1 Korin 12:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ Maka saꞌ du situ kitabi mimon bay binuwanan kawasa ngulian jama. Maka saꞌ du kitabi mimon kapōꞌ jinisan pallun ma yaꞌ san bay pingkaꞌ kapandoyan tabi atawa kabuwan maana ni siga pallun meꞌ looy.

1 Korin 12:30 ပူးပေါင်းရင်းမြစ်များ

1 Korin 12:10

Maka kasohean, kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian masampay siga umanat ma bay pinalahil meꞌ Tuhan ninsila. Kasohean kaladjikian nilang bong bitsala jama bana-bana lakka man Rū Sutsiꞌ atawa niyaꞌ. Kuwan kasohean, kaladjikian mitsala ni jinisan pallun ma yaꞌ san bay pingkaꞌ kapandoyan da. Boꞌ luu gi kasohean kaladjikian muwan maana ni siga pallun meꞌ looy.

1 Korin 12:28

Na meꞌ kitabi itu njawom sakup Almasi na, luu jinisan pabuwatan bay sinukuꞌ ningkitabi. Duhuꞌ, luu bay kawakilan leꞌ Tuhan binuwat siga rasul si Isa. Kaduwa na, kasohean bay kawakilan masampay siga umanat ma bay pinalahil meꞌ Rū Sutsiꞌ ninsila. Ni katallu na, kasohean bay kawakilan binuwat siga guru. Sarī man inaa, luu gi sina bay kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian ngulian jama. Kasohean kaladjikian basag nabang, kasohean tukang magmalim maka luu gi kasohean kaladjikian mitsala ni jinisan pallun ma yaꞌ san bay pingkaꞌ kapandoyan da.

1 Korin 12:29

Na baran Almasi ina, yaꞌ kuhi langkap bong danjinis du kalangkapan na labbasakayi. Sangkon, saꞌ du kitabi mimon bay pineneꞌ binuwat rasul na atawa binuwat tukang masampay siga umanat Tuhan. Maka saꞌ du kitabi mimon guru atawa kapōꞌ pabuwatan kahaylan-haylan man kawasa Tuhan.

1 Korin 12:9

Kasohean kaladjikian meꞌ Rū Sutsiꞌ pangando basag ni kawasa Tuhan. Kuwan kasohean, kaladjikian ngulian jama sakihan.

1 Korin 14:13

Sangkon, soysoy bay kaladjikian mitsala ni siga pallun ag-agan, subay du sila maku pa Tuhan mari sila binuwanan kapandoyan muwan maana ni pallun meꞌ looy.