1 Korin 12:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

1 Korin 12:8 ပူးပေါင်းရင်းမြစ်များ

Matiyu 13:11

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Salsila siga Rasul 6:3

Sangkon siga danganakan, meneꞌ kam ni baanan tabi pituꞌ jama ma ndang taindan meꞌ sikamimon mahap arat-tabiat da. Maka subay sila halul-akka sampay wā mmeꞌ ni kahandak Rū Sutsiꞌ. Bong luu na bay peneꞌ bi, sila na buwanan kami kapatut nohoꞌ mahampitan siga bawu balanjaꞌ.

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 1:5

Man sabapan pagkatibuuk bi ka Almasi, lay na kam kaladjikian jinisan supaat. Sangkon luu na pangahati bi ni kabanahan. Maka pandoy na kam mahatiyan jama palman Tuhan,

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

1 Korin 13:8

Na mimon ladjikiꞌ meꞌ sapantun masampay siga umanat Tuhan atawa pun mitsala ni jinisan pallun ma yaꞌ san bay pingkaꞌ kapandoyan na, ahi maka ahi na, luu jaꞌ du sina ka katapusan da. Sampay ilmuꞌ, bbos-bbos tamban du sina. Boꞌ aseꞌ, yaꞌ luu masa na.

1 Korin 14:26

Na siga danganakan, bila kam kumpo-kumpo numba, ituu palbiatan ku ningkaam. Mahap sina bong kasohean ngalang kalangan pudji pa Tuhan; maka mahap du bong kasohean nganasihat maka kasohean masampay umanat ma bay pinalahil meꞌ Rū Sutsiꞌ ninsila. Maka mahap du bong kasohean mitsala ni siga pallun ag-agan, basta luu jaꞌ tukang muwan maana. Sugaꞌ junjung ku na ningkaam, oy-oy pabuwat bi, subay kasambu ni siga nyawa sikamimon njawom baanan bi.

1 Korin 14:6

Siga danganakan, bong sawpama bay ku pilu, boꞌ bbuwatan ku mitsala ni siga pallun ag-agan, pooy meꞌ bitsala ku katabang ni baanan bi? Sugaꞌ bong ina ku makoy pallun tabi mismu man ku masampay umanat ma bay pinalahil meꞌ Rū Sutsiꞌ niyaku, mastiꞌ katabang jaꞌ sina ningkaam. Damikiyan, bong ku makoy pallun tabi mismu man noan kaam ilooy ma katoonan ku pasal Tuhan atawa pun magnasihat, mastiꞌ katabang jaꞌ du sina ningkaam sikamimon.

1 Korin 2:11

Yana meꞌ ilooy njawom pamiki tabi yaꞌ kinatoonan meꞌ manusiyaꞌ sarī man dī tabi, damikiyan, yaꞌ du luu toon njawom pamiki Tuhan sarī man Rū na.

1 Korin 2:16

Meꞌ halling sambat njawom kitab, “Soy toon njawom pamiki Tuhan? Soy kapagpandoyan iya?” Boꞌ kitabi itu, katoonan tabi bong oy njawom pamiki na batan sabapan Rū Sutsiꞌ, luu na ningkitabi pamiki Almasi.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 11:6

Marean ta yaꞌ du situ ku pintal mitsala meꞌ sila, sugaꞌ ni hāl pangahati pasal Tuhan, basta yaꞌ baw tu ku tamban meꞌ da. Kaam pun ina, katoonan bi na du, batan lay na du takale bi tōꞌ ku.

2 Korin 2:14

Sugaꞌ san meꞌ looy, magsuku ku pa Tuhan sabap luu na pin ya magmundaan kami supaya wā kami tumanjataꞌ san gi oy katuwaꞌ ningkami. Kon meꞌ looy sabap tibuuk na kami ka Almasi. Batnaa pinakoy na pin situ kami meꞌ Tuhan ngalataan kalahat-lahatan masampay umanat mahap pasal Almasi. Umanat mahap ina meꞌ sapantun bawu insallan hamut ma muhag-muhag ni sikaliput lahat.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

2 Korin 8:7

Katoonan ku du yaꞌ kam tamban ni hāl ma hagaan pa Tuhan, batan basag pangando bi ni si Isa maka alistu kam noan jama pasal iya. Boꞌ lawom gi pangahati bi ni kabanahan. Tiggo gi kam nabangan jama maka basag aseꞌ bi ningkami. Sangkon sapatut na, subay du kam yaꞌ tamban ni hāl nulung pagkahi bi ma tiksaꞌ batnaa ndooy ni Yahudiya.