sugaꞌ san meꞌ looy, masi du sina ku tikutan nu samantalaꞌ. Sugaꞌ pag lay jaꞌ ko ina mintu nawbat sampay pabeleng pa mman ku, paintoman nu sa siga danganakan nu mari pataggu iman da.”

Suwat si Pol pa mman Baanan Sukuꞌ si Isa ndooy ni Rom 15:13

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

1 Korin 14:1

Siga danganakan, pakutuun bi na meꞌ bi sikaaseꞌ-kaaseꞌ. Maka subay kam magkainagon banahan ni siga kapandoyan bilang ladjikiꞌ ma lakka man Rū Sutsiꞌ, labi na hāl kapandoyan masampay siga umanat ma pinalahil meꞌ Rū Sutsiꞌ.

1 Korin 16:14

Ni mimon kahalan bi, ilooy subay isbatun bi meꞌ bi maasean jama.

1 Korin 3:14

Na sagannap ma kanaalla buwat, mastiꞌ yaꞌ sina mintu tutung pabuwatan da. Dari binuwanan sila tungbas ayad.

1 Korin 8:1

Na ni kapasal bay tilaw bi hāl mangan sumbalian ma sinongan meꞌ siga kapil ni siga tuhan-tuhan da, ndang tahati tabi na du bong kinawnan siga tuhan-tuhan, yaꞌ luu kawasa da samasakali. Sugaꞌ paayad-ayad kam, batan mangkin ina pasōng pangahati ta, pasōng du sina abbu ta. Boꞌ abbu ina, yaꞌ kasambu ni nyawa pagkahi ta. Iya kasambu yana aseꞌ.

1 Korin 8:3

Sugaꞌ soysoy ina maaseꞌ, iya na sina ngantanan pangahati sabanna.

2 Korin 5:10

Batan ndang bay sina ginantaꞌ ningkitabi sikamimon pinaawop ni Almasi hinukum. Pag-anu, boꞌ tabi tinungbasan na sabapan mimon ma bay pabuwat tabi mahap-maat.

2 Korin 5:15

Kon na ilay Almasi bay matoy gantiꞌ sikamimon supaya sagannap ma koleꞌ kaallum bahau makutuꞌ kahandak na, saꞌ na kahandak da. Boꞌ pataꞌ du baw lay batan iya bay matoy sampay pinakallum pabalik kalnaꞌ manusiyaꞌ sikamimon.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Pilipi 1:9

Aku tu makuhan kaam na pin duwaa, kamura-murahan magsasōng na pin aseꞌ bi pa Tuhan sampay pa mimon manusiyaꞌ. Maka kamura-murahan pasōng na pin pangahati bi ka bistuhan bi

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

Kolossa 1:5

Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.

Kolossa 3:14

Labi man sikamimon ma bay sabbut ku siꞌ, subay kam sikaaseꞌ-kaaseꞌ. Batan aseꞌ ina, bong ibaratan ingkot, inaa na man makkos kaam mari kam dambuwaꞌ atay sikamimon.

1 Timuti 1:5

Baan nu sila ngkon tabi noan jama umanat Tuhan supaya sila maasean pagkahi da manusiyaꞌ. Maaseꞌ ina, mastiꞌ takaya da jaꞌ bong sutsiꞌ niyat atay da, maka yaꞌ na sila buwat oy maka oy na ma nulang ni honaꞌ-honaꞌ da, maka bong sila kanaalla mangando ni si Isa Almasi.

2 Timuti 1:7

Daa ko tawu buwat ma bay sinukuꞌ meꞌ Tuhan ningkau. Batan Tuhan ilay bay matannaꞌ Rū na njataꞌ ta supaya luu na gaos ta ka aseꞌ sampay tabang ngagak dī ta. Saꞌ ga silay supaya kita subay na pin tawu.

Hibrani 10:35

Sangkon daa na labbahan bi pangando bi ni Papuꞌ, batan pangando bi ina, inaa na poonan man bi koleꞌ tungbas ayad saꞌ alang-alang.

Hibrani 10:39

Kahapan kuwan kitabi baw itu, yaꞌ tabeꞌ ni sagannap ma patatak. Jama meꞌ sila ilay, song hallom minulkaan du. Boꞌ kitabi itu tabeꞌ ni sagannap ma salamat sabap takkoꞌ pangando tabi.

Hibrani 6:11

Kainagon kami itu tiggohan bi na pin buwat meꞌ naa halloman bi llum supaya tantu takoleꞌ bi mimon ma hinolat meꞌ bi man Tuhan.

Hibrani 6:19

Holat tabi ina meꞌ karuha bahudjiꞌ ngagot ni tanaꞌ diyoꞌ mari kitabi yaꞌ usik man okoman Tuhan. Kon luu holat tabi batan luu na pag-asa tabi, yana si Isa Almasi. Iya ilay panghuluꞌ imam tabi. Boꞌ pagkaimam na ina sibuꞌ karuha na ka ni si Melkisedek, yaꞌ luu katapusan na. Si Isa ilay lay na duhuꞌ man kitabi paasok pa jawom Lugar Pinakasutsiꞌ ni pag-awpan Tuhan mari kitabi mahap na pa Tuhan. Sangkon yaꞌ na kitabi alang-kapalang paawop pa Tuhan.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.

1 Yahiya 2:10

Sugaꞌ soysoy maasean pagkahi na, tattap njawom dantaꞌ. Maka yaꞌ luu ni arat-tabiat na man na ndusa.

1 Yahiya 2:14

Siga anak, kon bi suwatan ku sabap katoonan bi na Mmaꞌ tabi Tuhan. Kaam pun siga matatoa, meꞌ halling sambat ku na siꞌ, suwatan ta na kam sabap katoonan bi ilooy ma ndang luu man awwal tagnaꞌ. Maka kaam ma siga anak-anak bahau, suwatan ta du kam sabap basag pangando bi ni si Isa maka lay na nganggamut palman Tuhan njawom atay bi. Boꞌ na, lay na kam tumanjataꞌ man ilooy ma poonan kalaatan.

1 Yahiya 2:24

Sangkon amay-amay kannahun bi na pin tōꞌ ma bay takale bi jaman bi bahau jaꞌ bay pitsayaꞌ. Meꞌ looy ilay, mastiꞌ yaꞌ maglumba meꞌ bi lungbid ka Mmaꞌ tabi Tuhan ka Anak na.

1 Yahiya 3:3

Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.

1 Yahiya 3:9

Dari sagannap ma lay na dari anak Tuhan, labbahan da na sina meꞌ da buwat dusa sabap luu na ninsila pangatayan bahau man Tuhan. Maka pagka Mmaꞌ da na Tuhan, yaꞌ sila kasogsog buwat dusa.