1 Korin 13:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ San kita sawpama pandoy mitsala kajinisan pallun manusiyaꞌ sampay pallun siga malaikat, bong kita yaꞌ du pandoy maaseꞌ ni pagkahi ta manusiyaꞌ, yaꞌ du luu pūs ta. Bong yaꞌ luu aseꞌ ta, sibuꞌ du hagaꞌ bitsala ta ka agung pinepek yaꞌ biddaꞌ atawa sembal pinagsipangkiꞌ manunsāp.

1 Korin 13:1 ပူးပေါင်းရင်းမြစ်များ

Matiyu 25:45

“Pag tampung ku ina mintu, ‘Baan ta kam banahan, waktu bi ilay yaꞌ bay nulung ni soysoy danganakan ku san du pooy diyoꞌ na ni bandingan manusiyaꞌ, sibuꞌ du ka aku yaꞌ bay tulung bi.’ ”

Malkus 16:17

“Na sagannap ma pitsayaꞌ niyaku, meka sina mintu sipat kawasa tapōꞌ da. Kapalakka na sina sila siga seytan man jawom baran jama makoy awon ku. Maka kabitsala gi sina sila ni jinisan pallun ma yaꞌ san bay pingkaꞌ kapandoyan da.

Suwat si Pol pa mman Baanan Sukuꞌ si Isa ndooy ni Rom 14:15

Sarī gi, bong ina mbuwaꞌ danganakan ta bay ngita kita mangan lawuk ma kanna na haram, mastiꞌ lingog jaꞌ kōk na. Dari bong ya mangan sabapan ta san nulang ni honaꞌ-honaꞌ na, tumatandaꞌ yaꞌ luu aseꞌ ta niiya. Intomun bi, iya ina hagaan ni Almasi, batan atas Almasi bay nongan umu na bong pin salamat jaꞌ ya. Sangkon, yaꞌ sikatuwaꞌ bong mintu pangando danganakan ta binasa sabap meꞌ ta bay mangan lawuk yaꞌ biddaꞌ ni awpan na.

1 Korin 12:10

Maka kasohean, kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian masampay siga umanat ma bay pinalahil meꞌ Tuhan ninsila. Kasohean kaladjikian nilang bong bitsala jama bana-bana lakka man Rū Sutsiꞌ atawa niyaꞌ. Kuwan kasohean, kaladjikian mitsala ni jinisan pallun ma yaꞌ san bay pingkaꞌ kapandoyan da. Boꞌ luu gi kasohean kaladjikian muwan maana ni siga pallun meꞌ looy.

1 Korin 12:16

Atawa bong yuk tinga, “Yaꞌ luu lamud ku ni baran tuu sabap saꞌ du ku mata,” damikiyan, magsāꞌ du ya batan luu jaꞌ du sina kapansahaliyan na ni baran.

1 Korin 12:8

Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

1 Korin 13:8

Na mimon ladjikiꞌ meꞌ sapantun masampay siga umanat Tuhan atawa pun mitsala ni jinisan pallun ma yaꞌ san bay pingkaꞌ kapandoyan na, ahi maka ahi na, luu jaꞌ du sina ka katapusan da. Sampay ilmuꞌ, bbos-bbos tamban du sina. Boꞌ aseꞌ, yaꞌ luu masa na.

1 Korin 14:2

Kaam ina, katoonan ku meka kam doman kaladjikian mitsala ni siga pallun ag-agan ma yaꞌ san bay pingkaꞌ kapandoyan bi. Sugaꞌ soysoy ina mitsala ni pallun ag-agan, isu-isu nyawa da dī da pasambu da. Saꞌ sina ga manusiyaꞌ pakalehan da. Iya pakalehan da, yana Tuhan, batan isu-isu iya kahati ni bitsala da. Sangkon, gam na kam magkainagon kaladjikian masampay siga umanat man Rū Sutsiꞌ sabap kasambu ni nyawa sikamimon ni baanan bi. Boꞌ na, ladjikiꞌ meꞌ naa ina mataggu iman pagkahi bi lagi sampay magamgaman atay da.

1 Korin 14:5

Sugaꞌ yaꞌ baw tu ku kabāꞌ ga yaꞌ luu guna na mitsala ni siga pallun ag-agan. Gam pin kainagon ku mimon kam nnaa kaladjikian mōꞌ siga pallun meꞌ looy. Sat na jaꞌ, mas mehe tabang ni baanan bi bong kam kaladjikian masampay siga umanat man Rū Sutsiꞌ. Kamasaꞌ, bong baw ina luu du kam nnaa kaladjikian muwan maana ni siga pallun ag-agan, malaingkan kasambu du ni nyawa sikamimon njawom baanan bi.

1 Korin 8:1

Na ni kapasal bay tilaw bi hāl mangan sumbalian ma sinongan meꞌ siga kapil ni siga tuhan-tuhan da, ndang tahati tabi na du bong kinawnan siga tuhan-tuhan, yaꞌ luu kawasa da samasakali. Sugaꞌ paayad-ayad kam, batan mangkin ina pasōng pangahati ta, pasōng du sina abbu ta. Boꞌ abbu ina, yaꞌ kasambu ni nyawa pagkahi ta. Iya kasambu yana aseꞌ.

2 Korin 12:4

Ndooy siꞌ, luu bay takale na pakaradjaan kainu-inu ma yaꞌ luu bitsala tatammu man mahati. Boꞌ na, yaꞌ dari sinabbut meꞌ manusiyaꞌ.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

1 Timuti 1:5

Baan nu sila ngkon tabi noan jama umanat Tuhan supaya sila maasean pagkahi da manusiyaꞌ. Maaseꞌ ina, mastiꞌ takaya da jaꞌ bong sutsiꞌ niyat atay da, maka yaꞌ na sila buwat oy maka oy na ma nulang ni honaꞌ-honaꞌ da, maka bong sila kanaalla mangando ni si Isa Almasi.

1 Pitel 4:8

Maka numbul satu isbatun bi meꞌ bi sikaaseꞌ-kaaseꞌ ni kahilas atay bi. Batan bong ina kam maasean siga pagkahi bi, mastiꞌ ampun bi jaꞌ sila san du pooy eka dusa da ningkaam.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

Siga Pakaradjaan bay Pinalahil 14:2

Maka luu takale ku man sulgaꞌ meꞌ halling boheꞌ sōng ngallub tumpa man taꞌ pampang. Boꞌ luu gi guntu basag magtagubtub. Maka luu gi meꞌ halling biyulla meka kinabbit.